النتائج 1 إلى 11 من 11

الموضوع: ما الذى تعرفه عن مجلد الــ Recycler ومجلد الــ System Volume Information

  1. #1
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    16

    ما الذى تعرفه عن مجلد الــ Recycler ومجلد الــ System Volume Information


    هل لا حظت فى احدى المرات التى تتجول فيها فى ملفات الويندوز مجلد بأسم Recycler و اخر بأسم System Volume Information على جذر البارتيشن C أو اى بارتيشن اخر وسألت نفسك ما هذه المجلدات؟


    أضغط هنا لرؤية الصورة





    هل حاولت فتح مجلد الــ System Volume Information وطلعتلك رسالة زى دى ؟


    أضغط هنا لرؤية الصورة




    هل نظام ملفاتك NTFS ؟ وهل انت مختار اظهار ملفات النظام المحمية من قائمة Folder Options ؟ اذن هتشوف المجلدين دول.

    المجلد الاول وهو Recycler

    وده بيساوى بالضبط مجلد الــ Recycle Bin بالنسبة لنظام ملفات الـــFat 32 يعنى اللى نظام الملفات عنده Fat32 مش هيشوف المجلد ده وبالنسبة للناس اللى عملت تحويل من نظام ملفات fat32 الى ntfs هيشوف مجلدين واحد باسم Recycler واخر بأسم Recycled والاخير ده باقى من نظام fat 32 قبل التحويل.

    لو حاولت تفتح المجلد هتلاقى جواه ايقونة او اكثر لسلة المهملات على حسب عدد المستخدمين على جهاز الكمبيوتر كل منها له معرف أمنى أو ما يدعى Secrity Identifier-SID وده رقم سرى لكل مستخدم له حق الولوج على جهاز كمبيوتر مشترك نظام ملفاته Ntfs من أجل الحفاظ على خصوصية المستخدمين وسرية ملفاتهم فلا يستطيع المستخدم أ الدخول على ملفات المستخدم ب على جهاز كمبيوتر مشترك وده موضوع طويل يعرفه كويس الناس اللى دارسة الشبكات.


    المجلد الثانى وهو System Volume Information

    لو حاولت تفتح المجلد ده هتقابلك رسالة تقولك لا يمكن اللولوج الى هذا المجلد او Access is Denied كما فى الصورة الثانية والمجلد ده باختصار هو اللى الويندوز بيحتفظ فيه بنسخ احتياطية Backups من النظام فى حالة انهياره بفعل فيروس او تعريف قطعة هاردوير غير متوافقه او تسطيب برنامج ...الخ فى عملية تعرف باستعادة النظام او System Restore والخاصية دى مفعلة بشكل افتراضى فى الويندوز.(كيفية عمل نسخة احتياطية للريجيسترى )

    وهنا لو فى فيروس على الجهاز استطاع الانتى فايروس اكتشافه و مسحه ثم تكتشف وجوده تانى على الجهاز فاعلم ان الفيروس ده الويندوز عمله دمج فى النسخة الاحتياطية من ملفات النظام يعنى كل ما تسجل دخول على الويندوز يشتغل الفيروس !!! لان الويندوز هنا بيحتفظ بالنسخة الاحتياطية لغاية ما يكتب عليها Overwrite او يمسحها المستخدم وعشان نمسح الفيروس من النسخة الاحتياطية لازم نخش على المجلد عشان نقدر نمسحه بس ازاى؟

    هنا فى حلين :الاول وهو الاسهل ان احنا نعطل خاصية استعادة النظام على البارتيشن

    كليك يمين على My Computer واختار Properties ثم System Restore ثم نختار Turn off system restore on all drives نختار كل الدرايفرات (البارتيشنات) لانه لو فيروس رخم هيستخبى فى كل النسخ اللى موجوده على كل البارتيشنات وبعد كده Apply ثم Ok ولما ينتهى الانتى فايروس من مسح الفيروس نرجع نزيل الاختيار من امام Turn off system restore on all drives


