الاكسيس الرائع bullet2hp من الالف الى الياء

**hamottos** · 28-08-2009, 11:48

بسم الله الرحمن الرحيم

اخواني في المنتدى اليوم انا هشرحلكم الاكسيس بوينت الخارجي حديث المدينه
BULLET2HP
من شركة
UNIQUITI

وسيكون الشرح مقسم الى
الخصائص الفنيه للجهاز وامكانياته
شرح تشغيله وكيفية التعامل معه
وان شاء الله يتم عمل نقاش كامل عن الاكسيس وكيفية الاستفاده منه وتجارب الاعضاء مع هذا الجهاز الرائع وعرض لبعض المشكلات وكيفية حلها
وارجو من كل المتخصصين في هذا الجهاز التفاعل ليصبح الموضوع مرجع كامل لكل من يمتلك او ينوي امتلاك هذا الجهاز الرائع

نبدا على بركة الله
ما هو BULLEIT 2HP
هو عبارة عن اكسيس بوينت خارجي صغير في الحجم وكبير في الامكانيات
واليكم بعض الخوص الفنيه للهارد وير
البروسيسور
Atheros MIPS 4KC, 180MHz

الميموري
16MB SDRAM, 4MB Flash

المداخل والكونيكتور
مدخل لوصلة لان مع ميزة الPOE اي الطاقه عبر الشبكه السيلكيه
(يعني بوصلة لان واحده يتصل بالشبكه السيلكيه وياخذ طاقته الكهربيه عن طريق حاقن للطاقه الكهربيه عبر وصلة اللان RJ45 )

POE

تحمل الحراره
من 20- درجه سيليزيه ل 70- درجه سيليزيه

الوزن
180 جرام

الحجم
صغير جدا اقل من نصف حجم زجاجة المياه 500 م

الكونيكتور الخاص بالانتنا
N-type Male
يركب على الانتنا الخارجيه مباشره وممكن عمل وصله ليركب على الانتنا الداخليه

يحتوي على اضاءة لقوة الاشاره

القدرة اللاسيلكيه للارسال
تصل الى 30DBM او 1000 ملليوات

ابقدرة اللاسيلكيه للاستقبال
تصل الى 98-DBM

المدى ومسافة الاراسال والاستقبال تصل الى 50 كيلومتر على حسب الانتنا والظروف الجويه

الكيسه الخاصه بالجهاز تتحمل الحراره وضد الماء

السوفتوير
الخاص بالجهاز من شركة
AIROS وهو سوفتوير متطور جدا وله مميزات تضمن الثبات والقدرة والكفاءة
وممكن تحميل سوفتوير مفتوح المصدر لينوكس مع امكانية التطوير اللانهائي مثال DD-WRT

مميزات اخرى

اضمن مع هذا الجهاز الاستفادة القصوى من الطاقة الرهيبه التي يعمل بها من غير اي فقد لانه
بيركب على الانتنا مباشره دون وصلات ولا احتمالات للاخطاء
اطمن لا يوجد مشاكل بسبب كروت ويرليس او بورد راكبه عليه زي المايكروتيك بورد
الجهاز قطعه واحده وبالتالي مش هتلاقي مشاكل في التركيب (لا كرت مش متثبت صح والا وصلة مش راكبه صح--- الخ)
مش محتاج علب ووتر بروف ولا غيره الجهاز مؤمن ضد الماء والحراره والاتربه وكل اللي هتحتاجه انك تثبت الانتنا وبس الجهاز بيركب على الانتنا مباشره مش محتاج يتثبت اصلا
اضاءة لقوة الاشاره لضبط الانتنا لافضل اداء(لو هتستخدمه لنقل الانترنت الى مناطق بعيده)
مش محتاج غير وصلة لان للجهاز لا كهرباء ولا وصلات للانتنا ولا حاجه هيه وصلة لان بس بتنقل الداتا والكهربه

