استفسار بخصوص DC& DNS

**medo11220022** · 16-07-2009, 02:14

السلام عليكم ورحمة الله وبركاته

اخوانى دلوقتى انا بذاكر الكورس Mcsa بس عاوز استفسر عن شوية نقاط وهيا

1- هل السرفر AC AND DNS لازم يكون عليه 2 كارت نيورك .. ام اوصلة عادة بكرت واحد بالسويتش ؟؟؟

**osamasamir** · 16-07-2009, 02:54

لو انك تقصد بـ AC = اكتيف دايريكتوري فدا ملوش دعوة بكارت النيتوورك لانك لازم هتنزل DNS على الجهاز اللي انت عامله AD لان دا اسهل حا الا اذا كنت هتربطه بـ DNS تاني لان شركة مايكروسوفت بتقول ان الاحسن ان الاتنين يكونوا على جهاز واحد
لكن اذا ماكونتش تقصد اللي انا بتكلم عليه فمعلش زضح سؤالك شوية تاني

**fofo_912** · 16-07-2009, 03:06

شكرا على المعلومات أخي ..

**Mohammad Saad** · 16-07-2009, 10:38

المشاركة الأصلية كتبت بواسطة medo11220022

السلام عليكم ورحمة الله وبركاته

اخوانى دلوقتى انا بذاكر الكورس Mcsa بس عاوز استفسر عن شوية نقاط وهيا

1- هل السرفر AC AND DNS لازم يكون عليه 2 كارت نيورك .. ام اوصلة عادة بكرت واحد بالسويتش ؟؟؟

يمكنك اخى الفاضل انك تستخدم NIC واحد يعنى كارت نت ورك واحد .... الحاجة لكارتين نت ورك ... لو كنت هاتركب ISA على الجهاز ... او لو كنت هاتعمل VPN ....

ما فائدة الكارتين ؟ ....

الفائدة هى انك محتاج كارتين علشان واحد بيكون Internal يعنى بيكون مسؤل عن إتصال الـ clients مع الـ ISA Server .. وواحد external يعنى بيتعامل مع الإنترنت اللى هو بيطلع الـ clients بتوعك على النت

ده استفسارك باختصار .... ولو محتاج حاجة تانية انا فى الخدمة ........

شكراً
محمد سعد

**medo11220022** · 17-07-2009, 02:31

اولا احب ان اشكرك على الرد ..

بس كل دة انا فهمة تمام .... بس اعتقد ان هناك مشكلة لو انا ركبت كارت واحد

فمثال ... انا دلوقتى عامل شبكة لصغيرةلشركة صغيرة فيها سرفر واحد وخط انترنت
السرفر دة عليه طبعا AD و DNS وطبعا بحط الدى ان اس بتاع الاى بى بتاع السرفر ( يعنى لو السرفر مثلا الاى بى بتاعة 192.168.1.50 بحط الدى ان اس 192.168.1.50 ) والمفروض انى احط كمان DNS بتاع شركة الانترنت علشان السرفر يكون فيه نت وكذلك ال Clients ... وشركة الانترنت ادتنى الدى ان اس دة
DNS1:213.122.65.20
DNS2:213.122.66.246

دلوقتى بقى اعمل اية فى المشكلة دى ؟؟؟؟؟

**elostaz3omda** · 17-07-2009, 17:06

السلام عليكم...
أنت مش محتاج كارتين ولا حاجه.
طب تعمل ايه في الـ DNS بتاعك والـ DNS بتاع مزود الانترنت؟
لو تفتكر وأنت بتنزل الـ DNS مع الـ AD كان في خطوه في آخر اعدادت الـ DNS بتاعك بتسألك لو معرفتش اعمل Resolve للـ Name تحب أسئل مين عليه؟"وهنا يقصد في حال انك حبيت تطلع للانترنت يسأل مين عن IP الموقع اللي حضرتك عاوز ترحله" وكان بيطلع لحضرتك مربعين تكتب فيهم IP بتاع الـ DNS لمزود الخدمه اللي،هما في حالتك DNS1:213.122.65.20 DNS2:213.122.66.246.
يعني انت علي الـ Clients بتوعك هاتكتب اسم الـ DNS بتاعك 192.168.1.50 وملكش دعوه بحكايه الطلوع علي الانترنت علشان الـ DNS بتاعك لو معرفش معني www.arabhardware.net هايسأل الـ DNS بتاع مزود الخدمه اللي انا كنت محدده.

**medo11220022** · 18-07-2009, 04:39

شكرا جدا على الرد يا elostaz3omda

وممكن طلب كمان معلش .. ممكن طريقة عمل دة بالظبط ؟

وشكرا لك

**ELnobY2006** · 23-07-2009, 16:26

اشكر كل من قام بالرد على صاحب الموضوع ردودكم رائعة و مساعدنكم جامدة و بالتوفيق للجميع

**a_network** · 23-07-2009, 18:17

اخى الكريم انا ممكن اقولك تعمل ايه بس هيكون الشرح طويل عليك ممكن تطلع على الموضوع ده فى هذا الرابط نزل دروس الDNS وانت هتفهم العلاقه ما بين DNS & DC وايه الحاجات اللى بتخليهم مرتبطين ببعض وربنا يوفقك

https://www.arabhardware.net/forum/s...d.php?t=110776

فى رعاية الله وحفظه