صفحة 1 من 3 1 2 3 الأخيرةالأخيرة
النتائج 1 إلى 15 من 38

الموضوع: مراجعة لاحدث موديل New Scarlet LG LCDTV 37

  1. #1
    عضو برونزي الصورة الرمزية mustafa811
    تاريخ التسجيل
    Sep 2008
    المشاركات
    564
    معدل تقييم المستوى
    16

    مراجعة لاحدث موديل New Scarlet LG LCDTV 37



    هاكلمكم النهارده على الLCDTV ال LG موديل 37LH70YR.



    انا اشتريت الشاشة ده من حوالي شهرين بالظبط و بعد ما دخت السبع دوخات.
    لأن مواصفات الشاشة اللي انا كنت عاوزها كان سعرها يتجاوز ال 10000 جنيه,
    و كنت بصراحه مستخسر ادفع 10000 في شاشة, و في يوم و انا ب اقرا الجورنال,
    لقيت اعلان الشاشة ده و لاقيت فيها كل المواصفات اللي انا كنت عاوزها زي
    تقنية ال 100 هيرتز و الFull HD و سعرها كان ب6600 و خدتها ب6400 .
    و ده المواصفات بتاعتها :



    الشاشة صناعة كوري بس تجميع مصري, و علشان كده تلاقوا الكارتونة
    Generic يعني كارتونة و السلام , و ده العادي دلوقتي لأن معظم الشاشات
    تجميع مصري الان حتى السامسونج و السوني ماعدا موديلات محدده, و
    ده السبب الاساسي في نزول اسعار التليفزيونات و خصوصا ال LCDTV .
    و لو تلاحظوا الستيكر بتاع Divx على الكرتونة و هنتكلم على القصة ده بعدان.


    و ضمان الشاشة سنتين على فكرة.

    نجي بقى للشكل الخارجي للشاشة, انا من اول الناس اللي الشكل الخارجي بتاع
    الشاشه ده ماكانش عاجبهم, لكن لما اشتريت الشاشة و امعنت النظر فيها استظرفتها
    و لاقيتها شيك, الشاشة متقفلة كلها ب Glossy black finishing ورا و قدام و على
    الجوانب لولا الجانب التحتاني شفاف و فيه لون نبيتي, اما القاعدة oval mirror like ,
    زي مانتم شايفين في الصورة.





    اما على الجانب الايمن (ليا) موجوده الزراير للتحكم في الشاشة, اما الفتح و القفل
    عبارة عن زرار touch في وسط الشاشة من تحت و حواليه دايرة مضيئة و
    لون الاضاءة يختلف حسب حالة الشاشة (standby-on-booting) , و هناك زرار on/off
    اسفل الشاشة غير ظاهر.


    و بالنسبة للمداخل كلها موجوده ورا زي مانتم شايفين في الصورة.
    3 مداخل HDMI 1.3 و مدخلين Component و مدخلين فيديو و مخرج
    USB 2.0 و RF و Audio in Stereo و مدخل vga .

    ملحوظة : شاشة العرض نفسها مش Glossy انما مط و ده طبعا علشان الانعكاسات,
    و الشاشة علي فكرة بيقولوا انها مصنوعة من die hard lcd panels J علشان ال
    Dead pixels , يعني خامة نضيفة جدا, بس بعد ملاحظتي للشاشة اكتشفت كذا
    Sub dead pixel حوالي 3 مثلا, بس اللي جامد في الشاشة ان ال dead pixel ده مابتبانش
    الا من اتجاهات معينة, يعني لازم تكون لازق عينك في الشاشه علشان تشوفها,
    انما لو بعدت بتاع 30 سم ماتشوفهاش, مابالك بقى لما تقعد على مسافة.

    و بالنسبه لحجم الشاشه احب آكد للناس ان 37 بوصة تعتبر كبيره جدا و حجمها مناسب
    جدا, و الشاشة بتلف 20-30 درجة كدا, و الرؤية واضحة من اي مكان في الغرفة و ثابتة,
    يعني لو جيت شمال او يمين مفيش تغيير في الصورة.

    بالنسبة لتشغيل الشاشة بياخد خمس ثواني و بتلاقي اخر حاجة انت كنت جايبها.
    و بالنسبة للقوائم و المنيو تعتبر احسن منيو شفتها لغيت دلوقتي في الاجهزة.

    ملحوظة الشاشة ده مفيهاش صوره داخل صوره, و ده من الحاجات اللي انا باعيبها
    في الشاشة ده.

    نرجع للمنيو زي مانتم شايفين, Stylish جدا و جميله.



    و ده الquick menu فيها تظبيطات سريعة بدل ماتدخل تعدل اوبشن اوبشن.


    و ده منيو الinputs و ممكن تغير برده من بره القائمة الرئيسية عن طريق
    Quick input menu .


    و ده قائمة الbluetooth و بتمكنك من التوصيل بسماعة بلوتوث (ميزة جامده جدا
    و خصوصا مع سماعة بلوتوث ستريو و تشتري دماغك و تتحرك براحتك) او التوصيل
    بهاتف محمول و استقبال الصور على الشاشة او الصوت, و هي ميزات جميله جدا
    و خصوصا لو في قعدة عائلية و عاوزين تعرضوا بعض الصور على التليفزيون او لو عاوز
    تسمع موسيقي هاديه من موبيلك على سبيكر التليفزيون.


    و ده قائمة وصلة الusb اللي بتمكنك من تشغيل الافلام الmpeg4 و الmp3 و الصور .
    بس للأسف مابتشغلش mkv L (طماع انا مش كده) , هما بيقولوا على النت انها بتشغل
    هايدفنشن بس divx بس ؟؟

    هي بتدعم اللغة العربية في المنيو على فكره, و ده بعض الصور لقوائم اخري.








    و ده الريموت و هو كبير و سهل الاستخدام.

    و بالشكل ده اكون خلصت الجزء الاول من المراجعة و هو الجزء البسيط , انما الجزء الثاني
    من المعلومات هيحتوي على مراجعة قائمة الصورة و مميزاتها و كيفية عرض الافلام الهايدفنشن
    باعلى دقة و كفاءة موجوده و ميزة ال 24p و ال modes المختلفة لانظمة عرض الهايدفنشن.

    ان شاء الله خلال اسبوع او اقل . :ah7:



    الجزء التاني:

    هنتكلم بقي النهارده على قائمة الصورة و بعض مميزات الصورة مثل تقنية ال100 هيرتز و ال
    24p .


    و بالنسبة لوضع صور لحاجات شغاله على الشاشة هحاول, اصل بصراحه اكتشفت ان في
    اشياء متغيره كتير في حكاية الفيديو و الصور, بمعنى ان الواحد محدود بالكاميرا و الوانها و
    دقتها (n95 ) ده غير الضغط بتاع الصور و بعدين الوان الشاشة المختلفه بتاعتكم و كنت عاوز
    اوريكم الstutter بس للاسف مش واضح الفروق في الفيديو خالص .


    و احب اوضح الاول شوية امور كتير منكم عارفينها بس هي دايما تلخبط الناس حتى انا كمان
    بتلخبط فيهم بين الحين و الاخر, فربنا يسهل و تكون الدنيا بسيطة و مفهومة (احب اشكر هنا
    الاخ حميدو لان و انا باكتب الموضوع افتكرته, لانه ماشاء الله عنده قدرة جميلة جدا على
    تبسيط و شرح الامور) .


    الrefresh rate و هي قدرة الشاشة على عرض عدد معين من الصور المعالجة بالكمبيوتر
    في الثانية (60 هيرتز مثلا تعني قدرة الشاشة على رسم 60 اطار معالج في الثانية لا اكثر و
    لا اقل).

    Vertical sync و هي قدرة الحاسب او الاجهزة المختلفة على التحكم في عدد الصور
    المعالجة في الثانية التى سيتم ارسالها للشاشة بحيث لا تتجاوز الrefresh rate , لأن في
    حالة تجاوزه ينتج ما يسمى بظاهرة الtearing , ده غير ان ثبات الصورة على عدد معين من
    الاطارات في الثانية بيزيد الشاشة واقعية .

    Response time و هو ببساطة قدرة الشاشة على رسم صورة جديدة في اقل وقت ممكن
    ( المعنى العلمي : الوقت اللي البيكسل بياخده علشان يتحول من اللون الاسود للابيض ثم
    العكس) و الرقم ده كل مابيقل يكون احسن, و ده على فكرة من اهم مميزات الشاشة عند
    الشراء, لان الشاشات زمان لما الresponse time بتاعها كان بيعمل 20 ms كانت بتعمل
    ظاهرة غير مرغوب فيها تماما و هي الghosting , انما دلوقتي الresponse time لا يتجاوز ال
    8 ميللي ثانية , بالتالي ظاهرة الghosting قلت جدا, و في شاشات دلوقتي
    5 ms – 4 ms – 2.4 ms .

    FPS ببساطة معدل الاطارات في الثانية ,اديكم أمثلة : مثلا الافلام السينمائية بيتم تصويرها
    بمعدل 24 صورة في الثانية (23.976) و يسمى هذا ب 24p , و هناك ما يتم تصويره ب 30
    اطار في الثانية (29.97).

    نجي بقى للمعضلة اللي خلتني اشرح المصطلحات اللي فوق ده, و نبتديها مثلا
    بالامثلة السهلة :

    ازاي نعرض فيلم 30 اطار في الثانية على شاشة 60 هيرتز ؟؟
    القصة و ما فيها اني باعرض كل اطار من ال30 اطار مرتين بدلا من مره واحده .

    طب لو فيلم 24 اطار على شاشة 24 ؟؟ يبقي مفيش مشاكل نهائي .

    طب فيلم 24 على شاشة 25 هيرتز ؟؟ في طريقتين , الاولى : هي تسريع العرض من
    24 اطار ل25 اطار في الثانية و بالتالي الصوت هيسرع سنه بس غير ملحوظه (بس الطريقه
    ده عاوزه برامج مخصوصه و ماينفعش التلفزيون يعملها) , الثانيه : الموضوع ببساطة يكمن في
    اعادة ترتيب الاطارات من 24 الى 25 و ذلك عبر اضافة نصف فريم كل نصف ثانية (هي القصة
    اعقد من كده سنه بس لو دخلت في الموضوع ده هيبقى فركش و ماحدش هايفهم حاجة),
    و ده للاسف بيعمل stuttering – judder , يعني بالعربي تقطيع في الفيلم (و هو ده اللي
    بيحصل في التليفزيونات) .

    طب فيلم 24 على 30 هيرتز و مضاعفاتها ؟؟ يتم هنا اعادة ترتيب للاطارات ايضا بانماط
    معينة حتى يتم تحويل ال24 الى30 اطار, و بالنسبة لل60 هيرتز بيحصل نفس الخطوه
    السابقه ثم يتم مضاعفة الاطارات .

    و هكذا, للحصول على احسن نظام عرض و يكون ال stuttering – judder فيه معدوم , يجب
    مراعاة الfps و الrefresh rate و التوفيق بينهم .

    نرجع للشاشة بقى و ميزة ال100 هيرتز لانها مش زي ما معظم الناس فاكرة, ميزة ال100
    هيرتز في تليفزيونات LG تسمى ب Trumotion و هي معطلة في نظام عرض الpc او الvga
    انما موجوده بباقي انظمة الشاشة من av-hdmi-tv , لان ال100 هيرتز هنا لا تعني 100 صورة
    في الثانية فعليا انما هي تقنية لمضاعفة الاطارات المعروضة على الشاشة في الثانية , حيث
    بين كل اطار و الثاني يتم وضع اطارات افتراضية محسوبة بمعالج مدمج في الشاشة, و
    بالتالي تكون الشاشة اكثر حدة و نقاء و سرعة و ثباتا, و لكن هناك بعد العيوب حيث صورة
    الفيلم السينمائي تكون اقرب للتمثيليات المدبلجة او الفيديو التلفزيوني, ده غير ان التقنية ده
    لسه حديثة و المعالجة البصرية حول بعض الاشياء تكون غيردقيقة و يظهر بعض الnoise حول
    تلك الاشياء, كما تعطي هذه الميزه ايضا انطباع بسرعة تحرك الاشياء و ذلك نتيجة لوضع
    فريمات جديده, كما انها تقوم بمضاعفة الstuttering – judder في حالة عدم التوفيق بين ال
    fps و الrefresh rate زي ما سبق شرحه.

    و علشان كده في شاشات دلوقتي 480 هيرتز علشان تحاول تقضي على الartifacts .

    بصوا الخلاصة ان الميزة ده جامده موووت و انا لا استطيع الاستغناء عنها الان
    نهائي حتى و لو على حساب شوية artifacts كل فين و فين .

    نتكلم عن قائمة الصورة و بتبتدي بالaspect ratio و في معظم الخيارات الموجوده من
    4:3 - 16:9 - 14:9 – original – cinema – justscan - cinema zoom, و بعدين خيار للتحكم
    توفير الطاقه بثلاث مراحل 25% 50% 75% و ذللك عبر تقليل الاضاءة, ده غير الانظمه
    الموجوده في عرض الصوره من natural – vivid – standard – intelligent sensor –
    sport – game – Cinema – 2 expert or custom modes , بل و يمكنك التعديل في اي
    نظام ايضا من السابق ذكرهم لان في خيار reset موجود , و هناك قائمة لتظبيط الالوان و
    الكونتراست و الاضاءة الخلفية و الخ الخ..

    في قائمة advanced بتظبط فيها خيارات تانيه زي dynamic contrast و dynamic
    color و دول بيعملوا شغل جامد مووت في الالوان و الاضاءة و تكتسح هنا ال LG في النقطة
    ده, لان بالمقارنة بشاشتي السامسونج ال22 نظام LG افضل, (لان التغيير في الاضاءة
    مابتحسش بيه على عكس السامسونج) .

    و تقدر تظبط كثافة اللون الاسود من الgamma – black level و هي ميزة جامدة برده .

    Eyecare للتحكم في الاضاءة بحيث انها ماتكونش جامده على عينيك.

    Real cinema ممم مش عارف لغيت دلوقتي بتعمل ايه هما بيقولوا انها بتخلي الفيلم زي
    السينما, بس للاسف مالاحظتش ليها فايده, trumotion هي ميزة ال 100 هيرتز و تحتوي
    على خيارين , سريع و بطئ و off , و الشركه تنصح بتقليل السرعة اذا تم ملاحظة artifacts

    و هناك بعض الخيارات الاضافيه التقليدية , بس عند اختيارك الexpert mode بيخليك
    تتحكم في كل لون على حدة, متخيلين كل لون على حده ده (بس هما تقريبا خمس او ست
    الوان ).
    و هناك اختيارات في حالة توصيل الd-sub مثل تحريك الشاشة و عمل زووم, يعني من الاخر
    بتتقلب شاشة كمبيوتر.

    و هناك نظام يسمى بالav mode و هو يقوم بتعديل الصورة و الصوت حسب العرض
    و يحتوي على cinema – sport – game .

    نتكلم شوية عن قائمة الصوت و فيها خيار لتعلية صوت الكلام فقط وهي تعمل بكفاءة
    بس حاجات حاجات, و فيها خيار للتحكم في مستوي الصوت علشان مايعلاش مره
    واحده, و فيها ميزة srs trusurround لعمل نظام ساروند, ده غير اعدادات مسبقه
    للموسيقي و الالعب و الافلام و السينما, بس للاسف مافيش EQ ,انما فيه باس و تربل ...
    بس بصراحه الصوت نضيف و مش عاوز تظبيط , و صوت العربي واضح اوي فيه , و فيه خيار
    لتعطيل السماعات .

