النتائج 1 إلى 6 من 6

الموضوع: حصرى:نيرونت :شارك السيدى رايتر Cd-Writer فى شبكة محلية ووفر الوقت والمال

  1. #1
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    16

    حصرى:نيرونت :شارك السيدى رايتر Cd-Writer فى شبكة محلية ووفر الوقت والمال






    عندك سيدى رايتر واحد على جهاز وعايز تنسخ اسطوانة من على جهاز تانى ؟حاجة من الاثنين يا تشترى سيدى رايتر جديد و تركبه فى الجهاز التانى يا تنقل ملفاتك على الجهاز اللى عليه السيدى رايتر و تنسخها !!!

    حلين اسهلهم صعب واحد هيكلفك فلوس و التانى هيضيعلك وقتك . طب الحل فين ؟ الحل ان يكون الجهازين على شبكة محلية واحدة LAN ونعمل مشاركة للسيدى رايتر وبكده اى حد على الشبكة ممكن ينسخ ملفاته على السيدى رايتر عن طريق الشبكة وده هنعمله عن طريق برنامج من شركة نيرو الغنية عن التعريف فى مجال برمجيات حرق الاسطوانات والديفيديهات بشكل متقدم والبرنامج اسمه NeroNet.

    واللى من خلاله هنقدر نعمل مشاركة Share للسيدى رايتر لانه بيكون بمثابة سيرفر يربط بين السيدى رايتر و العميل على الشبكة المحلية
    المطلوب للعمل:
    1-جهاز كمبيوتر ( أ) مثبت به السيدى رايتر اللى هنعمله مشاركة-السيرفر

    2- جهاز كمبيوتر (ب) على الشبكة مثبت عليه برنامج نيرو 6 او اعلى-العميل

    3-تحميل برنامج NeroNet من هنـــــــــــــــــــا وتثبيته على الجهاز (أ)
    الخطوات على جهاز السيرفر (أ) :
    1-ابدأ بتثبيت برنامج Neronet على الجهاز (أ) المركب عليه السيدى رايتر اللى هيبقى السيرفر



    واختار رقم البورت(الافتراضى هو البورت رقم 80 لوكان مستخدم من برنامج هتظهر رسالة انه حدد البورت الفلانى للخروج منه ) ثم تظهر شاشة تشغيل خدمة النيرونت على السيرفر



    بعدها ستظهر النافذة التالية بها شروط عمل البرنامج وهى بالنسبة للعميل اى الشخص الذى يريد نسخ الاسطوانات عن طريق الشبكة يجب ان يكون لديه نسخة كاملة full version يعنى مش OEM (زى اللى بتيجى على اسطوانة هدية مع علبة السيدى رايتر) من برنامج النيرو Nero Burning Rom النسخة رقم 6 او اعلى ويجب ان يكون مفعل خاصية Nero support فى البرنامج وذلك من file ثم preferences ثم expert features



    اختار الموافقة على الشروط ثم اضغط موافق للمتابعة

    بعد الانتهاء من عملية التثبيت نعمل كليك يمين على ايقونة البرنامج فى السيستم تراى Systemtray اللى جنب الساعة يعنى و نختار web configuration اى اعدادات الويب



    بعدها هيفتح برنامج انترنت اكسبلورر على الصفحة بالعنوان التالى : https://127.0.0.1/www/index.html

    و الرقم 127.0.0.1 ده عنوان المضيف المحلى او الــ localhost لاى جهاز ممكن بعد كده تغيره الى الايبى ip الخاص بجهاز السيرفر يعنى لو حبيت تدخل على الوجهة الرسومية للسيرفر بعد كده تروح على انترنت اكسبلورر و فى سطر العناوين تكتب الايبى الخاص بجهاز السيرفر وليكن مثلا 172.16.1.1 ثم : ورقم البورت الذى سيخرج منه بهذا الشكل https://172.16.1.1:80



    هتظهر شاشة ادخال اسم مستخدم و كلمة مرور نكتب فى اسم المستخدم Administrator وكلمة المرور neronet (نخلى بالنا من حالة الاحرف) وده الحساب الافتراضى لمدير السيرفر اللى بينزل به البرنامج طبعا لازم نغير كلمة السر بتاعه بعد كده



