السلام عليكم ورحمة الله وبركاته
اخواني واخوات الاعزاء
مش قادر ائولكم وحشتوني جدا جدا اد ايه ونفسي ارجعلكم وبشده انا اللي محتاج ده مش انتوا
دعواتكم ليا رفعتني كتير اوي ونجتني من مصايب كتير كنت فيها
ووحشتني دعواتكم
انا الحمد لله كويس جدا و بصحه كويسة وحالي احسن من الاول بكتير
و راجعلكم بأذن الله تعالى بعد العيد
انا بعتذر عن غيابي الكبير بس ظروفي فعلا كانت سيئه صحيا وماديا ونفسيا
على فكره انا بشوف ناس كتير بتكتب اني زعلان و هجوم عليا وكده
حتى ولو حصل بس بصراحه مقرتش اي هجوم عليا خالص ومسامح كمان لو حصل
انا بتابع المنتدى يوميا كله الا موضوعاتي والسبب ممكن يوكن خوف او عدم القدره على التكملة بسسب ظروفي بس مشفتش اسائه من اي حد
وحتى لو حصلت انا مش زعلان من لعدة اسباب
اولا انا بقدم ده لوجه الله تعالى ومش مستني حاجه من حد غير دعوات صادقه بس للناس اللي بتحبيني واللي حاسيين انهم استفادوا
ثانيا انا مقدر جدا اندفاع الشباب و فعلا ضيق الوقت عندي بنسبة كبيره يخليهم يزعلوا و ينزعجوا وردرو الافعال بتتفاوت من شخص لاخر
ثالثا انا جالي شكر كتيره سواء في الايميل او في مشاركات في المنتدى و مأظنش ان رسائل الأساءة تمثل اي نسبة منها

وطبعا لو فيه نقد انا برحب به جدا لانه ده هيساعدني في اني اأدي وظيفتي بصورة افضل
ورغم اني والله بتأنى جدا في تحضير الماده بتاعتي بس لو شرحت حاجه بالغلط او حد عنده تصحيح يا ريت يفدني و يفيد زمايله به و كلنا لنا أخطاء ومحدش كبير في العلم

مطلوب منكم مجهود كبير واحنا في الايام المفترجه ديه تدعولي ارجع ومفيش حاجه تعطلني او تثبط عزيمتي
و للمرة التانية بئلكوم انا اللي محتاج اني ارجع قبلكم كلكم ومحتاج دعواتكم

أخوكم
أحمد جوده