بدأ التقديم لمنحة ITI

[Forever20008]

Forever20008
تويفل يقال انه غاليا مش مطلوب لغاية لما تقبل إن شاء الله, عموما حاول تسأل على ماتريال كويس وذاكر منه لحد ما تُفرج إن شاء الله
في إمتحانات في جامعة عين شمس, ودي حكومة يعني حجز بعيد ومواعيد متعبة ونتيجة متأخرة وانت فاهم
في أميدست الدقي 02-33320400 بـ 260 جنيه حجز قبلها بأسبوع والنتيجة بعد الإمتحان بأسبوع والإمتحان كل يوم اثنين وأربعاء كل اسبوع
في كذلك في الجامعة الامريكية طبعا احسن من عين شمس ومعرفش تفاصيل
اظن ان اميدست افضل وعلى فكرة لها فرع في اسكندرية لو عاوز, ومتفكرش اني بعملهم دعاية

تقدر تقدم اوراقك من اول يوم 20 يوم الاثنين القادم يعني, ويكون افضل لو كملت مذاكرة قبل ما تقدم عشان هتاخد ميعاد امتحانك بعدها بحوالي 3 ايام

مش متأكد من نوعية الأسئلة والعدد مش هيفرق معاك, وخليك فاكر إن الإمتحانت متغيرة جدا مش ذي امتحانات العربي في ثانوية عامة
عموما دور على برنامج اسمه qualification فيه امثلة كتير وحلولها

جزاك الله خيرا

انا عارف ان حضرتك مشكورا بتفيدنى واكيد عارف ان دى مش دعايا

جزاك الله خيرا

بالنسبة لموضوع البرنامج اللى هو بالفلاش ده انا نزلته بالفعل

لكن لسه هبتدى فيه ان شاء الله من اليوم

ايه رأيك هو يخلص فى قد ايه كده ؟

وهل لازم اخلصه كله ؟

---

ممكن أعرف كل ما يجب عمله قبل تقديم الأوراق وبعدها حتى بدأ الدراسة ان شاء الله ربنا يكتبهلنا جميعاً ؟

معلش انا عارف ان السؤال ده كبير ( بس ممكن ترد فى صيغة عناوين ) او على قدر الامكان

بس علشان الواحد يبقى عارف الدنيا ماشية ازاى ؟

[freenoble22]

البرنامج يخلص في اد ايه, دي ترجعلك انت
لو انت مثلا دارس رياضيات وعلوم وعارف انكليزي كويس, هتكون اسرع كتير
عموما, اظن ان 3 أيام يخلوك تراجع عليه كذا مرة
لكن انت ممكن مش تكتفي وتبحث عن أي كتاب IQ يكون طابع الأسئلة اللي فيه رياضي, لأن في أسئلة ذي حلول لمواقف إنسانية وإجتماعية ومئاذق وحاجات ذي كدة بتكون في كتب IQ

لما هتقدم الورق, إن شاء الله, هتكون على وشك الإمتحان في خلال 3 أيام, ولما تمتحن هتكون على وشك المقابلة في 5 أيام

قبل المقابلة ثقف نفسك كتير عن تفاصيل التراك اللي بتقدم فيه وجهز إجابات لأسئلة المقابلة, وثقف نفسك يعني إقرئ أكبر كمية ومتحفظش تفاصيل, وطبعا متكذبش وتقول انك دايس جامد في التراك وإلا هيسألووووووك عن التفاصيل

بعد المقابلة, كبر دماغك وانتظر النتيجة

[Forever20008]

البرنامج يخلص في اد ايه, دي ترجعلك انت
لو انت مثلا دارس رياضيات وعلوم وعارف انكليزي كويس, هتكون اسرع كتير
عموما, اظن ان 3 أيام يخلوك تراجع عليه كذا مرة
لكن انت ممكن مش تكتفي وتبحث عن أي كتاب IQ يكون طابع الأسئلة اللي فيه رياضي, لأن في أسئلة ذي حلول لمواقف إنسانية وإجتماعية ومئاذق وحاجات ذي كدة بتكون في كتب IQ


تمام ، انا الحمد لله وان شاء الله ربنا يسهل واخلص فى السريع

وفعلا فى اسئلة بتلاقى الحل بتاعها مش رياضى او بمعنى مش مادى

فدى ايه نظامها يعنى احفظها ؟؟!!