    أضغط هنا لرؤية الصورة




    الحل التانى وهو الدخول على المجلد وحذف الفيروس يدويا وذلك بالذهاب الى اختيارات المجلد ثم من قائمة View نزيل الاختيار من امام Use simple file sharing (recommended كما بالصورة:

    ثم كليك يمين على الفولدر ونختار Security نجد المستخدم الوحيد له الحق فى الدخول على المجلد وله كامل التحكم فيه هو الــ System يعنى انت كمستخدم على الجهاز ليس لك الحق فى الدخول عليه يبقى لازم تضيف نفسك و تعطى لنفسك full control زى الـ System وذلك بالضغط على الزر Add ثم الضغط على Advanced ثم Find now وتختار نفسك من قائمة المستخدمين ثم ok وبعد ذلك تعطى لنفسك كامل التحكم بالمجلد من مسح و اضافة وكتابة ...الخ وذلك باختيار Full control فى خانة Allow ومننساش Apply و OK

    دلوقتى تقدر تخش على المجلد و تمسح اللى جواه او تمسحه هو نفسه بس الافضل متعملش كده. بالنسبة لمستخدمى نظام التشغيل Vista الطريقة هتختلف شوية احنا هنغير ملكية المجلد من الــ System الى ملكيتك انت كمستخدم على الجهاز. هنعمل زى ما عملنا فوق فى الويندوز xp بس بدل ما تضيف نفسك فى خانة الــ Security كمستخدم له كامل التحكم هنختار فى الصفحة من تحت Advanced ثم Owner ثم Edit ثم نختار Replace owner on subcontainers and objects وتختار اسم المستخدم الخاص بك ثم ok كما بالصورة:



  2. #2
    مشرف سابق الصورة الرمزية أبو قصي
    تاريخ التسجيل
    Feb 2009
    المشاركات
    3,102
    الدولة: Jordan
    معدل تقييم المستوى
    55

    رد: ما الذى تعرفه عن مجلد الــ Recycler ومجلد الــ System Volume Information

    معلومات جميله وقيمه ...

    اشكرك اخي ... وننتظر جديدك ...

    تقبل مروري

  3. #3
    عضو فضي الصورة الرمزية أبو فوفو
    تاريخ التسجيل
    Jul 2008
    المشاركات
    2,093
    الدولة: Syria
    معدل تقييم المستوى
    24

    رد: ما الذى تعرفه عن مجلد الــ Recycler ومجلد الــ System Volume Information

    شكرا على المعلومات وجزاك الله كل خير
    (علي أن أسعى وليس علي إدراك النجاح)

    [SIGPIC][/SIGPIC]

    هنا تتجسد معاني الارادة والعزيمة والاصرار والتحدي والامل

  4. #4
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    16

    رد: ما الذى تعرفه عن مجلد الــ Recycler ومجلد الــ System Volume Information

    شكرا للمرور وتقبلوا تحياتى

  5. #5
    عضو الصورة الرمزية The_wizard0
    تاريخ التسجيل
    Dec 2007
    المشاركات
    338
    معدل تقييم المستوى
    0

    رد: ما الذى تعرفه عن مجلد الــ Recycler ومجلد الــ System Volume Information

    :ah7::ah7::ah7::ah7:
    شكرا على المعلومة

  6. #6
    عضو برونزي الصورة الرمزية rezoufda
    تاريخ التسجيل
    Jun 2007
    المشاركات
    3,180
    الدولة: Morocco
    معدل تقييم المستوى
    23

    رد: ما الذى تعرفه عن مجلد الــ Recycler ومجلد الــ System Volume Information

    موضوع جيد، واصل بتميز هكذا،
    لكن الصور لا تظهر
    [CENTER][COLOR="#000000"][B]اللهم اغفر للمؤمنين والمؤمنات الأحياء منهم والأموات إنك سميع مجيب الدعوات[/B][/COLOR][/CENTER]
    [B][COLOR="YellowGreen"][CENTER][url]www.rasoulallah.net[/url][/CENTER][/COLOR][/B]

