مشكلة : خط اخضر افقى اعلى شاشة LCD نوع Philips 190CW

[Ahmed.Shreef]

السلام عليكم,

انا الشاشة بتاعتى لسة مشتريها من اسبوع من نوع philips 190CW , المشكلة ان فى خط اخضر افقى بيظهر و يختفى بسرعة فى اعلى الشاشة. المشكلة بتتحل لمة بعمل shutdown و اشغل الجهاز من جديد , لكن إذا عملت restart مش بتروح , و كذلك إذا قفلت الشاشة و شغلتها تانى , بردو مش بيروح الخط الأخضر.

انا حاولت اغير الـ resolution لقيم مختلفة لكن مكنش فى حاجة بتتغير.

الخط الأخضر دة مش بيظهر كل مرة لمة بشغل الجهاز , لكن لمة بيظهر بيكون زى مقلت , لازم اقفل الجهاز و افتحه تانى من الأول.

حاجة تانية تابعتها , الخط الأخضر دة مش بيظهر غير لمة الـ windows يعدى الجزء بتاع الـ welcome screen , اول لمة يبتدى يظهر الـ dsektop بيظهر الخط الأخضر .

دة خلانى اشك ان فى مشكلة فى الـ windows نفسه او حاجة !!!! بس انا مش برجح دة.


استفسار ثانى سريع لتجنب فتح موضوع تانى :
انا جهازى الجديد Phenom II X3 720 مع Ram حجمها 2GB × 2 , و مشغل windows XP 32bit Sp3
لمة بفتح الـ System properties , بيظهرلى ان حجم الرامات هو 2.75 جيجا
طيب راح فين بقيت الـ 4 جيجا رامات ؟؟؟

شكرا

[golden_knight]

بالنسبة للشاشة استني رأي الاعضاء

اما بالنسبة للرامات فلازم تستخدم نظام 64bit عشان نظام 32bit مبيقراش اكتر من 3 جيجا فقط

[Ahmed.Shreef]

شكرا golden_knight

و فى انتظار اى حد يكون قابلته المشكلة بتاعت الشاشة دى.

[Zhero]

قم بتحديث البايوس الخاص بالمازربورد .. نفس المشكلة بالضبط كانت عندي على مازربورد Gigabyte GA-MA780G-UD3H وقمت بتحديث البايوس وإختفت المشكلة

[Ahmed.Shreef]

شكرا Zhero , فعلا بعد تحيث البيوس اتحلت المشكلة الحمد لله