طب لو لاقيت اى حاجة IQ فى سكتك على النت ولا حاجة ابقى ابعت اللينك بتاعها

لما هتقدم الورق, إن شاء الله, هتكون على وشك الإمتحان في خلال 3 أيام, ولما تمتحن هتكون على وشك المقابلة في 5 أيام

قبل المقابلة ثقف نفسك كتير عن تفاصيل التراك اللي بتقدم فيه وجهز إجابات لأسئلة المقابلة, وثقف نفسك يعني إقرئ أكبر كمية ومتحفظش تفاصيل, وطبعا متكذبش وتقول انك دايس جامد في التراك وإلا هيسألووووووك عن التفاصيل

بعد المقابلة, كبر دماغك وانتظر النتيجة

تمام جدا جدا جزاك الله خيرا على الشرح ده

انا اعرف فى الفوتوشوب جامد جدا غير كده !

ربنا يجزيك خير ان شاء الله وربنا يكتبهلنا جميعا

وانا عامة مش هروح يوم الأتنين

وانت هتروح امتى ؟

[freenoble22]

العفو, تحت أمر حضرتك
لا لا, يا ريت متحفظش حاجة, أسئلة IQ مش للحفظ وإذا كان الإمتحان قوي ومظبوط مش ممكن تستفيد من الحفظ ولا ثقافتك
لكن القراءة والحل الكتير هيسرع أدائك أولا, وثانيا هيرجعلك نشاط عقلك في الحسابات
يعني مثلا واحد ضعف عمر اخوه والكلام ده, لازم تعمل معادلة X,y وإلا هتفكر كتير قبل ما تحلها
مثلا الأسئلة المنطقية, اذا كان كل __ هو ___ فإن مش عارف ايه يبقه ايه, هتعتمد عشان السرعة على أشكال فين بتاعة اولى اعدادي

إن شاء الله, أنا همتحن تويفل بكرة, ولما النتيجة تظهر بعدها بأسبوع واكون ذاكرت, انزل القاهرة اجيب النتيجة واقدم في مشوار واحد

[ghost1484]

engola
freenoble
شكرا ليكو وربنا يسهل ونشوف هنعمل ايه

[test_tube]

السلام عليكم
freenoble
فاكر اللينك اللي اديتهولي اللي هنا في المنتدى اللي فيه شرح الاوركل ؟؟؟ اللي هو صوت وصورة
بصراحه جميل اوي
بس تالت لينك عندي مش شغال خالص
يا ريت لو كنت نزلتهم قبل كده تبعتهوملي او ترفعه على سيرفر وتديني اللينك بتاعه
في انتظار ردك

[freenoble22]

السلام عليكم
freenoble
فاكر اللينك اللي اديتهولي اللي هنا في المنتدى اللي فيه شرح الاوركل ؟؟؟ اللي هو صوت وصورة
بصراحه جميل اوي
بس تالت لينك عندي مش شغال خالص
يا ريت لو كنت نزلتهم قبل كده تبعتهوملي او ترفعه على سيرفر وتديني اللينك بتاعه
في انتظار ردك

وعليكم السلام

ده لينك بديل أتمنى يكوزن شغال

https://www.4shared.com/file/1191643...statement.html

[test_tube]

وعليكم السلام

ده لينك بديل أتمنى يكوزن شغال

https://www.4shared.com/file/1191643...statement.html

جزاك الله خيرا
طمنا عملت ايه في الامتحان ؟؟

[Forever20008]

العفو, تحت أمر حضرتك
لا لا, يا ريت متحفظش حاجة, أسئلة IQ مش للحفظ وإذا كان الإمتحان قوي ومظبوط مش ممكن تستفيد من الحفظ ولا ثقافتك
لكن القراءة والحل الكتير هيسرع أدائك أولا, وثانيا هيرجعلك نشاط عقلك في الحسابات
يعني مثلا واحد ضعف عمر اخوه والكلام ده, لازم تعمل معادلة X,y وإلا هتفكر كتير قبل ما تحلها
مثلا الأسئلة المنطقية, اذا كان كل __ هو ___ فإن مش عارف ايه يبقه ايه, هتعتمد عشان السرعة على أشكال فين بتاعة اولى اعدادي