    و بالنسبه طبعا لتجربتي الشخصية الخصها في الاتي : ان احسن نظام لعرض الافلام
    هو نظام ال1080p24 مع مراعاة طبعا ان الافلام تكون 24 اطار ( لأن الافلام اصلا معموله
    علشان تنشاف بالطريقه ده ) , لكن للاسف الحلو مابيكملش لأن الشاشة ده في النظام ده
    بالذات بتعمل flicker كل 3 ثواني , ولغيت دلوقتي للاسف مش لاقي حل للمشكله ده, و
    بعت رساله لل support و لسه في انتظار ردهم.

    علشان كده انا لجئت لاستخدام 1080p25 – 1080p50 و بالتالي كان لازم احول الفيديو من
    24 ل25 اطار علشان اتجنب التقطيع و علشان كده استخدمت البرنامج العبقري الreclock
    ,البرنامج ده حل كل مشاكل التقطيع اللي كانت عندي.

    مع تشغيل ميزة الtrumotion و ال7.1 :cool:هاقعد اتفرج على الرجل الاخضر للمرة التالتة :D .







    :ah5: بس خلاص, انا جبت اخري J , ربنا يسهل و اكون افدت و لو واحد منكم .
















    :ah38:ملحوظة : لو في حاجة مش مظبوطة في الكلام اللي فوق او في حاجة انا فهمتها بشكل خاطئ حد يقولي

    لاحسن الموضوع ساعات بيبقى معقد اوي .


  2. #2
    عضو فضي الصورة الرمزية A-Bomb
    تاريخ التسجيل
    Jan 2007
    المشاركات
    738
    الدولة: Egypt
    معدل تقييم المستوى
    23

    رد: مراجعة لاحدث موديل New Scarlet LG LCDTV 37

    شكرا يا دكتور علي الreview
    أنا فعلا بفكر اجيب الجهاز دا..خصوصا اني من محبي LG دا غير ان سعره كويس

  3. #3
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    109

    رد: مراجعة لاحدث موديل New Scarlet LG LCDTV 37

    بسم الله ما شاء الله
    مبروكه عليك الشاشه
    سيبك من الشاشه .. الشاشه حلوه ما شاء الله
    خلينا فى طريقه عرض حضرتك للموضوع و الصور الفخمه
    ما اعتقدش ان الموضوع ناقصه غير حاجه واحده
    صوره او اتنين للشاشه شغال عليها فيلم مثلا ...
    أحلى تقييم للموضوع و لحضرتك
    و سلامتك من البرد
    [CENTER]
    [/CENTER]

  4. #4
    عضو الصورة الرمزية Dusty
    تاريخ التسجيل
    Feb 2008
    المشاركات
    82
    معدل تقييم المستوى
    10

    رد: مراجعة لاحدث موديل New Scarlet LG LCDTV 37

    شكرا على المراجعة دى, ممكن اعرف جبتها منين ؟.
    Dusty track of the week
    05/07/2009
    Mark Pledger vs Matt Hardwick Ft Melinda Gareh - Fallen Tides
    http://www.youtube.com/watch?v=4eosjNW5ycw


    http://i41.tinypic.com/2r59o9x.jpg

  5. #5
    عضو الصورة الرمزية mohamednon
    تاريخ التسجيل
    Aug 2007
    المشاركات
    182
    معدل تقييم المستوى
    25

    رد: مراجعة لاحدث موديل New Scarlet LG LCDTV 37

    مصطفى باشا ...فانك ولهى وحشتنا

    سلامتك .. يعنى ماكناش نشوفك الا لما تمرض

    تقرير رائع ياباشا

    فى وسؤالين ..

    وزن الشاشة كام ؟ (مكتوب على الكرتونة )
    وهل اللون الاسود اللامع اليى على الشاشة يسبب لك اى ضيق فى الرواية (انعكاس وكده)

    ومبروك ولاونها متاخرة

  6. #6
    عضو برونزي الصورة الرمزية mustafa811
    تاريخ التسجيل
    Sep 2008
    المشاركات
    564
    معدل تقييم المستوى
    16

    رد: مراجعة لاحدث موديل New Scarlet LG LCDTV 37

    الحبايب كلهم
    نورتوا الصفحة

    شكرا يا دكتور علي الreview
    أنا فعلا بفكر اجيب الجهاز دا..خصوصا اني من محبي LG دا غير ان سعره كويس
    ربنا يسهل و تجيب كل اللي انتا عاوزه بس انا باشبه عليك

