من منكم كان الحاسب سببا فى تغيير مسار حياته

**ماهر** · 21-09-2009, 00:57

مشكور يا أخ firehorse على قصتك
بالتوفيق ان شاء الله

**The King2** · 22-09-2009, 05:14

لازم تعرف النهارده وكمهندس صيانه ان الحكم على هارد بالانتهاء تماما هو أمر يحكمه كثير من الأمور وذلك فى وجود pc3000 او جهاز salvation data

لم أعرف هذه الأشياء خلاال هذه الفتره ولكن الهارد كان لسه فى الضماان
دلوقتى مشاكل تلف الهارد بسيطه وبإمكان أى أحد تحلليها من خلال الإقلاع وسخونه بروسيسور الميديا والتيستر وتلف القطااع وعمل تسيت من البادات للهارد والعلاج ببرامج كثيره
PC3000 خيار ذو دلائل نهائية
شكراً لك أخى مااهر على قراءه القصه المبعثره أنا الصراحه ماكنتش عارف أنا بكتب إيه
وأجمل حااجه إن موضوعك موضوع يعبر عن فترات نعيشها لا تنسى
وأتمنى إن كل واحد وضع قصته وسيضعها أنا يتمنى أمنيةُ التى يريد أن يصبح عليها فى هذا المجاال وربنا يوفقنا لنصل إليها

أنا أمنيتى أن أصبح مهندس شبكاات بعد تعلم شهادة CCIE Voice و RHCE فى شركه شبكاات محترمه وهذه هى دراساتى الحاليه وعلمى فى المستقبل القريب إن شاء الله
أسأل الله التوفيق لى ولكم

**Muscle** · 07-10-2009, 12:56

موضوع جميل اخى ماهر ولكن كثير منا ومنهم انا استفاد كثيرا من الكمبيوتر وتعلم منه اشياء نافعه لم يكن يعلمها اى انه مرحله تعليم من وجهه نظرى مثل الدراسه ولكن موضوعك ينقصه كيف نأتى بالمال من خلال الكمبيوتر مثل ما يقول البعض :ah17: بعد ان تعلمنا منه كل شيىء ك شبكات ونتوورك ويندوز واشياء اخرى يكثر الكلام فيها ولو نجحنا بأن نأتى بالمال عندها يكون البى سى هو نقطه تحول ورزق لكل شخص على وجه الارض...تقبل مرورى

**ماهر** · 07-10-2009, 15:22

اولا الرزق بإيد ربنا سبحانه وتعالى
ثانيا لازم يكون عندك محل ثابت أو على الأقل تصلح لجيرانك
ومثلا تنزيل الويندوز فى مناطق ب 20 ج وفى المولات بيوصل ل 50 ج

**waledakmal** · 17-10-2009, 07:54

انا الوقتى عندى25 سنه اشتريت جهازى بالظبط من سنه كان عاجبنى اوى الكمبيوتر والنت لدرجه انى اصريت انى اشتريه وتحت اى مواصفات نتيجه القاعده الطويله اللى كنت بقعدها فى السايبر بعد الشغل فقررت اشترى جهاز وفعلا عرضت على واحد صاحبى انو يكتبلى مواصفات فى حدود معينه وفعلا متاخرش ومش كده وبس لا حضر معايا وانا بشتريه والحمد لله انو كان معايا كان واقف جنب المهندس وهوه بيجمعه ولقاه بيقسمه سى ودى قاله لا عاوز4 بارتيشن بالامانه عجبنى انه خايف على الجهاز كانه بتاعه المهم اخدت الجهاز وقولت الحمد الله هترحم من القاعده والجلوس فى السايبر وتوفير المال فى تالت فاتحه للجهاز من غير نت طبعا لاقيت حاجات بتفتح لوحدها جريت بسرعه على صاحبى قولتله الجهاز فيه عفريت قالى استنى انا جاى معاك وبعد ماعمل تشيك قالى الجهاز متفيرس قولتله نجيبله دوا كحه ولا برد قالى نعمل سكان وبعدين ويندوز قولتله اعمل سكان وسيبلى الويندوز قالى انت تعرف حاجه قولتله يعم اسمع الكلام
اقعدت اعمل ويندوز واترجم الانجليزى اللى يظهر لغايه ماعملته والحمد لله وركبت التعريفات وشبكت كابل النت وبدات الحياه النتيه تصفحت مواقع وسطبت برامج وقريت وعرفت عن الانظمه كلها والحمايات لدرجه ولله الحمد صاحبى الخبير بقى ييجى يسالنى انت عملت دى ازاى
اقوله وبكل وضوح اللى انت مش عارف توصله دايركت اوصله اندايركت بس المهم حاول عشان توصله صاحب السايبر عرف انى بدات فى الطريق قالى تشتغل معايا تمسك السايبر ووصله النت بينى وبينكوا شغلتى كانت بتدينى احسن عشان كده رفضت وعشان تتعلم لازم تكون مع ناس اعلى ومشاكل اعلى
بدات اغيب يوم او يومين من شغلى عشان مشاكل مش لاقيلها حل والحمد لله بتنحل بعد اللف والتدوير قولت لازم اطور بقى واشوف ناس عشان استفاد ولازم فى كل طريق مطبات وليس مطب واحد المهم الشركه اللى كنت هروحها كانت عاوزه خبير عشان كده الموضوه ماكتملش
صحابى استغلوا النقطه دى احسن استغلال لدرجه انى ايام ماكنتش اقعد على جهازى بعد الشغل عند فلان بشغله النت واليوم التانى عند البيه التانى بسطبله ويندوز والتالت والرابع

قررت اخيرا انى استغنى عن الحاجه الممتعه فى حياتى بعد احباط من اصحابى لهذا الاستغلال وانى اواظب على شغلى واترك عالم المتعه والعمل عالم الكمبيوتر والنت وحاليا بفكر ابيع الجهاز خالص

طولت عليكو بس حقيقى عرب هارد وير له اكثر الاضافات عليا وان صح التعبير الاساسيات تكرموا يااهلى

**ماهر** · 19-10-2009, 09:10

هههههههه والله السطور الأخيره ده ضحكتنى
حتى يزهق من اللى الحاجه اللى بيحبها برضه علشان شوية خدمات لأصحابه وبعدين الشغل مش عيب
ماشى مره ولا مرتين خدمه وانما بعد كده بقى قولهم الشغل شغل ما فيهوش صحوبيه
ولا ايه رأيك ؟