الميزة الجميله
سعره بسيط جدا ارخص اكسيس بونيت فيه كل هذه المواصفات وينفع يبقى بدايه جيده للهواة والمحترفين لعمل شبكات لاسيلكيه غير مكلفه

**hamottos** · 28-08-2009, 11:49

الان طريقة
الضبط
بمجرد اخراج الجهاز من العلبه هيحصلك ذهول من صغر الحجم والوزن

اولا ركب الوصلة اللان ف في مكانها وركب الانتنا اللي انت عايزها على حسب استخدامك
يعني عايز تستخدمه لارسال انترنت لمسافات بعيده استخدم انتنا توجيهي مثل الجيرد او الياجي
عايز تستخدمه كمحطة ارسال للعملاء استخدم الانتنات الاومني والسيكتور والبانل
عايز الجهاز للاستقبال يبقى بانل تمام جدا ووجها لاتجاه الشبكه اللي انت عايزها
استخدم انتنات خارجيه عشان تاسس شبكتك صح وانسى الاكسس والانتنا فوق السطح مش هتحتاج تعمل اي صيانه
عشان قوة التحمل الخاصه بالانتنا والبوليت

مثلا انتنا اومني ركبها على البوليت وثبتها في اعلى منطقه بحيث تكون كاشفة المنطقه دون عوائق
من الطرف الثاني لسيلك اللان هتركب poe adapter في سيلك اللان اللي نازل من البوليت ووالطرفين التانيين لل poe ركب الادبتر ووصل على جهاز كمبيوتر مثبت الاي بي بتاعه
192.168.1.1
نيت ماسك
255.255.255.0

اكبت في المتصفح
192.168.1.20

هيطلب منك اليوزر والباسوورد
اكتب للاثنين
ubnt

الان لضبط الاي بي الخاص بالبوليت
اختر network

في هذه الخطوه يفضل اختيار رقم 4
static اي بي
ونكتب الاي بي في رينج الاي بي الخاص بالراوتر
مثلا انا الراوتر بتاعي الاي بي بتاعه 192.168.11.1
يبقى الاي بي بتاع البوليت
192.168.11.20
والجيت اوي هو اي بي الراوتر
192.168.11.1
النيت ماسك
255.255.255.0
دوس
change وبعدين apply

دلوقتي افصل البوليت من الكمبيوتر وحول الاي بي تاع الكمبيوتر الى اوتوماتيكي وصل البوليت على الراوتر مباشره
ووصل الكمبيوتر اللي بتضبط بيه على الراوتر
اكتب في المتصفح
192.168.11.20
وبكده انت تقدر تدخل على الاكسيس وتضبط بيه من غير ما توصله مباشره على الكمبيوتر من خلال اي جهاز كمبيوتر في الشبكه
وبالتالي لازم نغير الباسوورد بتاع الاكسيس البوليت

ادخل على البوليت
اختر
system

الان ضبط اعدادات الااكسيس بوينت
ممكن تحوله للاستقبال station
ممكن تحوله ل access point
وفيه اختيارات تانيه

اولا تحويل البوليت لاكسيس بوينت لبث الانترنت
ادخل على
link setup

وفي الصوره اللي فاتت طريقة التشفير
ملاحظات
للمسافات البعيده جدا اختر المود b
للمسافات القريبه اختر b ,g
للحصول على اعلى سرعه للداتا اختر g
وهو مناسب لنقل الملفات بين الاجهزة المتصله بالبوليت والشبكه اللاسيلكيه بس بتقلل من كفاءة الشبكه
essid
معناها اسم الشبكه بتاعتك التي ستظهر لو حد لاقط الشبكه

تشغيل البوليت للاستقبال
اختر
link setup
اختر من
wireless mode
اخترstation
ومن جنبيها
اختر
select
عشان تختر الشبكه اللي هتربك عليها

بعد الخطوة 3 في الصوره اختر

وما تنساش لو الشبكه مشفره
اختر نوع التشفير والباسوورد وبعدين

دوس
change
apply

**hamottos** · 28-08-2009, 11:51

لتحديث الجهاز اعمل ريسيت للجهاز بطريقة من الاثنين
اما بالزر الخاص بالريسيت وهو بجوار مدخل السوكيت الخاص بكابل اللان في الجهاز بنضغط ليه لمده 3 ثواني
او من خلال صفحة ضبط الجهاز
اختر SYSTEM
اسفل الصفحة
اضغط
RESET TO DEFAULTS

بعد كده بندخل تاني على صفحة اعدادات الجهاز وخللي بالك ثبت الاي بي بتاع الكمبيوتر بتاعك ووصل البوليت عليه مباشره
اي بي جهازك يبقى
192.168.1.1
النيت ماسك
255.255.255.0
اي بي صفحة الجهاز اللي بتدخل بيها
192.168.1.20
اليوزر نيم والباسوورد
ubnt
بعد كده
اضغط system
upgrade
ثم
change
ثم
apply

صفحة تحديث البوليت

اتبع الشرح في هذه الصورة واللينك الخاص بالصفحه اسفل الصوره

هنا صفحة التحديث اختر منها جهازك كما هو مشروح
https://www.ubnt.com/support/downloads.php

**mido_nour1** · 28-08-2009, 14:38

كم يبلغ سعره ؟؟؟

**hamottos** · 28-08-2009, 15:33

1300 جنيه

**khallodah** · 29-08-2009, 04:35

انا طالبه من الانترنت ب 40$ فقط وسعره المقترح في موقع الشركة المصنعة 35$

معظم المواقع عارضته ب 80$

يارب اني ماكون اخدت بومبا, وانسرقت الفيزا هي هي هي

مجهود ممتاااااز وتفصيل رائع
مشكووور

**hamottos** · 29-08-2009, 08:49

خللي بالك فيه منه انواع
فيه BULLET 2 ده قوتة 100 ملليوات وبسعر 40 دولر
BULLET 2HP سعره بيعد 80 دولار غير الشحن والجمرك وممكن يتمسك في الجمرك لانه ممنوع

**khallodah** · 29-08-2009, 16:04

سؤال طرح نفسه ايش الفرق بينهم؟؟!!
لأنى ناوي اركيه على انتينا كبيرة وابغى اعرف ان كان حيفرق معاي في قوة الارسال؟؟

شكرا مرة ثانية

**hamottos** · 29-08-2009, 23:38

اكيد ال
bullet 2 hp بقوة 1000 ملليوات بيرمي معاك لو انتنا خارجيه اومني اكثر من 5 كيلو
bullet 2 بقوة 100 ملليوات وبس يعني مش هيعدي على ما اعتقد كيلو والله اعلم بس الججهاز الاول اقوى 10 اضعاف الجهاز الثاني

**bio_chem_000** · 30-08-2009, 23:19

ماشاء الله

الله ينوّر عليك

كنت بس عاوز أعرف ايه الفرق
بين البوليت bm2hp و البوليت b2hp

**hamottos** · 03-09-2009, 01:49

المشاركة الأصلية كتبت بواسطة bio_chem_000

ماشاء الله

الله ينوّر عليك

كنت بس عاوز أعرف ايه الفرق
بين البوليت bm2hp و البوليت b2hp

اهلا بيك اخي الكريم
bm2hp هو الجيل الحديث من b2hp بنفس المواصفات مع امكانيات جبراه لنقل الانترنت لمسافات بعيده
مع هذا الموديل تصل سرعة الاتصال الى 100 ميجا بالثانيه كانك موصل سيلك لان مش لاسيلكي مع انخفاض الdelay
الى حد كبير جدا ميزة memo وهيه ميزه رائعه خصوصا لو بتتعامل مع ملفات الملتيميديا واعتقد انه سيكون مميز لانه هيتحمل عملاء اكثر
بمقارنه بسيطه بين مواصفات الجهازين الجهاز الحديث البروسيسور اقوى والميموري الضعف والكفاءة اعلى
وهينزل بنفس سعر البوليت القديم ان شاء الله