تقييم مراكز التدريب بشكل علمي في القاهرة والأسكتدريه

[CBT ME]

السلام عليكم اخواني
لفت نظري الأخ CEH
الفاضل أن

رغم ان 80% من اعضاء الموقع من المصريين ، ولكن للأسف لا نجد أن احدهم قد قام بذكر المعاهد ، او عمل رفيو عن معهد ، او حتى وضعوا خطط هذه المعاهد في الصيف ، وأسعارها ،،

وبالتالي فاني أعرض عليكم أن نتشارك في هذا الموضوع جميعا بخبراتنا في مراكز التدريب على أن يكون هذا بالشروط التاليه:
1-أن نتحدث عن الأسكندريه والقاهرة فقط (واذا نجحت الفكره سننشئ موضوع منفصل للمحافظات)
2-أن يكون الشخص المشارك أخذ دورة فعليا في المركز
3-لا تجريح في أحد وانما متاقشه علميه بحته
4-أن لا يخرج الأعضاء عن الموضوع
5-أن يتقى الله كل صاحب مركز أو أي شخص يعمل بمركز من غرض التسويق فقط بدون قول الحقيقه
6-أن يذكر المشارك اسم المحاضر-الكورس المركز-(التكلفه ان أمكن)
7-الرأي بالنسبه للأمور الاداريه-مدة الانتظار حتى بدء الدورة-تنفيذ الوعود المتفق عليها-المشاكل التي صادفت الشخص
8-الكلام عن الكمبيوتر والادارة واللغات

وبالتالي تعم الفائده على الجميع
اذا أعجبتكم الفكرة في انتظار مشاركاتكم...

[OREX]

السلام عليكم ورحمه الله وبركاته

والله يا اخى لو كان الموضوع لمصر عموما وليس القاهرة والاسكندرية فقط كان افضل

وانا اول من يشارك به فأنا من القاهرة ولكن بحكم دارستى فى جامعة المنصورة اخذت دوراتى بها

وعلى استعداد ان اقول التفاصيل كاملا عن المنصورة ان شاء الله

دمت بكل خير

[CBT ME]

واضح ان الفكرة معجبيتش حد :confused:

[CBT ME]

ياريت نسمع تجربتك اخي OREX

[Abo Sileem]

فكره رائعه جدا جدا ومفيده
انا مخدتش كورسات لسه في اي مركز كل الي بخده يا تبع الكليه او في جامعة القاهره
بس فكره حلوه جدا اشكرك اخي الكريم

[bigboss_215]

الفكرة جميلة جدا
يا ريت اللي يعرف يفيدنا

[helal_10g]

بسم الله والصلاة والسلام على رسول الله صلى الله علية وسلم

1- مركز yat أخذت فيه كورس صيانة منذ خمس سنوات كان ممتاز ثم أخذت بعده صيانة متقدمة كان سئ جدا
2-مركز كمبيوسوفت فى الدقى عملت به كمدرب بختار المدربين بالبركة أنت و حكم الطلبة عليك وده طبعا ما ينفعش لأن ممكن تكون الطلبة كها مش فهما أى حاجة و بعد فترة بيعرف
3- مركز ctp بجامعة القاهرة مركز جيد فى الأوراكل حسب ما أعلم فى واحد هناك شغال سنيور أسمة أستاذ سامح
3- مركز vision فى رابعة مدينة نصر جيد فى بعض التخصصات مثل الجرافيك mcse الأوراكل عن تجربة سئ جدا جدا فى واحد إسمة مهندس خالد هدفة إن الكورس يخلص بس

[CBT ME]

مشكورين اخواني على التفاعل..
بس بصراحة أنا كنت فاكر ان الأعضاء اللي حيشاركو معانا أكتر من كده بكتير ,أعتقد ان في مئات منهم أخدوا كورسات في أماكن كتير فياريت ميبخلوش علينا بتجربتهم عشان ده حيوفر تجارب فاشله وفلوس ووقت على الأخرين..
لأن للأسف التدريب في مصر اصبح مهنة من لا مهنة له...
على الأقل كده الكويس حيستمر والسئ حيقفل ولعلمكم عن خبرة طويلة التدريب ده مهم جدا للشباب اللي طالع وتأسيسهم مهم جدا مش لازم يتدمر أكتر من كده لسه شايف كورس انجليزي بعشرة جنيه!!! كفايه التعليم في المدارس...

[BENDAOUD7]

رمضان كريم
أنا لست مصريا و سمعت عن مركز يسمى newhorizon or horizon أنا لاأذكره جيدا فما قولكم فيه أيها الفراعنة

[الأهوانى]

انا عاوز اعرف هى عرب هادوير ليها مكان فى القاهره بتدى كورسات فيه ؟؟؟؟؟؟؟؟؟؟؟؟

لانى شوفت محاضارت الاستاذ محمد طنطاوى وهو فى كورس فعلا ياجماعه ياريت حد يقولنا عشان لو كده نروح وناخد هناك افضل من اى مكان تانى وفى نفس الوقت نساعد منتدانا انه يكبر

[CBT ME]

سمعت عن مركز يسمى newhorizon or horizon أنا لاأذكره جيدا فما قولكم فيه أيها الفراعنة

نعم أخي في مكانين بالأسكندريه
واحد اسمه new horizon
والتاني اسمه wide horizon
الأولاني ليه فرع في القاهره او يعني بنفس الاسم لكن منفصلين والفرعين كويسين ماعدا بعض التخصصات
بالنسبه ل wide horizon مسمعناش حاجه..