    ما اعتقدش ان الموضوع ناقصه غير حاجه واحده
    صوره او اتنين للشاشه شغال عليها فيلم مثلا ...
    أحلى تقييم للموضوع و لحضرتك
    و سلامتك من البرد
    ميت صوره و حياتك
    كل اللي انتا عاوزه هتلاقيه عن قريب

    شكرا على المراجعة دى, ممكن اعرف جبتها منين ؟.
    ازيك يا داستي كنت جايبها من محل اسمه هايديفنشن عند ميدان فيني
    محل ذوق جدا و الرجل زي الفل و اسمه نشأت ..... مش فاكر باقي الاسم

    وزن الشاشة كام ؟ (مكتوب على الكرتونة )
    وهل اللون الاسود اللامع اليى على الشاشة يسبب لك اى ضيق فى الرواية (انعكاس وكده)
    الله يسلمك و على فكره الوزن مش مكتوب على الكرتونه و لا التليفزيون من ورا
    و بالنسبه للون الاسود اللامع عمري ما خدت بالي منه, ده غير ان اضاءة الشاشة جامده جدا بتخلي اي
    حاجه حواليها سودا, لما باشغلها بجانب شاشة الكمبيوتر باحس ان شاشة الكمبيوتر باظت و مفيهاش اضاءة
    علما بأن شاشتي سامسونج 2243lnx و اضاءتها المفروض انها ممتازة
    [SIZE="4"][CENTER][COLOR="Red"]مصر[/COLOR] ... ام الدنيا

    [URL="http://www.arabhardware.net/forum/showthread.php?t=201854"](القاهرة) للبيع Belkin N+ Wireless ADSL Router بسعر رائع[/URL][/CENTER][/SIZE]

  7. #7
    عضو فضي الصورة الرمزية EHWILLIAM
    تاريخ التسجيل
    Aug 2009
    المشاركات
    348
    الدولة: Egypt
    معدل تقييم المستوى
    13

    رد: مراجعة لاحدث موديل New Scarlet LG LCDTV 37

    عرض ولا أروع
    وفى أنتظار باقى التقرير

  8. #8
    عضو الصورة الرمزية Dusty
    تاريخ التسجيل
    Feb 2008
    المشاركات
    82
    معدل تقييم المستوى
    10

    رد: مراجعة لاحدث موديل New Scarlet LG LCDTV 37

    اقتباس المشاركة الأصلية كتبت بواسطة mustafa811 مشاهدة المشاركة
    ازيك يا داستي كنت جايبها من محل اسمه هايديفنشن عند ميدان فيني
    محل ذوق جدا و الرجل زي الفل و اسمه نشأت ..... مش فاكر باقي الاسم
    متشكر يا مصطفى باشا , اصل الوالد عاوز يجيب واحد بس فى حدود ال 5000 جنية,,ابة رايك ؟ اخلية يفكر فى دى ولا ال full hd و 100 هيرتز مش هتفرق فى الأستخدام العائلى ؟.

    شكرا.
    Dusty track of the week
    05/07/2009
    Mark Pledger vs Matt Hardwick Ft Melinda Gareh - Fallen Tides
    http://www.youtube.com/watch?v=4eosjNW5ycw


    http://i41.tinypic.com/2r59o9x.jpg

  9. #9
    عضو برونزي الصورة الرمزية mustafa811
    تاريخ التسجيل
    Sep 2008
    المشاركات
    564
    معدل تقييم المستوى
    16

    رد: مراجعة لاحدث موديل New Scarlet LG LCDTV 37

    اقتباس المشاركة الأصلية كتبت بواسطة Dusty مشاهدة المشاركة
    متشكر يا مصطفى باشا , اصل الوالد عاوز يجيب واحد بس فى حدود ال 5000 جنية,,ابة رايك ؟ اخلية يفكر فى دى ولا ال full hd و 100 هيرتز مش هتفرق فى الأستخدام العائلى ؟.

