مشكلة مذربورد Dv6000 !!

[السيد جوجو]

السلام عليكم ورحمة الله وبركاتة ..

عـندي مـشكلة في جـهاز الـ Dv6000 وأكـثر الي عـندهم أجـهزة Dv6000 عـندهم مـثل المشكلة !

ألا وهي مـشكلة الماذربورد !!!

المـشكلة في الـجـهاز أن أول ما أشـغلة بـس أزرار اللمس تشتغل !! والشاشة بدون شي والـجـهاز بـدون صوت يعني لا مـراوح تـشتغل ولا شـي !! رحت المحل يـقول بـدلت الهارديسك والرامات ووو ألخ ! وما بـقى إلا الماذربورد يعني أكيد المشكلة فـية !!

شـنو الحـل مـعاه ؟!

سـعر الماذربورد بـ 170 ديـنـار في البحرين ..

وبغيت أشـترية من الـنت وياليت أي واحد عـندة خـبرة في هالسـوالف أنـة يساعدني !!

لأن سـمعت أن المذربوردات الـنوع الجديد من Hp لـجـهاز Dv6000 مافيها مـشاكل مـع مـعالج Amd !!

لـقيت هـذي المذربورد في الـنت ..

https://cgi.ebay.nl/ws/eBayISAPI.dll...m=220405473543

تـصلح لـجـهازي الـ dv6391eu ؟!

ولقيت هذي بعد ..

https://cgi.ebay.com/HP-433280-001-4...d=p3286.c0.m14

لكـن مكتوب في نفس الرابط

This motherboard was pull from a working HP pavilion laptop.

On board nVidia Geforce go 7200 display chip with 64MB video RAM

this motherboard is like new condition.

We will update the BIOS to the latest version and well tested the board before shipment to

make sure that it is working properly.

Good luck.

وفي مواصفات جـهازي مكتوب ..

Up to 256 MB of TurboCache™ video Memory

تـصلح آخـذها لـجـهازي لـو فـي فـرق كـبير ؟!

الفروق بس الي وضحتها الحين + ان رقم البورد

443774-001

ورقم البورد الي عندي

439112-001

أشـتري او لا ؟!

[السيد جوجو]

وهـذا رقم السيريال سبير بارت ونوع الجهاز ..

HP Pavilion dv6391eu Notebook PC (ARAB) GJ054EA, GJ054EAR

439112-001

[The_Wolf88]

وعليكم السلام..

المشكلة أخي في معظم فئات dv6000 !

لدي صديق يملك لابتوب من هذه الفئة وبمعالج AMD مرت سنة بالضبط والجهاز لم يعد يعمل اطلاقا !

وداه لمحل واخبروه ان المذربورد احترقت وتبديلها سيكون بـ 150 دينار !!

حاول معاهم ولحظه المذربورد ضمانها سنة ونصف وقامو بتديلها له !

اظن ان المذربورد التي ذكرتها في الأعلى تناسب الجهاز فهي بنفس طقم الرقاقات ولكن تأكد انها لمعالج انتل اذا كان معالجك انتل او العكس !

بالتوفيق..

[السيد جوجو]

تسلم أخوي The_Wolf88 على ردك ..

صحيح .. لـكن الـجـهاز صارلة شـغال سـنة و6 أشـهر تـقريباً .. مرة وحدة طـفى !

الـمـعالج عـندي Amd ..! مـثل الي حطيت الرابط مالها ..!

بـس الي يخليني متردد هـو الـسبير بارت نـمبر مخـتلف .. والـفيديو رام ما أعرف مختـلف او شـلون ..!

[The_Wolf88]

اهلا أخي..

المذربورد التي في هذا الرابط تدعم جهازك كما هو مذكور في قائمة اللابتوبات المدعومة ومنها داعمة العربية..

https://cgi.ebay.nl/ws/eBayISAPI.dll...m=220405473543

[السيد جوجو]

تسلم أخوي The_Wolf88 على الرد ..

كـلامك صـحيح .. مذكـور إنـها تـدعم جـهازي .. لـكن ياليت أحـد يـوضح لـي سـالفة الـبارت سيريل نمبر مافي مشكلة إذا أخـتلف ؟! وشـنو موضوع الـفيديو رام ! في الرابط الـثاني مـذكور 64 MB وفي مواصفات جـهازي مذكور Up To 256 MB !!

يـعني جـهازي بـعد الفـيديو رام فـية 64 MB ؟! أو شـلون ؟!

[Q8fox]

والله نفس المشكله انا بعد بالضبط نفسسسسس مشكلتك وسنه ونص بعد واشغل الجهاز بس ازرار اللمس شغاله وشاشه سوده

صرااحه اثبتت فشلها اتش بي

والله حرام انا شاري الاب توب غالي والحين محترق قلبي علييييه وتبديل المذربورد والله سعره خيالي

الله يسامحهم

[The_Wolf88]

تسلم أخوي The_Wolf88 على الرد ..

كـلامك صـحيح .. مذكـور إنـها تـدعم جـهازي .. لـكن ياليت أحـد يـوضح لـي سـالفة الـبارت سيريل نمبر مافي مشكلة إذا أخـتلف ؟! وشـنو موضوع الـفيديو رام ! في الرابط الـثاني مـذكور 64 MB وفي مواصفات جـهازي مذكور Up To 256 MB !!

يـعني جـهازي بـعد الفـيديو رام فـية 64 MB ؟! أو شـلون ؟!

أخي معنى ان الذاكرة في الكرت هي ان الكرت لديه ذاكرة مستقلة 64 ميجا ويسحب من الرامات عند الحاجة لحد ما يوصل الى 256 ميجا لزيادة الأداء !