انا عاوز اعرف هى عرب هادوير ليها مكان فى القاهره بتدى كورسات فيه ؟؟؟؟؟؟؟؟؟؟؟؟

معتقدش يس أنا ممكن أنظم لكم حاجه زي كده في الأسكندريه ولو في حد من الأخوه نظم في القاهرة أعتقد حيكون شئ ممتاز.

[Mohammad Saad]

يا اخى .... مع احترامى لك ..... انا اعتقد اننا بذلك سنفتح مجالاً للجدل الذى لن ينتهى وربما يخلق مشاكل ... ومشاحنات بين الأعضاء ... يعنى انا بحب مركز معين علشان كنت بشتغل فيه او باخد كورس وعجبنى ... وهتضايق لو حد شتم فيه او قال ان تجربته معاه كانت سيئة .... والأراء تختلف ، وتتفق ... ونتخانق ونتفق ونختلف .....

واعتقد ان الأخ ياسر رمزى كان اغلق موضوع بمثل هذا المضمون ...... اعتقد انه لا جدوى لمثل هذا الموضوع ....

حيث ان الأمر ليس له ثوابت ولا معايير ثابتة .... الموضوع ببساطة تجربة شخصية ... إما نجحت او لسوء الحظ فشلت ... ومن الظلم ان نحكم على مركز من تجربة شخصية .... او نحكم على شخص من تعامل شخص معاه ....

يعنى انت اخذت كورس فى المركز X ووجدت ان المحاضر ممتاز .... وانا لسوء الحظ اخذت كورس تانى فى نفس المركز ... زكان المحاضر مش قد كده .... إذن انت حكمت على المركز انه ممتاز فى حين انا حكمت عليه انه فاشل واتنصب علية .....

لذلك انا لست مع فتح هذا الموضوع ... واتمنى ان ينتهى .........

شكراً
محمد سعد

[CBT ME]

ا اعتقد اننا بذلك سنفتح مجالاً للجدل الذى لن ينتهى وربما يخلق مشاكل

نعم سنفتح مجال للجدل المفيد وان شاء الله لن يخلق مشاكل ( ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا )

عنى انا بحب مركز معين علشان كنت بشتغل فيه او باخد كورس وعجبنى ... وهتضايق لو حد شتم فيه او قال ان تجربته معاه كانت سيئة

يأخي لا يوجد أحد أو مكان كامل
ولو حتضايق لو حد ذم في مكان انت بتحبه مش عارف أقول ايه دي غريبه شويه!!
وبعدين ليه نشتم ياريت ترجع للموضوع الأساسي وتقرأه جيدا احنا متفقين من غير تجريح

واعتقد ان الأخ ياسر رمزى كان اغلق موضوع بمثل هذا المضمون ...... اعتقد انه لا جدوى لمثل هذا الموضوع ....

مش فاهم ..عشان بشتغل معاه يعني... بص هو انسان ديمقراطي جدا وبعدين احنا فاصلين بين العمل والمنتدى تماما ولو هو أو غيره كادارة شافو ان الموضوع يتحذف أو يغلق قرارهم على العين والراس..

ومن الظلم ان نحكم على مركز من تجربة شخصية

أتفق معك في هذه النقطه ولذلك طلبنا العديد من التجارب

يعنى انت اخذت كورس فى المركز X ووجدت ان المحاضر ممتاز .... وانا لسوء الحظ اخذت كورس تانى فى نفس المركز ... زكان المحاضر مش قد كده

100% صحيح بدليل كلام الأخ هلال

مركز yat أخذت فيه كورس صيانة منذ خمس سنوات كان ممتاز ثم أخذت بعده صيانة متقدمة كان سئ جدا

عموما شكرا أخي على مرورك وياريت تتقبل الرأي الاخر

[__eRa__]

اسم المركز : Synergy Professional Services
التقييم العام : جيد جدا.
تقييم القاعات : جيد جدا. (تفتقد القاعات للشبكة الجيدة التي تساعد على حسن سير المحاضرة فكثيرا ما كان يحدث ثقل وتهنيج لبرنامج بسيط مثل ال NetMeeting )
تقييم الأجهزة والمعدات : جيد جدا.
تقييم الأسعار : رديء (الأسعار عالية جدا وغير مبررة)
تقييم المدربين: جيد جدا. (هذا التقييم له شروط. فلكي تحصل على مدرب جيد يجب أن يكون متخصصا.)
تجربتي مع المركز: حضرت بالمركز خمسة كورسات لشهادة ال MCSE وكانت التجربة جيدة بشكل عام. أوقعني حظي في مدربة كانت ولا تزال ممتازة بكل مقياس من حيث علمها وخبرتها وشخصيتها وأسلوبها في التدريب وكذلك عقليتها الحاضرة. كما أوقعني حظي أيضا في مدرب آخر ذو تخصص مختلف هو ال Citrix ولكنه كان يشرح في ال MCSE وكانت معلوماتة ضعيفة والتزامه أيضا.

[CBT ME]

شكا لمرورك أخي era
كلام مفيد فعلا