استفسار بخصوص كورس ccna برايفت

**hamboz** · 18-09-2009, 03:35

السلام عليكم ورحمة الله وبركاته
نويت ان شاء الله اني اخد كورس ccna ويوجد اكتر من مهندس يعطي الكورس برايفت (يعني انا لوحدي ) في مصر
كنت عايز بس استفسر عن سعر الكورس ال ccna لما يكون برايفت يبقى بكام ولو كان معايا واحد او اتين هيفرق السعر ولا لأ أرجوكم يا اخوة ردو عليا بسرعة عشان انا قريب هتفق مع احد المهندسين ومش عايز اتفق الا وانا عارف الرينج بتاع الاسعار وشكرا

**warior10** · 18-09-2009, 19:53

ذاكر لوحدك احسن
الا لو كان عندك مشكلة فى القراءة ساعتها ممكن تجيب حد يشرحلك
انما لو بتعرف تقرا انجليزي فانت مش محتاج حد

**ellassy** · 18-09-2009, 21:32

الدورس والشروحات اللى فى المنتدى تكفى انك تحصل على الشهادة بمفردك
ولو فى حاجة وقفت معاك الاخوة فى المنتدى هيساعدوك

**dooby__** · 18-09-2009, 21:33

الله يوفقك
الصراحة انا ماعنديش فكرة بالظبت , بس اكيد تعتمد على المدرس (انا اعرف شباب بيدرسو لوجه الله , وفي ناس بتاخد مبالغ رمزية لانهم شغالين في شركات و دي عبارة عن تسلية ليهم, وفي ناس بتعيش بس على الدخل ده فحياخد اكتر, ومؤلاكش على الطماعين حيكسروا ظهرك).
فانت و اتفاقك مع المهندس

وكويس انو البداية تكون بمساعدة من مهندس او مدرس . لان الواحد في البداية مرات بيدي الحاجة اكتر من قيمتها ومشعارف يبدأ بئية ويعمل ايه.
زي حالاتي اول ما بدئت الCCNA لوحدي, كنت لايص وبزلت مجهود كبير .
و لما دخلت معهد في شهر واحد كنت فهمتها 100 100 .

بس بعد كده ما تكسلش لازم تزاكر من الكتاب زي ما زكر الاخ الكريم warior10 لان ما فيش مدرس يقدر يشرح المنهج 100 بال 100
لازم تتم النقص من الكتاب و التدريب العملي.

**hamboz** · 19-09-2009, 03:13

ألف شكر للإخوة اللي ردو على رسالتي:ah4: بس لسا محدش قالي اللي انا عايزه ياريت حتى لو محدش يعرف بالضبط يديني رينج

**ermac2014** · 20-09-2009, 00:53

موضوع مميز شكرا جزيلا على الطرح الجميل

**moataz1983** · 20-09-2009, 01:53

لو مدرس ابن حلال مش هيضرب في العالي ممكن 500 جنيه - والكورس ممكن يتلم على عشرين محاضرة نظري كل محاضرة ساعتين مثلا -
انما لو زي بتوع دروس الثانوي هيحسبلك المرة بي 50 جنيه يعني ممكن تعدي الالف ولو عدت الالف روح خدها في يات ولا كمبيو مي او المركز الثقافي أفضل لان هيكون معاها عملي والله الموفق
دا رأي ممكن يكون السعر عالى او مبالغ فية او المبلغ زهيد جدا بس فعلا لو زكرتها مع نفسك هتوفر كتييييييييير
ربنا معاك