.. السلام عليكم ..
.. شوفى الأول هتتخصصى إيه و بعد كده ممكن تدرسى على حسب تخصصك ..
السلام عليكم
يا جماعة الحقيقة انا محتارة اخد كورسات ايه وابدا منين انا حاسة ان انا في بحر من التكنولوجيا ومن الشهادات المطلوب معرفتها بس مش عارفة ابدا ازاي انا داخلة الفرقة الثانية هندسة الكترونيات ولسه هتخصص السنة اللي بعد الجاية اما حاسبات واما اتصالات ياريت حد يقولي كمان اختار تخصص ايه حاسبات ولا اتصالات وايه اكتر تخصص مطلوب في سوق العمل
وشكرا جزيلا
.. السلام عليكم ..
.. شوفى الأول هتتخصصى إيه و بعد كده ممكن تدرسى على حسب تخصصك ..
الحقيقة لسه برضه مش عارفة اختار ايه بس في الغالب هيكون حاسبات بس لسه على موضوع التخصص ده سنة كاملة فالمفروض اعمل ايه في الاجازة دي واجازة السنه الجاية
.. إنتى شوفى إنتى ميولك و إهتماماتك إيه و إختارى ..
.. و فى الأجازة ممكن تشوفى فيديوهات تعليمية للشبكات مثل CCNA - Network +- MCSE .. و تخدى فكرة عنها .. و برضه لو إتصالات يبقى تشوفى GSM - GBRS و موجود شروحات ليها .. ده لو إنتى هتختارى شبكات أو إتصالات ..
ايوه انا نزلت فيديوهات ccna و network وبسمعهم بس هل تخصص اتصالات احسن ولا حاسبات والشبكات تبع تخصص ايه وبتوع حاسبات بيدرسوا ايه وبتوع اتصالات بيدرسوا ايه
وشكرا لك على الاهتمام بالرد
.. بالنسبة لتخصص الحاسبات .. تقريبآ فى الهندسة بيهتموا أكتر بجانب الـ Hardware و معاه جزء Software بس أعتقد مش كتير .. و هندسة حاسبات لو هتدرسى الشبكات هيبقى جزء كبير منها زى CCNA - Network + و هكذا .. ده بالنسبة لتخصص شبكات الحاسب .. ولو إنتى مهتمة بمجال الكمبيوتر يبقى قسم حاسبات أفضل ليكى ..
أما بالنسبة للإتصالات فده مجال تانى خالص غير شبكات الحاسب يعنى بتدرسى الـ Waves و الـ Signals و شبكات الإتصالات و ربطها ببعض و GSM و GBRS ..
شكرا جزيلا لك على الافادة في هذا الموضوع بالفعل تم ايضاح الامور نوعا ما
وجزاك الله خيرا
.. لا شكر على واجب ..
و ديه صورة للمناهج بتاعت هندسة إتصالات ..
----------------------------------------
السلام عليكم و رحمة الله و بركاته
بصي يا باشمهندسه هو الفرق مش رهيب
انا كنت هندسة قسم حاسب آلي و المواد اللي كنا بندرسها كان في منها مشترك كتير مع اتصالات
الاختلافات كانت في بعض المواد التخصصيه جدا
يعني هم كانوا بيدرسوا مواد عن الموجات و الهوائيات wave , Antenna و مادة تصنيع الآي سي VLSI
و كان عندهم مادة اسمها تليفونات و دي كانت اختياريه هي و مادة الميكرو ويف
في المقابل كنا احنا في كمبيوتر بندرس مواد تخصصيه أكثر في الكمبيوتر و البرمجه
زي مثلا مادة اسمها Compilers و دي بتتكلم عن كيفية عمل و تفكير برامج ال Compilers اللي حضرتك بتكتبي عليها الكود بتاع أي لغة برمجه
يعني لما الكود ده بيتكتب ازاي الكمبيوتر بيفهمه اصلا و ازاي ال Compiler ده بيترجمه للكمبيوتر كهاردوير
و ماده تانيه اسمها Computer architecture و دي فيها أدق التفاصيل لتكوين الكمبيوتر الداخلي و ازاي الداتا بتنقل بين الرامات و البروسيسور و الكاش ميموري و على فكره الموضوع كبير جدا لأن دي تكنولوجيا خدت من تفكير و وقت مهندسين و علماء سنين و سنين علشان يعملوها بس بجد ممتعه
و ماده تالته اسمها System analysis و دي ماده عبقريه بتشرحلك ازاي تحللي نظام اي حاجه في الدنيا سواء برنامج كمبيوتر او شركة او مدرسه حتى نظام البيت كمان .. تقومي بالتحليل المنطقي و تصححي الاخطاء و تضيفي تسهيلات للامور الصعبه و هكذا و دي في ناس متخصصين فيها اسمهم محللين نظم
