اريد تجميع جهاز كمبيوتر في حدود 3500 جنية

[Marine]

يعني مفيش مشاكل من كده خلاص توكلنا علي الله.

مفيش مشاكل باذن الله

[Marine]

يا اخ sevenat انا عملت تعديل للباور عشان مش كافي

[Sevenat]

Core2Quad Q9550 2.83GHz/12MB 1465LE
GIGABYTE GA-EP43-UD3L 530LE
Ram 4G (2+2 d) 270LE
hard Disk 500GB 290LE
HD 4770 750LE
GAMMA Small 350W = 285LE
Sony NEC 20X = 115LE
________________________
3705LE
وكده هيبقي كويس جدا جدا
لو الميزانية لم تكفي جيب رامة واحدة وجيب الثانية بعدين ليصبح المجموع 3570LE بس !

الحمد لله روحت لكن لقيت ساعة الدفع حاجة تانية ( مش التمن و بس ) قالولي البروسيسور ده عايز بورده p45 احسن وهتشتغل افضل من 43 وكمان عايز كيسة بباور سبلاي علي الأقل 500 وات.
فبقت الحسبة 4265 جنية فقررنا الانتظار بعض الوقت.
الحسبة بقت التالي:
Core2Quad Q9550 2.83GHz/12MB 1340LE
GIGABYTE GA-EP45-UD3R 740LE
Ram 4G 1066 (2+2 d) 330LE
hard Disk 500GB 295LE
HD 4770 750LE
GAMMA 500W = 690LE
Samsung 20X = 120LE
__________________
4265 LE

ولكن عندي سؤال الكيسة دية بتاعة جيجا بايتGIGABYTE Sumo 4192 (3D Aurora) الي ب 640 جنية هل فيها باور سبلاي ولا بتجيبها علي الجنط وبعدين تحطلها باور سبلاي علي اساس كده هتبقي احسن من الجاما أكيد.

[Marine]

التجميعة دي كويسة بس مين قاللك ان البروسيسور دة لا يعمل علي p43 ؟

كمان بلاش الرامات باس 1066 الفرق بينها مبين العادية 3% بس غير كدة كله كويس اوي ليه مبتفكرش في بتاعتي؟

الكيسة منغير باور

[Sevenat]

خلاص مفيش مشاكل.
بالنسبة للرامة هجيب ال 800 .
وبالنسبة للماذر بورد اكتر من واحد قالي مادام انت جايب بروسيسور عالي كده يبقي هات ماذر بورد عالية (يستحسن مش مينفعش) ذي البي 45 فأنا استخرت ربنا والي يوفقني اليه بقي ,واسبوع كده وابقي انزل اجيبة بقي وخلاص.
وشكرا ليك يا أخ مارين.

[Marine]

اقوللك علي حاجة انا افضل amd لان السوكت ثابت لفترات طويلة عكس intel في تغير دائم يعني لو غيرت بروسيسور

هتغير بوردة كمان

لو عايز انتل هل هتكسر سرعة

[Sevenat]

انا لحد النهارده مجربتش ولا مره AMD ونفسي اجربة مره بس بعدين مش دلوقت.
أكيد طبعا هكسر السرعة وكمان ندلع المسائل بس لحد دلوقتي مش عارف هعمل كده ازاي؟؟؟؟؟

هههههههههههه

[Marine]

يعني هتكسر خلاص يبقي البوردة p45 الموديل اللي انت كاتبه هو الحل الصح ومبروك علي الجهاز مقدما

[Sevenat]

الله يبارك فيك يا باشا.
وعقبال ال كور اي تن مش سفن كمان.

بس صحيح احنا بنستورد بروسيسورات منين خصوصا ان اقرب مصنع لينا انتل اسرائيل ولا هما باعوه ولا ايه.

[Marine]

كور اي تن صعب اوي لانه لو مثلا نزل حاجة كدة هتكون غالية اوي دة انا بس يجيلي e5200 وانا هفرح بيه جدا و هعمل عمايل كسر سرعة و جيمز زي terminator salvation و prototype موضوع الاستيراد صدقني معرفش بس هما صعب يبيعوا المصنع لانه بيدر علي انتل مكاسب كويسة جدا

[Sevenat]

المشكله انا مبعرفش العب قوي بس أكيد هعمل كسر سرعة عشان البرامج الي بشتغل بيها.

وبخصوص اسرائيل وانتل مفيش بروسيسور بيكتب عليه Made In Israel ده الشريحة الي جوة الي بتتصنع هناك لكن مواد التغليف الي عليها بتتعمل في مصنع تاني خالص زي الصين ومالي ,عشان كده مبتلاقيش مكتوب عليه حاجة......
والله اعلم.

[Marine]

المشكله انا مبعرفش العب قوي بس أكيد هعمل كسر سرعة عشان البرامج الي بشتغل بيها.

وبخصوص اسرائيل وانتل مفيش بروسيسور بيكتب عليه Made In Israel ده الشريحة الي جوة الي بتتصنع هناك لكن مواد التغليف الي عليها بتتعمل في مصنع تاني خالص زي الصين ومالي ,عشان كده مبتلاقيش مكتوب عليه حاجة......
والله اعلم.

صح كلامك ولو هاتحتاج كسر يبقي لازم البوردة الp45