الفكرة ان المروحة اللي بتشفط بتاخد هواء بارد
واللي بتطرد بتطرد الهواء داخل البرطمان فيتم تبريده وتقوم الاخرى بشفطه
أول مشاركة ليا جهاز تبريد بدون تكاليف فقط؟؟؟
السلام عليكم ورحمة الله
الزيكم يا شباب
دي اول مشاركه ليا في المنتدى الرائع ده ويارب تعجبكم مشاركتي
انا من سنه عملت جهاز تبريد خاص بجهازي وبدون أي تكاليف تذكر
والحمد لله كانت النتيجه انخفاض درجة الحراره من 39 درجة الى 22 درجة فرق كبير وكويس وده كان ببرنامج ايفرست
الجهاز بحمد الله من اختراعي لكن اكيد انتوا لو شوفتوه هاتضحكوا لانه عبيط شويتين بس حلو ومش مكلف لاني في البيت مافيش ورايا غير تنضيف جهازي وتبريده والحمد لله سرعته ماشاء الله
المكونات
مروحتين في ال CPU
واحده شفط وواحده طرد
علبتين زي علب الحلاوة الطحينيه مثلا
خرطومين
برطمان
مياه باردة او ثلج
ودي رسمه توضيحيه رسمتها علشان توضح اكتر
مستني ردودكم وارائكم
الفكرة ان المروحة اللي بتشفط بتاخد هواء بارد
واللي بتطرد بتطرد الهواء داخل البرطمان فيتم تبريده وتقوم الاخرى بشفطه
فكرة جامده والله
بس المشكلة بقا ان التلج كل شوية هيسيح وهتقوم تجيب غيره خصوصا لو الجو حر زى اليومين دول .
فمن مصلحة الى يجرب يبقى الجهاز جمب التلاجة بحيث ميتهدش حيله :D
ههههههههههه مشكور حبيبي على الرد
بس يعني مش مشكلة ادينا بنفكر وبنطور من نفسنا
انا بحاول احاكي تطور الغرب بس طبعا الامكانيات مش موجوده فبحاول استخدم الموجود
يعني انا ركبت مروحة تبريد زيادة في جهازي هتألني جبتها منين هاقولك كان عندي باور سبلاي بايظ شيلت مروحته ووصلتها بكابل باور والحمد لله شغاله زي الفل
بقولك كل اما الاقي نفسي فاضي اقعد ابدع في الجهاز
تسلم على مرورك مره تانيه
ممكن اخوي صور من داخل البوكس...تحياتي
إن شاء الله حبيبي اصورها وارفعها
مشكور على المرور
تقربا نفس فكرة التبريد المائي
بس بالطريقة دي فيها خطر شوية لان ممكن ياخد بخار الماء البارد بدلا من الهواء البارد ويتكثف علي اي من مكونات الجهاز ويعمل خلل
وغير كدة ممكن الهواء الساخن الخارج من الكيسة ميلحقش يتبرد ويدخل علطول من خرطوم الهواء البارد
هي فكرة حلوة لكن محتاجة بعض التعديل عليها وتبقي تمام
[CENTER][COLOR=Blue][B][SIZE=4]سبحان الله وبحمده سبحان الله العظيم[/SIZE][/B][/COLOR]
[SIZE=3][COLOR=Purple]ادعولي بالنجاح والتوفيق.[/COLOR][/SIZE]
[/CENTER]
فكرة حلوة ,,,,
وممكن تركب خرطوم كمان متوصل بمصدر ماء بحيث يزود العلبة بالماء باستمرار .....
المشاركة الأصلية كتبت بواسطة Dr.Virus
والله نفس الى انا عملته كان عندى باور قديم فكيته وخرجت المروحة وركبتها بحيث اوفر تمن مروحة جديده وفى نفس الوقت استفيد من الباور العطلان . وبرده ليا اختراعات كتير بلنسبة للمراوح والتبريد كان عندى مشتت بمروحة فكيت المشتت وركبت المروحة لوحدها والمشتت حطيته تحت الراوتر .. ومن ساعتها الروتر مبقاش بيسخن خااااااالص . لو عممو تجربتى هينزلوا مع كل روتر مشتت خاص بيه :D
شكرا على مجهودك
عاجباني أوي فكرة التبريد للراوتر ..... تسلم على الفكرة
فعلاً ده ينطوي على شئ من الخطورة وخصوصاً إن عندنا جنب الرطوبة العالية اختراع صعب اسمه التراب والرمل اللي مالهمش آخرتقربا نفس فكرة التبريد المائي
بس بالطريقة دي فيها خطر شوية لان ممكن ياخد بخار الماء البارد بدلا من الهواء البارد ويتكثف علي اي من مكونات الجهاز ويعمل خلل
وغير كدة ممكن الهواء الساخن الخارج من الكيسة ميلحقش يتبرد ويدخل علطول من خرطوم الهواء البارد
هي فكرة حلوة لكن محتاجة بعض التعديل عليها وتبقي تمام
تمام يا شباب مشكورين على ردودكم ومروركم
طيب والله فكره وممكن نعمل حاجه كويسه قوي نتفق هنا على مجموعة مننا ونحاول نخترع حاجه يعني جهاز زي بتاعي ده ممكن نطور فيه بحيث انه مايبقاش فيه غلطه وبالنسبه للمشتت ممكن برده نعمله ونطور فيه ليه لأ الغرب والناس اللي بتصنع احسن مننا في ايه
امكانيات وايه المشكله ادينا اخترعنا حاجات باقل التكاليف وبحاجات موجوده واحنا ما بنستخدمهاش اساسا
حكاية المشتت دي فكره جامده بالنسبه للراوتر لاني شغال شبكات في شركة وبتقابلني حكاية الراوتر ده واللي ربنا بيقدرني عليه بقولهم لازم تريحوا الراوتر وتحطوه في مكان بعيد عن الشمس والتراب
مشكورين يا شباب وانتظروا مني قريبا صور حقيقيه للمبرد
فكرة جميلة بس فيها شيئ من الخطورة مع شوية تعديل تبقى احسن و مين عارف بس محاولة جيدة بالتوفيق
شكرا على مرورك حبيبي انا والله فعلا بدأت افكر ازاي أطور وأعدل فيه علشان نزيل الخطورة على الرغم اني بستخدمه من سنه والحمد لله لم يحدث شيء ولكن لن ننتظر تحت نظرية الإحتمالات وبعون الله ننهي العمل بالتوفيق
فكرة جامدة بس متل متا حكيو الاعضاء شوي تعديل و بيمشي الحال
و فكرة مشتت الراوتر كتير عجبتني لانو الراوتر عندي ماشاء الله على سخونته
شكرا الكم يا مبدعين
دمتم في رعاية الله
ضوابط المشاركة
المفضلات