اما سالفة Part No فلا اظن انها مشكلة تأكد فقط أن المعالج يركب على اللوحة !

والله نفس المشكله انا بعد بالضبط نفسسسسس مشكلتك وسنه ونص بعد واشغل الجهاز بس ازرار اللمس شغاله وشاشه سوده

صرااحه اثبتت فشلها اتش بي

والله حرام انا شاري الاب توب غالي والحين محترق قلبي علييييه وتبديل المذربورد والله سعره خيالي

الله يسامحهم

المشكلة هذه ليست من HP ولكن من رقاقات نفيديا السيئة لأني رأيت أحد الزملاء في العمل لديه الجهاز برقاقات انتل وما شاء الله شغال من 3 سنوات !

نصيحتي لكم ابتعدو عن فئة Pavilion وخلكم من Compaq فهي أفضل !

[Q8fox]

المشكلة هذه ليست من HP ولكن من رقاقات نفيديا السيئة لأني رأيت أحد الزملاء في العمل لديه الجهاز برقاقات انتل وما شاء الله شغال من 3 سنوات !

نصيحتي لكم ابتعدو عن فئة Pavilion وخلكم من Compaq فهي أفضل !

حراام عليهم والله شرينا الاجهزه غاليبه والحين ماتشتغل استغفر الله والبلووه الاكبر تبديل الماذربورد غالي

يعطيك العافيه على النصيحه انا بشتري دسك توب ديل وعندي بالغرفه شاشه ال سي دي 42 بوصه وبشتري كرت شاشه واشبكهم على بعض لوووووول وبعد كيبورد وماوس واير لس واشبك على كيف كيفي وانا منسدح بفرااشي

[السيد جوجو]

أشـكركم أخـواني عـلى الـردود ..

وأشـكرك أخوي The_Wolf88 على التوضيح ..

المشكلة مـثل ما قالت الـشركة بـأن اللوحة ما تتوافق توافق كامل مـع الـمعالج Amd ..! ويبين الـعطل بـعد سـنة وشـهرين تـقريبا ..!

ومددوا مـدة الـضمان على المذربورد لـ سنتين للـي عـندهم هـذي المشكلة .. وحـتى الي ما صارت عـندهم المشكلة يـقدرون يـروحون الـوكيل ويـبدلون الــلوحة كـامل بـلوحة جديدة بدون مشاكل مع المعالج وبالـمجان ..!

وحـاطين أرقـام الأجـهزة الي فـيها هـذي المشكلة والي يقبلون تـبديل الماذربورد فيـها بالـمجان ..!

لـكن للأسـف جـهازي مو مـعاهم

أخوي Q8fox

عـطني بـيانات جـهازك الـي خـلف الـجـهاز .. وراح أشـوف جـهازك من ظـمنهم أو لا ..! إذا كان موجود فـ تبديل المذربورد راح يـكون مـجاني ..!

شوف شنو البيانات الي علية .. مـثـلاً مـثل جـهازي :

HP Pavilion dv6391eu Notebook PC (ARAB) GJ054EA, GJ054EAR

439112-001

أو غـير ؟!

[Q8fox]

أخوي Q8fox

عـطني بـيانات جـهازك الـي خـلف الـجـهاز .. وراح أشـوف جـهازك من ظـمنهم أو لا ..! إذا كان موجود فـ تبديل المذربورد راح يـكون مـجاني ..!

شوف شنو البيانات الي علية .. مـثـلاً مـثل جـهازي :

HP Pavilion dv6391eu Notebook PC (ARAB) GJ054EA, GJ054EAR

439112-001

أو غـير ؟!

اي والله تكفى شووفه لي واكون لك شاكر وعليه كرت نيفادا جي فورس

HP pavilion dv2680ee

وهذي صوره توضح

[السيد جوجو]

ياخوك جـهازك للأسـف مو مـعاهم

عـلى الـعموم .. هـذا الرابط وتقدر تـشوف بـنفسك يمكن أنا بعد غلـطان ..!

https://h10025.www1.hp.com/ewfrf/wc/...name=c01087277

وتقدر تتـصل على رقم Hp الـمجاني ! وتكلمهم وتعطيهم الـسيريال ويشوفون لـك بـعد ..!

أتوقع أنه هـذا هو : 97142249189+

الـظاهر أن الـرقم تـحصلة في الأوراق الي تـجي مع الـجـهاز ..!

وسماحنا يـاخوك عـلى الـتقصير ..

[Q8fox]

مشكور كل الشكر ويعطيك العافيه وخيره ان شاءلله

بدق واجرب او اطلبه من برا ارخص لي

[السيد جوجو]

العفو أخوي Q8fox .. حـياك الله ..

أكيـد تـشتريها من الـنت أرخـص بـواجد ..!

وجـهازي بـعد ما فـكيتة أكـتشفت أن الـمذربورد رقـمها غـير الي عـلى الـجـهاز من الخلف ..!

الـرقم الي خـلف الـجـهاز 001 - 439112 .. والرقـم الي عـلى المذربورد 001 - 443774 ..! :mad:

وكل شـي في المذربورد أتوقع مـثل الي عندي الحين ..

لـكن كرت النفيديا الي عندي موديلة NF - 430 - N - A3 ..

بغيت أتأكد الي على المذربورد 001 - 443774 الي في النت مـثل الشي فـيها ؟!

وكـم حـجم الفيديو رام ؟! لأن الي عندي مكتوب آب تو 256 ميقا .. والي في النت 64 ميقا .. فرق واجد يعني ؟!

[السيد جوجو]

يا اخوان .. حصلت في النت مذربورد جديد وسعرة في حدود الـ 50 دينار .. لـكن الصناعية صينية ..!

يـسوى أشـترية او لا ؟؟!!