و مادة قواعد البيانات و خدنا فيها كورس رائع و دسم
و مادة اسمها DATA STRUCTURE كنا بندرس فيها حاجه اسمها Algorithms و دي عباره عن طريق منطقية للتفكير البرمجي و التفكير بوجه عام .. رائعه
و مادة الذكاء الاصطناعي و كتطور ليها خدنا مادة النظم الخبيره Expert systems
و مادة هندسة البرمجيات او Software engineering و دي بتفهمك ازاي تفكري لما تيجي تعملي برنامج و ايه هي خطوات التفكير و التنفيذ للبرامج و خطوات بيعها للمؤسسات و هكذا
دي المواد الفرق بين كمبيوتر و اتصالات و انا اكيد ناسي شوية مواد من بتوع اتصالات لكن زي ما بقولك كان في مواد مشتكره بيننا زي :
لغة الجافا
الشبكات
Data Communication
Microprocessor
Computer Organization
طبعا انا افتكرت المواد اللي درستها في قسم كمبيوتر اكثر من مواد اتصالات و اكيد في حاجات انا ناسيها برضه
و بعد التخرج القسمين بيشتغلوا في نفس المجالات
بس مهندسين اتصالات يقدروا يشتغلوا في مجالات اللاسلكي و شبكات المحمول و ما الى ذلك و مهندسين حاسبات مايقدروش لأنهم مايعرفوش عنها حاجه
بس لو خدوا كورسات ممكن تمشي معاهم
مهندسين حاسبات مجالاتهم هنا في مصر إما برمجه أو قواعد بيانات أو شبكات و شغل ال IT العادي بتاع الاجهزه مش الشبكات .. دي المجالات الرئيسيه و في مجالات أخرى زي الكنترول و ال Microcontroller و ممكن في الاجهزه الطبيه و دي اعتقد انها متساويه بين اتصالات و حاسبات لأن هم الاتنين ما درسوهاش بس يمكن مهندس اتصالات تبقى اسها بالنسباله شويه علشان درس Electronics أكثر شويه
في النهايه لو انتي شايفه نفسك كويسه في البرمجه او حاباها اكثر هي و الشبكات مثلا و كده يبقى كمبيوتر مناسب ليكي
لو شايفه انك كويسه في الالكترونيات و المواد الخاصه بال wave يبقى خليكي اتصالات
على العموم السنه الجايه هتحدد حاجات كتير لأنك هتدرسي مواد هتوضحلك انتي ميولك فين بالظبط
يعني هتدرسي برمجه و كذلك الكترونيات و هتدرسي ماده اسمها Electromagnetic Fields
و دي هيتبني عليها مادتين مهمين جدا في اتصالات و هم wave و Antenna
و على اساس المواد هتقدري تحددي ميولك ان شاء الله
و ربنا يوفقك ان شاء الله
jazak allah khera y topsecert
شكرا لكم جميعا على هذه الافادة وهذه المعلومات وبالتوفيف لكم جميعا
وجزاكم الله خيرا
جازانا الله خيرا و اياكم و جميع المسلمين
اتمنى لكما التوفيق و للجميع
بصى .انا فى حاسبات وداخل الفرقه الرابعه.. وبصراحه القسم فيه تعديلات رهيبه وانتى هيكون ليكى نصيب كبير فيها...ده لو دخلتى حاسبات..تانى حاجه كورس ccna دلوقت موجود منحه لقسم حاسبات بس .. والكورس ده بتوع اتصالات هيموتوا عليه..ده غير المجالات الكتير اللى فى قسم حاسبات زى برمجه-شبكات -جرافيك- قواعدبيانات وكلهم احسن من بعض والله...ده غير ان فى جزء من تحكم كمان وهو الميكرو كنترول وده احنا ف القسم فاهمينه اكتر من تحكم لانه بيعتمد على البرمجه باستخدام c ف الغالب ..يعنى دلوقت قسم حاسبات بقى بيشمل كل التخصصات .. بس بصراحه وعلى عكس كل الكلام اللى بيتقال عليه ..القسم عايز مذاكره ومش عايز لعب نهائى .. وبالنسبه للشغل انا زمايلى اللى اتخرجوا السنه دى لقوا فرص شغل كتيييير جدا وبدون اى خبره وشركات محترمه وف كل المجالات
... ف النهايه انتى لو عايزه اتى مساعده ف اختيارك ممكن تسالى ف الكليه .. تختارى دكتور من كل قسم وتساليه عن مميزات القسم وعيوبه وانتى هتقدرى تحددى..
اتمنى اكون وضحتلك ولو جزء بسيط :ah17:
تتتتت
اااا
المفضلات