إن شاء الله, أنا همتحن تويفل بكرة, ولما النتيجة تظهر بعدها بأسبوع واكون ذاكرت, انزل القاهرة اجيب النتيجة واقدم في مشوار واحد

تمام جزاك الله خيرا

وكويس انك اخدت التويفل - النتيجة عملت ايه بقى طمننا ؟

[malk roh7y]

يا جماعه ان شاء الله النتيجه بتعتى فى الكليه على وشك الظهور
ادعولى يا جماعه يارب استرها معانا يارب انا مش طماع جيدجدا بس يارب
بشرى ساره لاهالى المنتدى الكرام الكلام ده من واحد صحبى معيد فى الكليه عندنا كان مقدم فى المنحه وهى:
جيد جدا كتقدير تراكمى ياخد من المنحه كمرتب شهرى ( ان شاء الله لما ندخل كلنا هنا فى المنتدى ) 1000 جنيه
الامتياز 1400 جنيه
يا هلترى الجيد يا خذ كام
طبعا احنا مش خشين المنحه ان شاء الله علشان الفلوس اكيد انتم معاى فى الكلام ده:D
بجد لا تنظر للمنحه انها تشغل من ياخذها او من ناحيه الفلوس وانما للاستفاده:ah2:
المهم ادعولى يا جماعه ويا ريت اى حد عنده خبرات او كلام عن cyber security او نظم حمايه المعلومات والنت يفيدنا هنا يا جماعه
معلشى لو كنت طولت عليكم:ah49:
والسلام عليكم ورحمه الله وبركاته

[test_tube]

السلام عليكم
جماعه هو ايه الفرق بين
database designer
و
database developer
??

[بريتي جيرل]

ياجماعة اللي سأل علي مكان تقديم الأوراق دة في مقر ال ITI في الهرم والعنوان بالظبط 241 ش الهرم - الجيزة

واللي سأل علي تراكات الجرافيك المتاحة لغير المهندسين في طبعا تراك وهو ال multimedia , مش عارفة بقي ال computer graphics for media production متاح لغير المهندسين او لا بس المفروض انك بعد مابتملي الاستمارة ع الموقع بيظهرلك التراكات المتاحة ليك علي حسب شهادتك و المدينة اللي انت ساكن فيها ..

انا الحمد لله قدمت Multimedia علشان حلم عمري اكون مصممة جرافيك وطبعا دي فرصة كبيرة بس يارب يكتبلي نصيب السنة دي فيها !! بس انا لسة موديتش ورقي للمعهد .. سؤالي بقي هو في مشكله لو اتأخرت شوية ولا طالما مليت الاستمارة ع الموقع خلاص اروح في اي وقت ؟؟
وبعدين ايه موضوع الدراسة هتكون في القرية الذكيه دي اة هي تحفة طبعا بس دي بعيدة مووووت

[malk roh7y]

فعلا انا قدمت على النت منذ فتره بس لسه مستنى النتيجه لما تظهر كمان اسبوع كده واحصل على الشهاده المؤقته
هل التأخير فى تقديم الاوراق عادى او فى مشكله وياريت لو حد قدم الاوراق يقول هنا
ولو حد عنده سؤال فى الاى كيو يقوله وان شاء الله نحله كلنا علشان تكون الفايده اعم

[ghost1484]

مفيش اى مشكله من التقديم المهم يكون قبل 1 - 9

[ghost1484]

السلام عليكم
جماعه هو ايه الفرق بين
database designer
و
database developer
??

ال database designer ده اللى بيصمم الداتا بيز اللى هى الاعمده والصفوف وهيكون فيها ايه وكده
وازاى يعملها Normalization وكل الكلام ده
اما ال developer ده اللى بيعمل الكلام ده على الكمبيوتر ويظبطها ويضيف ويشيل ويعمل update والكلام ده
ده اللى اعرفه