    شكرا.
    انتظر باقي التقرير و بعدين قرر , هاحاول اخلصه بكره ان شاء الله
    [SIZE="4"][CENTER][COLOR="Red"]مصر[/COLOR] ... ام الدنيا

    [URL="http://www.arabhardware.net/forum/showthread.php?t=201854"](القاهرة) للبيع Belkin N+ Wireless ADSL Router بسعر رائع[/URL][/CENTER][/SIZE]

  10. #10
    عضو الصورة الرمزية Dangerous Life
    تاريخ التسجيل
    Jul 2009
    المشاركات
    174
    الدولة: Egypt
    معدل تقييم المستوى
    10

    رد: مراجعة لاحدث موديل New Scarlet LG LCDTV 37

    شكرا على التقرير
    مستنين الباقى
    وبراحه علشان البرد :D

  11. #11

  12. #12
    عضو فضي
    تاريخ التسجيل
    Jun 2009
    المشاركات
    628
    الدولة: Egypt
    معدل تقييم المستوى
    13

    رد: مراجعة لاحدث موديل New Scarlet LG LCDTV 37

    ماشاء الله
    شاشه رائعه
    ربنا يباركلك فيها
    لو ممكن اعرف سمكها تقريبا كام و امكانيه تعليقها ايه
    لأني نفسي اجيب واحده و اعلقها

  13. #13
    عضو الصورة الرمزية Dusty
    تاريخ التسجيل
    Feb 2008
    المشاركات
    82
    معدل تقييم المستوى
    10

    رد: مراجعة لاحدث موديل New Scarlet LG LCDTV 37

    اقتباس المشاركة الأصلية كتبت بواسطة mustafa811 مشاهدة المشاركة
    انتظر باقي التقرير و بعدين قرر , هاحاول اخلصه بكره ان شاء الله
    متشكر يا د. مصطفى و ممكن اعرف عنوان المحل بظبط عشان احتمال اروح اشوفها بعد الشغل, انا اعرف هناك توت اكسبريس.
    Dusty track of the week
    05/07/2009
    Mark Pledger vs Matt Hardwick Ft Melinda Gareh - Fallen Tides
    http://www.youtube.com/watch?v=4eosjNW5ycw


    http://i41.tinypic.com/2r59o9x.jpg

  14. #14
    عضو فضي الصورة الرمزية A-Bomb
    تاريخ التسجيل
    Jan 2007
    المشاركات
    738
    الدولة: Egypt
    معدل تقييم المستوى
    23

    رد: مراجعة لاحدث موديل New Scarlet LG LCDTV 37

    ربنا يسهل و تجيب كل اللي انتا عاوزه بس انا باشبه عليك
    A-Bomb = ages_devil:D
    تم التقييم. لأن الموضوع افدني بشكل خاص.

  15. #15
    عضو
    تاريخ التسجيل
    Jun 2009
    المشاركات
    55
    معدل تقييم المستوى
    0

    رد: مراجعة لاحدث موديل New Scarlet LG LCDTV 37



    مبارك عليك هذه الشاشة
    مشكور على الجزء الأول من التقرير

صفحة 1 من 3 1 2 3 الأخيرةالأخيرة

المواضيع المتشابهه

  1. القاهره-samsung lcdtv 32
    بواسطة nerazzurri في المنتدى الأرشيف
    مشاركات: 6
    آخر مشاركة: 20-03-2012, 12:12
  2. ( مصر - المنصورة ) موديم اتصالات موديل mf100 للبيع
    بواسطة hitat_gemy في المنتدى الأرشيف
    مشاركات: 10
    آخر مشاركة: 06-12-2011, 13:57
  3. اريد رأيكم في شاشة LG scarlet lcd 42 inch
    بواسطة crazyprudent في المنتدى الأرشيف
    مشاركات: 0
    آخر مشاركة: 17-06-2008, 01:07
  4. أكبر شاشة LCDTV في العالم من Samsung
    بواسطة The Mysterious في المنتدى الأرشيف
    مشاركات: 4
    آخر مشاركة: 31-03-2008, 07:33

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •