عن تجربة ابتعد عن توينهان 1027 لأنه غاية في السوء وممكن تجرب Tevii S420 لأن آدؤه أحسن كثير (150-170 جنيه) .. يتنقل بين القنوات بسرعة وما يهنجش وعيبه الوحيد معايا إن الريموت بتاعه مش شغال إلا مع ال progdvb , mytheatre ودول برامج عرض مش وحشة لكنها أقل كثير من DVBviewer.
فيه kworld S100 وده برضه الناس بتتشكر فيه (لم أجربه) و لكن فيه ميزه لا يستهان بها وهي إن له دعم من مايكروسوفت وندوز فيستا 32و64 بت ولذلك تلاقي الـ media center شغاله معاه والعهدة على السايت بتاع مايكروسوفت (أنا شفته بنفسي) (نفس السعر)
إن لاقيت توينهان قديم 1025 أو 1020 برضه سمعته مع الآداء ممتاز وخصوصاً إن معظم البرامج dvb players بتدعمه هو والريموت بتاعه يعني مثلاً الكارت 1027 السئ ده كان الريموت بتاعه شغال مع dvbviewer 4.0 وده كان فيه media center أفضل كثير من mediacenter بتاع مايكروسوفت اللي نازل مع الفيستا.
فيه كارت اسم إكستريم يعتبر من الكروت الغالية (حوالي 300 جنيه) لكنه اختفى من زمان .. لو لاقيته برضه سمعته ممتازة.
فيه مستوى ثاني وهي الكروت المشهورة مثلاً 1,2 Skystar و Hauppauge وهي كروت غاية في الاحترام لكنها غير إنها غالية فهي تقريباً غير متوافرة في السوق. ودي بالنسبة لكروت الساتالايت زي المرسيدس والرولز رويس للعربيات. مثلاً فيه كارت Hauppauge يستقبل الإرسال العادي analoge والكابل dvb-t و الفضائي dvbs, dvbs2 وحاجات تانية كثير الصراحة مش عارفها والسايت بتاعهم:
https://www.hauppauge.com
الخلاصة:
1- إبعد عن التوينهان 1027
2- المتاح بأسعار معقولة kworld s100 , Tevii s420
3- أنواع محترمة بس غالباً هاتلاقيها مستعملة إكستريم و توينهان 1020 و1025
4- أنواع ممتازة و غالية ومش موجودة Hauppauge , skystar1,2 وإن كان skystar1 الأفضل
5- فيه رأي: لو تجيب كارت ساتالايت يدعم الإرسال الجديد S2 (الموجود والشائع حالياًS1) يكون أفضل بس الأسعار هاتكون أعلى حيث إنه نادر في مصر.
6- الأمر متروك -كالعادة- للميزانية والموجود في الأسواق.
7- الـ HD ده له قنوات بنظام بث dvbs , dvbs2 وارجو إنك تاخد بالك من الملحوظة دي، الطرازات في البنود 1-4 كلها dvbs وليست dvbs2 باستثناء إن في موديلات من skystar-2 , Huappague بتستقبل النظامين.
أرجو أن أكون أفدتك
المفضلات