محتاج رأيكم و مباركتكم

[topsecret_007]

السلام عليكم و رحمة لله و بركاته

ازيكم يا جماعه اتمنى تكونوا بخير

أنا الحمد لله حصلت النهارده على شهادة JNCIA-ER من Juniper

و الله يا جماعه انا كده نفسي اتفتحت على الشهادات و مش عارف ابدأ في ايه بعد كده و محتار ادخل في CCNA ولا JNCIS-ER

انا عندي خلفيه كويسه جدا عن ال CCNA من الفيديوهات بتاعة الباشمهندس محمد سمير mohammedsn و الباشمهندس ياسر رمزي wobooo

جازاهما الله كل خير و جعله في ميزان حسناتهما بإذن الله
و وفقهما لما يحب و يرضى
و بنى لهما قصرا في الجنة بكل حرف نفعوا به مسلما

آمين يارب

و في نفس الوقت عايز أكمل JNCIS-ER و انا لسه سخن كده في جونيبر عملا بمبدأ اطرق على الحديد و هو ساخن :D و كمان و انا لسه فاكرها و قبل ما انسى فيها حاجات

انا محتاج رأيكم و انهي كورس فيهم فيه فايده اكثر ليا دلوقت و هينفعني اكتر في سوق العمل؟

و ربنا يوفق للي فيه الخير

و شكرا لسعة صدركم

[topsecret_007]

أنا آسف يا جماعه اني ما حطيتش عنوان يوضح محتوى الموضوع بس في 21 واحد زاروا الموضوع

انا محتاج رأيكم ياريت تفيدوني بيه

و اتمنى التوفيق للجميع

[frozenEyes]

اولا ألف مبروك أخى العزيز على النجاح

ان رأييى اتكل على الله وكمل JNCIS-ER وبعدين ادخل فى طريق سيسكو براحتك

واسمحلى اسألك ما هى Material التى استخدمتها للحصول على هذة الشهادة وكم اخدت منك وقت فى التحضير ؟؟

وبالتوفيق ان شاء الله ،،،

[topsecret_007]

الف شكر يا اخي العزيز على ردك و رأيك الغالي

متشكر جدا ليك

و بالنسبه للـ Materials هتلاقيها كلها هنا في الموضوع ده

https://www.arabhardware.net/forum/s...d.php?t=128788

و انا اخدت كورس منحه وزارة الاتصالات اللي مدته 3 اسابيع في المعهد القومي للاتصالات فرع القريه الذكيه و كنت مقدم على سيسكو اصلا بس قعدت كتير أوي و في الاخر و انا بتصل قالولي في جونيبر و انا كان عندي فكره عنها قبل كده فقلت اروح

و الكورس كان جميل بصراحه و الحمد لله انا طلعت الأول و تم ترشيحي لكورس JNCIS-ER في المعهد برضه بس لسه قدامه كتييير و معاده الله اعلم هيكون امتى

بس اي حد معاه سيسكو هيقدر يذاكر الكورس ان شاء الله
هو هياخد منه وقت شويه علشان الاختلافات اللي بين سيسكو و جونيبر بس مش صعب بالنسباله ان شاء الله

و لو احتجت حاجه اان في الخدمه و الله في اي وقت

و ربنا يوفقك في الخير