نقص في سرعة الدي اس ال ارجو المساعدة

**wolf000** · 16-09-2009, 20:42

السلام عليكم

اخوتي ارجو منكم افادتي في هذه المشكلة
لدي اشتراك دي اس ال بسرعة 1 ميجا ولايوجد معي اي شركاء على الخط
لاحظت انني عندما اقوم بالتحميل من على عدة مواقع وليكن اكثرها شيوعا وهو الرابيد شير بأن السرعة لا تزيد عن 60 كيلو
ولكن عندما اقوم بتحميل ملفين معا في نفس الوقت يكون السرعة في كل منهما حوالي 30 او اكثر

ولكن ايضا عندما اقوم بالتحميل عن طريق التورنت وبجانب ذلك تحميل مباشر من رابيدشير مثلا فوجدت السرعة في التحميل المباشر حوالي 40 او اكثر وسرعة التحميل على التورنت وصلت حوالي 80 كيلو وعندما توقف التحميل المباشر عادت السرعة في التورنت تتراوح بين 90- 102 كيلو
اعلم ان مواقع التحميل المباشر تحدد السرعة ولكني كنت اقوم بالتحميل من منزل احد اقاربي من موقع الرابيدشير وكانت السرعة تصل الى 80 او اكثر

المشكلة اني مش عايز احمل بالداونلود مانجر او اي برامج تحميل لانها مش شغالة على كل المواقع والمفروض انها بتزود السرعة بس مش زيادة عن الحد الطبيعي يعني لو انا 1 ميجا يبقى الداونلود عندي اقصى حاجة 120 كيلو فانا عايز بس اعرف السرعة بتاعتي
وانا دلوقتي حالا بنزل ملفين فنفس الوقت واحد من الرابيد شير والسرعة 33 كيلو والتاني تورنت والسرعة 80 كيلو
انا اعرف ان التنزيل المباشر اسرع من التورنت
بالله عليكم ساعدوني وقولولي علشان مش عايز اظلم الشركة ولو كلمتهم تاني وقلتلهم الكلام دة فطبيعي جدا انه هيرد عليا ويقول " شفت اهو السرعة بتاعتك في التورنت واضحة واحنا مفيش عندنا اي مشاكل"
ليه لما بحمل ملف لوحده السرعة مابتزيدش عن 60 ولما بحمل ملفين او اكتر مع بعض واجمع سرعاتهم او احمل ملف تورنت بلاقي السرعة الطبيعية بتاعة الواحد ميجا
مش فااااااااااااااااااااهم حاجة وهتجنن

فما معنى ذلك
اخاف ان اتصل بالشركة المزودة واكون ظالمهم وهما موفرنلي السرعة المطلوبة

ياريت تفيدوني وشكرا

**mora_93** · 16-09-2009, 22:36

try contact with your internet service provider

**Max-S** · 17-09-2009, 04:18

وعليكم السلام

جرب تقيس السرعة عن طريق هذا الموقع أولاً:

https://www.speedtest.net/

**he2010she** · 17-09-2009, 07:09

بص قبل اى حاجة ادخل وحاول تنزل لعبة من على سيرفر الياهو

لعبة تجريبية وشوف السرعة كام وياريت تسطب ال IDM

قليل من المواقع اللى مش بيقبل بيه ودى مش مشكلة تخليك مش تسطبه حرام تحرم نفسك من مزايا هذا البرنامج الرهيب كفاية استكمال التحميل والجدولة وخلافه

المهم
شوف وقتها السرعة كام لان السيرفر ده شديد وهيقولك سرعتك كام

و بعدين شوف ليكون الروتر بتاعك لاسلكى وحد سارق منك النت

اخيراا

اسهلك تتصل بالشركة الدعم الفنى وهو هيقولك كل الاحتمالات اللى تؤدى لحاجة زى كده وشوف وامشى معاه واحددة واحدة

لان ممكن يكون فى خطء فى التوصيلات

سلكة طويلة ( سلكة التليفون مثلا ما بين ال splitter و الروتر ) او روتر او سويتش بيخرف او فى اى سلوك ماشية مع سلك التليفون مأثرة عليه سلك كهربا او ضغط عالى جنبه

موووال فامشى معاه وربنا يفيدك

**wolf000** · 17-09-2009, 09:55

شكرا على مساعدتكم جميعا
بالنسبة لموقع الياهو فانا حملت منه دلوقتي الصبح يعني لا وقت ذروة ولا حاجة والسرعة كالعادة من 49 - 51 يعني زي اي موقع تاني السرعة العادية مابتزيدش فيهم في التحميل المباشر بس عن 62 كيلو
لكن التورنت فقط هو اللي بيديني سرعتي 102 كيلو علشان كدة مش فاهم اشمعنى الروابط المباشرة بس ومن كل المواقع لان مفيش رابط مباشر زادت السرعة فيه عن 62 كيلو على العكس في التورنت

اما بالنسبة للراوتر فهو usb speedtouch 330 يعني لا وايرلس ولا في حد معايا ولا في حد يقدر يسرقني اصلا

اما اني اكلم الشركة فطبعا مش هيقولولي في حاجة عندنا دة لو فيه حاجة عندهم وزمان لما كنت فشركة لينك دوت زفت واكلمهم على السرعة كان الرد واحد وثابت ( netstat -n ) بص ...كل دة فايروسات...كاننا مابنفهمش حاجة

بالنسبة لقياس السرعة من الموقع فالنتيجة في الصورة

المشكلة انا مش فاهم ليه الرابط المباشرة بس مابتزيدش السرعة عن 62 لكن التورنت بتوصل فوق المية ماهي لو كانت الشركة بتسرقني يبقى ازاي التورنت بيوصل للسرعة دي هو دة اللي عايز افهمه قبل ما تصرف مع الشركة