    [CENTER][SIZE="4"]ت.م/ رضا - المغرب
    [/SIZE][/CENTER]
    [CENTER][SIGPIC][/SIGPIC][/CENTER]
    [CENTER]آخر [COLOR="#000000"][/COLOR]مواضيعي:

    [URL="https://www.arabhardware.net/forum/showthread.php?p=1153286#post1153286"][SIZE="2"][B]روتر Wigate الجديد، لمشاركة الـ 3G[/B][/SIZE][/URL]

    [URL="https://www.arabhardware.net/forum/showthread.php?p=960990#post960990"][SIZE="2"][B]كل ما تود معرفته عن معالج intel Atom[/B]
    [/SIZE][/URL]

    [/CENTER]

  7. #7
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    16

    رد: ما الذى تعرفه عن مجلد الــ Recycler ومجلد الــ System Volume Information

    اقتباس المشاركة الأصلية كتبت بواسطة rezoufda مشاهدة المشاركة
    موضوع جيد، واصل بتميز هكذا،
    لكن الصور لا تظهر
    السلام عليكم يا اخى شرفت الموضوع مش عارف ايه حكاية الصور دى فى فايرفوكس تظهر وفى انترنت اكسبلورر لا تظهر مش عارف ايه السبب؟

  8. #8
    مشرف سابق الصورة الرمزية أبو قصي
    تاريخ التسجيل
    Feb 2009
    المشاركات
    3,102
    الدولة: Jordan
    معدل تقييم المستوى
    55

    رد: ما الذى تعرفه عن مجلد الــ Recycler ومجلد الــ System Volume Information

    اخي انا استخدم فايرفوكس وهي لا تظهر ايضاً ...

  9. #9
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    16

    رد: ما الذى تعرفه عن مجلد الــ Recycler ومجلد الــ System Volume Information

    شكرا للمرور وكل عام وانتم بخير بمناسبة شهر رمضان الكريم
    بالنسبة للصور اللى مش ظاهرة عند الناس فانا وضعت لينكات للصور اعلى كل صورة والله الموفق وياريت الناس كلها تقدر تشوف الصور

  10. #10
    عضوية جديدة
    تاريخ التسجيل
    Jun 2009
    المشاركات
    9
    معدل تقييم المستوى
    0

    رد: ما الذى تعرفه عن مجلد الــ Recycler ومجلد الــ System Volume Information

    موضوع جميل تشكر عليه
    الويندوز عندي xp2 بنتيوم 4 وهذين الفولدرين موجودات في جميع الدرايفات والفلاش ميموري ولا يمكن حذفهما وقد اثر على عمل الفلاش ميموري والجهاز عندي احيانا يعمل رستارت فجاة
    فماذا تنصح بارك الله فيك

  11. #11
    عضو فضي
    تاريخ التسجيل
    Sep 2009
    المشاركات
    571
    الدولة: Egypt
    معدل تقييم المستوى
    17

    رد: ما الذى تعرفه عن مجلد الــ Recycler ومجلد الــ System Volume Information

    الصور ياجماعه موجوده فى الفاير فوكس والكسبلورر قدامى



المواضيع المتشابهه

  1. مشاركات: 5
    آخر مشاركة: 14-02-2013, 02:01
  2. فايروسSystem Volume Information , Autorun.inf ,RECYCLER,
    بواسطة Jud في المنتدى السوفتوير العام
    مشاركات: 3
    آخر مشاركة: 21-11-2012, 18:21
  3. System Volume Information & RECYCLER
    بواسطة ahmedbns في المنتدى مشاكل الحاسب وحلولها
    مشاركات: 1
    آخر مشاركة: 10-07-2009, 19:59
  4. ملفات System Volume Information منتشره ولا تحذف ؟
    بواسطة essa ali في المنتدى الأرشيف
    مشاركات: 6
    آخر مشاركة: 29-05-2008, 16:38
  5. System Volume Information
    بواسطة lonley_always في المنتدى الأرشيف
    مشاركات: 1
    آخر مشاركة: 10-02-2008, 21:50

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •