هل تتعامل كيسة Dolphin Pro مع المشتتات الاحترافيه بدون مشاكل ؟؟ + إستفسار آخر عنها ..

[M Z]

السلام عليكم ورحمة الله وبركاته

إستفساري ياشباب بخصوص كيسة Dolphin Pro الشهيره بمصر
هل يمتلكها احد منكم ويضع بها مشتت احترافي " مروحه يعني :D " مثل زالمان او اسوس وخلافه
ولم يواجه اي مشاكل مثل تضييق او شئ من هذا القبيل ؟؟

وإستفسار آخر لمن يملكون هذه الكيس " إستفسار عجيب :D "
وما اقصده موجود في هذه الصوره الخاصه بالكيس


https://img16.imageshack.us/img16/2548/mycase.jpg

قصدي على المربع الصغير رمادي اللون الموجود في منتصف الكيس
المربع ده عباره عن ايه وايه الهدف منه و كيف استثمره
هل مثلا مكان للفلوبي ام غير ذلك " منظر وخلاص :rolleyes: "


بإنتظار الردود
وياريت بالمره لو حد عنده الكيس دي وينصحني اني بلاش اشتريها يقول بالمره :D

[Claymore]

السلام عليكم

اخى العزيز فى انتظار الاخوة من مصر اقول لك انو تفكر فى اتساع الكيس للكروت شاشة اما المشتت لا تحمل هم له

ومبروك مسبقا

[MaXiMa]

اخى الكريم ماسعر الكيسه دى لانى عايز اجيب واحده زيها ومنين اقدر اجبها وهيه معاه باور وشكرا للك وهل البور بتعها حلو

[M Z]

الكيس دي هتلاقيها اكيد بسهوله لو نزلت مكان فيه اكتر من مول
لو انت من القاهره انزل الخليفه المأمون " السخاوي وسوق العصر "

وهتلاقيها اكيد هي والعاديه مش البرو
وسعرها تقريبا يتراوح مابين 250 او اقل او ازيد انت وشطارتك واحوال السوق
وهي طبعا بتتباع من غير باور ده المفروض
بس ساعات التجار وزي مانت عارف الفهلوه المصريه
ممكن يحطلك فيها باور ماركة زغاليلي ياما من ابو ربع جنيه ويقولك تمنها 350
الشطاره بقى انك تملص منه وتقوله انا هارشك ومش هاخدها الا فاضيه من غير باور
ولو كتر معاك بضهر ايدك على طول
:D

[MaXiMa]

اخى الكريم هيه الصوره الى فوق دى مش Dolphin Pro
اصل انا شوفت فى المنصوره زيها دى بس مش غير مروحه فى الجمب وهل ماهوه شكل برو

[SnakeSon]

اخى الكريم هيه الصوره الى فوق دى مش Dolphin Pro
اصل انا شوفت فى المنصوره زيها دى بس مش غير مروحه فى الجمب وهل ماهوه شكل برو

اللي زيها من غير مروحة في الجنب دي الدولفين العادية
وسعرها يتراوح من 200 ل 220
وانا باذن الله هصور الكيسة الدولفين بتاعتي واعرضلكم الشغل اللي عامله فيها
انا جربت اكثر من 4 طرق للتبريد وترتيب المراوح داخل الكيس وهعرضلكم الطريقة الوحيدة الناجحة
من غير الشغل دة درجة حرارة الهاردة والموزر بورد وكرت الشاشة بترتفع 5 درجات عن الطبيعي

[M Z]

تسلم يازعيم

بس ماقولتلناش على الاسئله برده اللي موجوده في الموضوع ياباشا
ده احنا ماصدقنا لاقينا واحد عنده الكيسه :D

[SnakeSon]

للاسف ما جربتش مشتت احترافي
بس انا هصور الكيسة واعملك تقرير مفصل عنها وعن تبريدها بكرة باذن الله
وبالنسبة للحتة الرمادي دي قطعة بلاستيكة شفافة كمنفذ للفولبي ديسك الله يرحمه
انا عن نفسي حاطط عليها ستيكرات انتيل وجيجا بايت
بالنسبة للكيس منظرها احسن من الهيك في رايي
وتبريدها كويس وصاجها المونيوم
لكن عيبها الباور اللي بيجي معاها بيكون من ابو 40 او 50 جنيه فانت لازم تستبدله

[MaXiMa]

طيب يامان ماسعر الكيسه الى فى الصوره وهل بتجى بالبور ولا من غير وتنصحنى بكيسه نوعها فى حدود 400 جنيه

[madboy2002]

طيب يامان ماسعر الكيسه الى فى الصوره وهل بتجى بالبور ولا من غير وتنصحنى بكيسه نوعها فى حدود 400 جنيه

سع الكيسة اللى فى الصورة هى 225 جنية فى مدينة المنصورة :ah7:
وهى بتيجى بباور صبلاى 450 وات الدولفين البرو العادية مش عارلاف بتيجى بباور كام وبس الافضل تشتريها من غير باور احسن وتجيب باورلا نظيف ماركة
وانا ان شاء الله حنزل اجيب الكيسة اول ما ارجع من الاجازة على طول وهى فعلا شكلها كيسة محترمة مع اضافة المراوح ليها لتبريدها اكتر :ah38:
والافضل طبعا الجيجا بايت 3دي اويرا ودية بتعملها 650 جنية جديدة بس بتيجى من غير باور لو عرفت تجيبها مستعملة يبقى افضل ممكن تيجها على 450 او 500 وشكرا :ah7:

[MaXiMa]

سع الكيسة اللى فى الصورة هى 225 جنية فى مدينة المنصورة :ah7:
وهى بتيجى بباور صبلاى 450 وات الدولفين البرو العادية مش عارلاف بتيجى بباور كام وبس الافضل تشتريها من غير باور احسن وتجيب باورلا نظيف ماركة
وانا ان شاء الله حنزل اجيب الكيسة اول ما ارجع من الاجازة على طول وهى فعلا شكلها كيسة محترمة مع اضافة المراوح ليها لتبريدها اكتر :ah38:
والافضل طبعا الجيجا بايت 3دي اويرا ودية بتعملها 650 جنية جديدة بس بتيجى من غير باور لو عرفت تجيبها مستعملة يبقى افضل ممكن تيجها على 450 او 500 وشكرا :ah7:

انا كل يوم فى المنصوره وبروح تايجر ونيوفرجن وبرده مفيش الى فيها مروحه فى الجمب ياريت تقولى اقدر اجبها منين

[madboy2002]

انا كل يوم فى المنصوره وبروح تايجر ونيوفرجن وبرده مفيش الى فيها مروحه فى الجمب ياريت تقولى اقدر اجبها منين

انا واحد صاحبى هو اللى من المنصور ة مش انا هو قالى انه شافها عند تايجر موجودة وقالى انها ب225 اسئل وجرب تانى واسئل المحلات اللى حوليها ولو لاقيت اسئل على سعرها من غير باور وبالباور كام ولو كده ممكن حضرتك تستنانى ونجيب احنا الاتنين مع بعض انا من طنطا يعنى قريب بس حاليا فى اسوان وحرجع على يوم التلات الجاى ان شاء الله

[Mr.Sabahy]

الدولفين برو غير موجوده الأن على الأقل فى القاهره لانى بحثت كثيرا عنها

ثم اضطررت لشراء الدولفين العاديه

انصحك بالأتى

1- خدها من غير باور فى حدود 150 الى 160 جنيه وهى جيده جدا جدا بالنسبه لسعرها عن تجربه

2- هتشترى باور سبلاى محترم + مروحه 9 سم وتركبها فى الجزء الخلفى للـ Case تحت الباور سبلاى بقليل (المكان المخصص لها ستجه واضح جدا) فهى مجهزه لتركيب مراوح اضافيه

الكيسه هيكلها مميز شكلا وخامه

ارجو اكون افدتك

[madboy2002]

هى فعلا الكيسةى الدولفين برو مش موجودة فى اى حته بس موجودة فى القاهرة وانا عرفت انها ب275 جنية
وفرى كومب فى طنطا عندنا قالى ممكن اجبهالك على 300 جنية بعد مصاريف الشحن وانا سمعت من اصحاب فى المنتدى انها موجودة فى المنصورة فأن شاء الله حروح المنصورة ولو عرفت حجيبها ولاقيتها يبقى خير وبركة معرفتش حستنى لحد لما الاقى كيسة حلوة زيها كده وخلاص
وممكن تاخدوا فكرة برضة عن الكيسة الدولفين العادية دية شرح اخ فاضل ازاى تضيف كذا مروحة ليها .
https://www.arabhardware.net/forum/s...857#post892857

[M Z]

معقوله مش موجوده حتى في القاهره نفسها ؟!!!!!

طيب ياريت ياشباب لو حد يعرف هي موجوده فين يقولنا ( البرو بالتحديد )