طلب شراء كارت Geforce

[C. RoŋąŁĐo]

بسم الله الرحمن الرحيم

استفسار عن شراء بطاقة شاشة
GIGABYTE NVIDIA Force
بقوة 1جيجا بايت

وبشرط لايتعدى سعرها فى السوق المصرية عن 800 جنيه مصرى

وفى نفس الوقت تكون افضل ما نزلت الشركة حتى الان للاستخدام فى اعمال الجرافيك والالعاب عالية الجرافيكس سواء الحالية او المستقبلية بأذن الله
ارجو تحديد الموديل المناسب لهذه المواصفات

ارجو من المتخصصين افادتى وشكرا

:ah2:

[Hady Potter]

بالراحة بس علينا شوية :D

تعالي ناخذ حاجة حاجة لوحدها

اولا 800 جنيه ميجيبوش اعلي كارت من اي شركة سواء نيفديا او ati عشان نبقي متفقين علي النقطة ده من الاول

ثانيا واضح من كلامك انك بتقيس قوة الكارت بالذاكرة بتاعته وده مش صحيح ( ممكن اكون مخطئ بس حسيت ده من كلامك )

ثالثا انت قولت كارت جيفورس يعني من شركة نيفديا هل ده قرار نهائي بالنسبة لك

بمعني ما هي الاسباب لهذا الاختيار وهل عندك مانع تجيب الكارت الي يريحك ولا لازم جيفورس

رابعا ارجو منك وضع مواصفات جهازك ولا تنسي الباور سبلاي ونوعه

خامسا ما هي اقصي ميزانية لك لشراء الكارت هل 800 اقصي شئ ولا ممكن تزيد شوية

جاوب علي الاسئلة الي فاتت ده عشان نكمل :D

[C. RoŋąŁĐo]

ياهادى باشا
انا ميهمنيش اعلى كارت شاشة فى السوق
انا يهمنى اللى يريحنى فى شغلى واستخداماتى للالعاب والجرافيك
حتى لو عدا ال 800 مش مهم بس المهم انه يحقق كل استخداماتى الحالية والمستقبلية باذن الله

بالنسبة لنوع الجى فورس انا اخترته بناء طبعا على الاسئلة اللى بحاول اعرفها من زمايلى فى الشغل او اصحابى
وانا بصراحة ليا تجربة مش حلوة مع كارت Ati Radeon 9200 SE وكان تاعبنى وكان قارفنى فى تعريفته ولما كنت بعرفة اللوان الشاشة بتعمل ابهار عالى اوى وبتعمل مشاكل كمان فى فتح بعض الالعاب

عشان كده كان اتجاهى المرة دى ناحية الجى فورس لعلها تكون احسن فى الاستخدام فى عالم الالعاب ثلاثى اللعاب والشيدر العالى ده

قوة الكارت فعلا انا قريت الموضوع الخاص بشرح مفاهيم كروت الفيجا وعرفت ان فى
اساسيات ومفاهيم كتيرة بتحدد قوة الكارت بجانب الذاكرة بتاعته بس مننكرش ان الذاكرة بتلعب دور كبير جدا فى كفائة الكارت عشان كده كان تحديدى بذاكرة 1 جيجا ولانها المتداولة حاليا ومعقولة فى السعر

بص بالنسبة لامكانيات الجهاز انا حاليا بجمع جزء جزء
بس الحاجات اللى استقريت عليها لحد ما

الشاشة LG LCD WIDESCREEN (W2261V-PF) 21.5" 16:9
https://www.lge.com/products/model/detail/W2261V-PF.jhtml

او SAMSUNG P2370
https://www.samsung.com/us/consumer/office/monitors/premium/LS23EFHKFV/ZA/index.idx?pagetype=prd_detail

اللوحة الام GIGABYTE GA-EP43-DS3L
https://ae.giga-byte.com/Products/Motherboard/Products_Overview.aspx?ProductID=2848

رامات (2*2 GB )
KINGSTON DDR2 BUS 1066MHZ

CPU INTEL CORE 2 DUO E7500 2.93 GHZ/3MB CACH/1066 BUS

الباور HEC 600 W وممكن ازوده حسب الفيجا واحتيجات الجهاز

الكيسة ANTEC

استخداماتى زى ماقولت اللعاب ثلاثية الابعاد والشيدر طبعا والجرافيك الفوتوشوب مثلا وبرامج معالجة الفيديوهات كا برامج اليو ليد فيديو استديو

يهمنى طبعا فى الكارتة تكون بتدعم خاصية الشيدر لان معظم الالعاب بتعتمد عليها اعتماد كلى فى التجسيم ويهمنى برده انها تقدر تشتغل بكفائة فى حالة استخدامى لويندوز 7 برده لان ده وارد جدا

اتمنى ياهادى انى اكون قدرت اوضح الموضوع بقدر كافى وانا حابب انى اعرف النقاط دى والاستفسارات دى من منتدى كبير ومتخصص زى عرب هاردوير على ان اتوه بين البائعين واسواق الكومبيوتر والاخطاء الشائعة وتجنبها

ارجو الافادة واتمنى ان مكنش عضو تقيل باستفسارتى دى عليكوا

مع شكرى واحترامى لكل اعضاء ومتخصصى المنتدى الكرام

[HD5870X2]

الشاشات دي الريزوليوشن فيها عالي

ولازم معها كارت شاشة عالي

مش هينفع أقل من ATI HD4870 ب 1050 جنيه من Powercolor

كارت 9200SE مكانش قد كده وطبعاً زي ما انت فاكر كان كارت رخيص (والموازي له من إنفيديا كان زيه)

[DoCToR.TaHeR]

معلش لو سمحت هي الشاشه LG اللي انت عايزها دي موجوده عندنا في اسكندريه او حتي في مصر؟؟

[SNAKE180592]

أنا شايف أنك لازم تغير المعالج لأنه مش ح يبقى كويس خصوصا مع الشاشة الكبيرة دي يعني تجيب Q9550 مثلا. و الأفضل لك في كرت الشاشة أنك تنتظر كروت DX11 و تشتري منها حاجة كويسة على حسب الميزانية يعني HD5850 و لو الميزانية مش ح تكفي تشتري HD5770.
و على العموم شوف أراء بقية الأعضاء.

[Hady Potter]

الشاشات دي الريزوليوشن فيها عالي

ولازم معها كارت شاشة عالي

مش هينفع أقل من ATI HD4870 ب 1050 جنيه من Powercolor

كارت 9200SE مكانش قد كده وطبعاً زي ما انت فاكر كان كارت رخيص (والموازي له من إنفيديا كان زيه)

صحيح

وايضا حاول تنسي ati زمان خلينا في دلوقتي

بص انته لو مش حتقدر تصبر نزول الكروت الجديدة وانتشارها يبقي هات زي مقالك مينا باشا 4870

بس بصراحة انا لو مكانك وعاوز حاجة تشغلني لقدام حنتظر

ومش شرط اجيب كارت هاي اند ممكن اجي كارت متوسط زي 5770 بس حيبقي فيه تقنيات جديدة وبنفس الوقت قوته عالية واعتقد ذاكرته 1 جيجا وسعره سيكون بنفس سعر 4870 يعني في حدود 1000 جنيه والباور الي عندك يكفيه ويزيد

انا بقول كده عشان شايف اهتمامك قوي بالالعاب وعاوز حاجة تعيش معاك فترة

وبرده انا لو مكانك ومستعجل اوي علي كارت دلوقتي

حجيب كارت مؤقت اشتغل بيه ميكونش غالي لحد مشتري واحد من الكروت الجديدة كمان 3 او 4 اشهر

حجيب مثلا 4670 ال 1 جيجا حيقضي الغرض كويس جدا خلال الاربع اشهر ويشتغل برده بعديها بس مش علي التقنيات الجديدة وسعره من 500 الي 600 جنيه حسب الشركة

امامك عدة خيارات والي يناسبك اختاره وحتطلع كسبان في كل الاحوال بس من وجهة نظري الترتيب الافضل للخيارت كالتالي والذي يحقق افضل اداء مع اكثر توفير للاموال

1-الانتظار حوالي شهرين والحصول علي كارت جديد ديركت اكس 11 ايا كان ( حسب الميزانية وقتها )

2-شراء كارت مؤقت يؤدي الغرض حتي الحصول علي كارت جديد في وقت استقرار الاسعار

3- الحصول علي كارت 4870 علي الاقل ( لمواخذة يا مينا باشا :p )

[Marine]

اتفق مع عبد الهادي

[miro the king]

صح كدة او يستنى شهرين ويكون الاسعار رخصت فيجيب الى هو عوزة

[mostafa ghali]

السلام عليكم ورحمة الله وبركاته

ممكن يا باشا تجيب كرت نفيديا 9600 gt ديركت اكس 10 بس كرت ممتاز أوي

أو ممكن تجيب حاليا 9500 gt كتصبيرة لان أداءه مرضي جداً جداً عن تجربة وسعره 400 جنيه فقط


اما ال ati فانا معرفش أي حاجة عنها للاسف

:ah2:

[dune2000]

كارت الجيجابيت geforce 9800gt بالسعر دة وهو واحد جيجا

[S@M]

لو انت بتحب الجيفورس ...........ممكن تجيب 9800 GT جيجا بايت ............او تزود 150 تجيب GTS 250 جيجا او XFX ......:cool:

ولو انت بتحب ال ATI ممكن تشترى 4770 ......ودة تمنة حوالى 750 ..............:cool:

وطبعا سواء جبت NVIDIA & ATI لاازم بور كوس عشان الكروت تقدر تشتغل بكفائة تامة ......

[HossaM_ScorpioN1989]

لو انت بتحب الجيفورس ...........ممكن تجيب 9800 GT جيجا بايت ............او تزود 150 تجيب GTS 250 جيجا او XFX ......:cool:

ولو انت بتحب ال ATI ممكن تشترى 4770 ......ودة تمنة حوالى 750 ..............:cool:

وطبعا سواء جبت NVIDIA & ATI لاازم بور كوس عشان الكروت تقدر تشتغل بكفائة تامة ......

يا سلام عليك يا S@M وعلى ردودك الجامدة
أنا معاك في الراي ده بس هازود حاجة صغيرة
يارييت تستنى كروت الDX11 هتبقى جامدة قوي وشغلها معاك هيبقى أكتر من رائع أو تجيب HD4870 زي ما أخ مينا قال وزي ما أنا هاعمل بعد العيد إن شاء الله وهاجيبه :D:D:D:D:D:D:D

[HD5870X2]

يا جماعة

الشاشات اللي بيقول عليها الريزوليوشن بتاعها 1920x1080

وعلشان يلاقي كارت شاشة يديله أدا كويس مع الريزوليوشن العالي ده مش المفروض يقل عن HD4870 1GB أو GTX260 896MB

ازاي يعني تنصحوه ب 9800GT أو حتى HD4770 الأقوى من ال 9800GT ب 20% ومع ذلك لا ده ولا ده هينفع مع الشاشات دي

[S@M]

يا سلام عليك يا S@M وعلى ردودك الجامدة

مشكور عزيزى على الآطراء ..............وانا اؤيد انة يستنى ومايشتريش دلوقتى ...........:cool: