مراجعة لاحدث موديل New Scarlet LG LCDTV 37

**TheInfernal** · 20-08-2009, 10:34

مبروك عالشاشة و مستنيين باقي الاختبار.

**mustafa811** · 20-08-2009, 13:50

لو ممكن اعرف سمكها تقريبا كام

و امكانيه تعليقها ايه

هما بيقولوا 1.6 بوصة بس هي تقريبا 2 و بتتعلق بمنتهى السهولة بس طبعا محتاجة حامل
و اسعار الحوامل من 150 ل1000 جنيه, لان طبعا فيه ماركات مختلفة و وظائف مختلفة
عندك مثلا حامل تقليدي ده ب 150 و فيه حامل ضخم ب1000 يخليك تحرك الشاشة في جميع
الاتجاهات بتاع نصف متر يمين - شمال - فوق - تحت - قدام و دائري كمان لما الشاشة
تبقي مدفوعة لقدام ده غير انه خامته قوية جدا

A-Bomb = ages_devil:D

شيطان العصور

شكرا على التقييم

متشكر يا د. مصطفى و ممكن اعرف عنوان المحل بظبط عشان احتمال اروح اشوفها بعد الشغل, انا اعرف هناك توت اكسبريس.

بص يا سيدي من عند توت اكسبريس خد الميدان و ادخل الشارع الل بيطلعك على تاكوبي و المغربل و البطل احمد
هو قبل تاكوبي على ايدك اليمين و قبله صيدلية

الله يبارك فيكم كلكم يا جماعة و متشكر على التقييمات

**DR ! ZERO** · 20-08-2009, 16:23

ألف شكر ع الريفيو و 100 مبروك ع الشاشة :p .

**Dusty** · 20-08-2009, 16:41

مصطفى بك !....الوالد عملها و جاب Samsung Series 5 530 37 inch , قول لى رايك بكل صراحة ؟.

**mustafa811** · 20-08-2009, 22:11

المشاركة الأصلية كتبت بواسطة Dusty

مصطفى بك !....الوالد عملها و جاب Samsung Series 5 530 37 inch , قول لى رايك بكل صراحة ؟.

كمواصفات الlg تكسب , لكن مش هاكدب عليك ده كانت خياري الثالث لو ماكنتش هاجيب الlg .
خياري الثاني كان هيبقى سامسونج series 6 .

مبروك لوالدك , اعتقد ان الشاشه ده برده فيه 1080p24 جرب و قوللي .

**The STIG** · 20-08-2009, 22:21

مبروك يا دوك وشكراً على الReview الجامد ده

تم التقييم

**Dusty** · 20-08-2009, 22:28

للاسف مجربتش حاجة لسة, فى مشاكل فى التوصيلات, بس شعور جميل بتاع ال big screen tv :ah7:.

**wild cat** · 21-08-2009, 20:12

مبروك دكتور مصطفى على الشاشه وتتهنى بيها ان شاء الله
وريفيو رائع

وكل عام وانت طيب

**HishamShafai** · 23-08-2009, 04:11

ألف مبروك الشاشة و العرض الممتاز و أنا جايب من حوالى شهر نفس الموديل لكن حجم 42 بوصة و هى فعلا ممتازة بكل المقاييس و متشابهة مع شاشتك و لكن سمكها أقل فهو 1,6 إنش حوالى 39 مللى وهذا السمك متوفر لموديلات 42 و 47 بوصة فقط والوزن 17 كجم والسعر كان فى كارفور 8800ج ولكننى أخذتها تجارى من عبد العزيز ب 8150 و الجديد أننى جربتها على قناة HD عن طريق الكومبيوتر ( به كارت ستالايت ) وبإستخدام وصلة HDMI بصراحة تشاهدون حاجة تانية خالص بمعنى إن أنضف قناة فضائية نشاهدها الآن تعتبر صورتها زبالة بالمقارنة بال HD .

**hany31** · 11-09-2009, 04:37

عندي سؤال لو سمحتوا هوا ينفع اوصل ال tv بال pc عن طريق HDMI وحيشتغل عادي ولا في مشكله انا ناوي اجيب tv32 بس متردد عشان الحوار دا مع العلم انى عندي vga HD 4850
وسؤال تانى ايه الفرق بين hd العادي وال full hd

**peterlover** · 11-09-2009, 17:30

انا اشتريت Samsung lcd 37 t.v تلفزيون حكايه فعلا كوالتي عالي جدا الوان حقيقيه .. قريب هعمل موضوع عنه هوا يختلف عن ال lg في انه مفهوش موضوع البلوتوث ده (( بس دي مش خاصيه مهمه اوي بانسبه لامكانيات التلفزيون )) انا شفت طبعا التلفزيونين وقريت مواضيع عن عيوب كل تلفزيون ومميزاته .. وطبعا lg ممتاز مش وحش . موضوع جميل ويارب الناس تستفيد منه .. بس انا باقول للناس متتسرعش في الشراء ومتفرحش بامكانيات مش هتستفيد منها ..