    ومن قائمة User Management نختار عمل حساب اخر من Add user وحتى ثلاث مستخدمين وده الوضع الافتراضى .اى مستخدم يستطيع مدير السيرفر ان يمنح له حقوق مدير السيرفر باختيار Server Administrator Rights يعنى يكون له امتيازات المدير او حقوق مدير الكيوهات Queue Administrator rights اى يملك تنظيم عملية الحرق واعطاء اولوية لعملية عن اخرى او الغاء واحدة او يمكنه تعطيل هذا المستخدم Disable Account

    مرفق مع البرنامج سيريال ممكن وضعه لزيادة عدد المستخدمين بالذهاب الى Server Settings وملأ المعلومات المطلوبة مثل مكان السيرفر فى الشبكة (فى غرفة مدير المبيعات مثلا) ووصف للسيرفر اى حاجة ثم ادخال السيريال ونترك الخيارات الافترضية الباقية بدون تغيير . بعد كده اى حد على الشبكة يحب ينسخ اسطوانة هيدخل اليوزر والباسورد المخصص ليه من قبل مدير السيرفر.


    يبقى جزء اخير فى اعدادات السيرفر بالذهاب الى ايقونة البرنامج فى السيستم تراى وكليك يمين و نختارConfigure Server

    الذى يظهر بها رقم البورت ومسار ملف اعدادات السيرفر و الاهم هو مسار الصورة Image التى يقوم بعملها السيرفر على الهارد لنسخها بواسطة السيدى رايتر والصورة هى الملفات التى استقبلها السيرفر من جهاز على الشبكة لنسخها على السيدى رايتر و يجب ان تكون هناك مساحة كبيرة على البارتيشن لتخزين الصورة التى يكون مسارها الافتراضى :C:\Program Files\Ahead\NeroNET\root

    والتى يمكن تغيير هذا المسار من Browse لاختيار بارتيشن به مساحة فارغة كبيرة لتسريع عملية الحرق.

    الخطوات على جهاز العميل (ب) :

    1-افتح برنامج النيرو Nero Burning Rom

    2- من قائمة File اختار Preferences ثم Expert Features

    3- اختار Neronet support ثم اضغط على زر Neronet



    ستظهر الشاشة التالية نضغط على Create لاضافة حساب للبرنامج



    بعده ستظهر الشاشة التالية التى نقوم فيها بادخال المعلومات المطلوبة



    1-ادخل اسم للحساب اى اسم يعجبك

    2-هنا يظهر اسم السيرفر و الايبى الخاص به واذا لم يظهر نذهب الى رقم 3

    3-هنا نضع ايبى السسيرفر او اسمه

    4- هنا يظهر رقم البورت

    5-هنا نضع اسم المستخدم -اى اسم من الثلاثة اللى اضفناهم من قائمة user management فى لوحة تحكم السيرفر بالأعلى

    6-هنا نضع كلمة السر الخاصة بالمستخدم

    فى الشاشة التالية تظهر اكتمال عملية اضافة حساب


    كيفية حرق اسطوانة على الشبكة:
    من جهاز العميل بعد اختيار الملفات التى سيتم نسخها وصولا الى اخر شاشة فى البرنامج وهى الضغط على زر Burn هنا نختار السيدى رايتر على الشبكة(وهو هنا اسم حساب البرنامج الذى قمنا بعمله بالاعلى ) من قائمة Current recorder



    ثم نضغط الان على زر burn لتبدأ عملية الحرق على الشبكة وتأخذ عملية الحرق صف او طابور Queue تماما كامر طباعة ملفات وورد مثلا من عدة مستخدمين على طابعة مشتركة فى شبكة محلية كما فى الصورة التالية.



    الشاشة الأخيرة تفيد بانتهاء عملية الحرق



    بقى شىء اخير وهو بعد اتمام عملية النسخ سيقوم السيدى رايتر باخراج الاسطوانة واذا اردنا الكتابة عليها ثانية عليك ان تذهب الى السواقة و تدخل الاسطوانة ثانية ولتجنب ذلك اختار من قائمة file فى برنامج النيرو Burning Rom اختار prefernences ثم expert features ثم ضع الاختيار امام Do not eject the Disc after the Burn is complete

    الموضوع حصرى وياريت يكون عجبكوا




  2. #2
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    16

    رد: حصرى:نيرونت :شارك السيدى رايتر Cd-Writer فى شبكة محلية ووفر الوقت والمال

    شكل الموضوع معجبش الناس برغم تعب الواحد جدا فيه ؟؟؟؟؟؟؟؟

  3. #3
    عضو محترف
    تاريخ التسجيل
    Jan 2003
    المشاركات
    928
    معدل تقييم المستوى
    22

    رد: حصرى:نيرونت :شارك السيدى رايتر Cd-Writer فى شبكة محلية ووفر الوقت والمال

    موضوع جميل بس انا شايف ان النسخ من الشبكه فيه شوية خطوره لأن أى بطء فى نقل البيانات للرايتر هيحرق الاسطوانه لكن الشركه طبعا أدرى طالما نزلت برنامج زى ده

  4. #4
    عضو برونزي الصورة الرمزية rezoufda
    تاريخ التسجيل
    Jun 2007
    المشاركات
    3,180
    الدولة: Morocco
    معدل تقييم المستوى
    23

    رد: حصرى:نيرونت :شارك السيدى رايتر Cd-Writer فى شبكة محلية ووفر الوقت والمال

    بارك الله فيك، برنامج ممتاز ومفيد والله، وشرحك له أحسن وأفيد
    تحياتي
    [CENTER][COLOR="#000000"][B]اللهم اغفر للمؤمنين والمؤمنات الأحياء منهم والأموات إنك سميع مجيب الدعوات[/B][/COLOR][/CENTER]
    [B][COLOR="YellowGreen"][CENTER][url]www.rasoulallah.net[/url][/CENTER][/COLOR][/B]

    [CENTER][SIZE="4"]ت.م/ رضا - المغرب
    [/SIZE][/CENTER]
    [CENTER][SIGPIC][/SIGPIC][/CENTER]
    [CENTER]آخر [COLOR="#000000"][/COLOR]مواضيعي:

    [URL="https://www.arabhardware.net/forum/showthread.php?p=1153286#post1153286"][SIZE="2"][B]روتر Wigate الجديد، لمشاركة الـ 3G[/B][/SIZE][/URL]

    [URL="https://www.arabhardware.net/forum/showthread.php?p=960990#post960990"][SIZE="2"][B]كل ما تود معرفته عن معالج intel Atom[/B]
    [/SIZE][/URL]

    [/CENTER]

  5. #5
    عضوية جديدة
    تاريخ التسجيل
    Sep 2008
    المشاركات
    44
    معدل تقييم المستوى
    16

    رد: حصرى:نيرونت :شارك السيدى رايتر Cd-Writer فى شبكة محلية ووفر الوقت والمال

    شكرا للمرور يا اخوانى نورتو الموضوع وكل عام وانتم بخير

  6. #6
    عضو
    تاريخ التسجيل
    Jul 2011
    المشاركات
    125
    الدولة: Egypt
    معدل تقييم المستوى
    13

    رد: حصرى:نيرونت :شارك السيدى رايتر Cd-Writer فى شبكة محلية ووفر الوقت والمال

    موضوع متميز

    بالتوفيق دائما


    تقبل الله
    التعديل الأخير تم بواسطة Ahmed.Elsayed ; 28-12-2012 الساعة 16:40

المواضيع المتشابهه

  1. مشاركات: 3
    آخر مشاركة: 01-03-2009, 23:38
  2. سؤال عن الديفيدي رايتر DVD Writer
    بواسطة i.am.ready في المنتدى الأرشيف
    مشاركات: 4
    آخر مشاركة: 12-03-2007, 13:13
  3. سؤال عن الديفيدي رايتر DVD Writer
    بواسطة i.am.ready في المنتدى البطاقات الرّسوميّة - Graphics Cards
    مشاركات: 4
    آخر مشاركة: 12-03-2007, 13:13
  4. تعارض السيدي روم مع السيدي رايتر
    بواسطة المبرمج العربي في المنتدى الأرشيف
    مشاركات: 5
    آخر مشاركة: 25-12-2004, 23:42
  5. مشاركات: 14
    آخر مشاركة: 10-05-2004, 13:44

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •