قمت بحمد الله من يوم بشراء مشتت OCZ Vendetta 2 ومعجون OCZ Freez
وقمت بتقليل فولت المعالج ألى 1.0 والحمد لله يعمل بلا مشاكل

ودرجة الحراره حاليا مابين 43 و 45 في الخمول في غرفه لا يوجد بها تكييف وفي كيسه سيتو 1000
وبعد الضغط خمس دقائق فقط ببرنامج برايم تصل الحراره الى 55


لكن فيه حاجه مهمه جدا وخطيره جدا ومحتاج رأي الجميع فيها ياشباب
وهي درجة الحراره لما اقراها من البايوس

دلوقتي حالا درجة الحراره في برنامج كور تيمب وبرنامج HWMonitor بتساوي 45 درجه
اقوم عامل ريستارت بسرعه وادخل على البايوس علشان اقراها الاقيها 33 درجه !!!

وكررت العمليه اكتر من مره
اقراها من البايوس الاقيها مثلا 33 ادخل على الويندوز بسرعه واشغل البرامج بسرعه
الاقيها 44 واللود على البروسيسور حوالي 4 او 5 % فقط !!

ازاي فرق اكتر من 10 درحات بين البايوس وبين الويندوز هاتجنن .. ولا ده طبيعي ؟؟
ولا مثلا الفتره الصغيره جدا اللي بيحمل فيها الويندوز دي بتفرق 10 درجات بحالهم !!
حاجه غريبه جدا بجد محتاجه تدخل جراحي عاجل .. اقصد تدخل الخبراء
واللي مجنني ان برنامج كور تيمب وبرنامج HWMonitor الاتنين قاريين زي بعض بالظبط
وبرنامج HWMonitor قاري سرعة المروحه صح يعني بيوحيلي اكتر ان القراءه فيهم صح

بس لو القراءه فيهم صح ليه الفرق الرهيب ده مابين البايوس وبين البرامج
ولا تحميل الويندوز بس بيخلي الفارق 10 درجات ؟؟

ولا يمكن البايوس بيقرا الحراره للاربع انويه وبعدين يقسم على 4 علشان يطلع المتوسط
ومفروض ان 33 ده هو المتوسط مثلا ؟؟
بس استحاله .. حرارة الاربع انويه من البرنامج مقسوم على عددهم = 42 درجه
يعني نظرية ان ده يكون المتوسط برده غير وارده

دماغي هاتنفجر :o.. حد يقولي ايه الحكايه
مع العلم اني عامل اخر تحديث للبايوس للبورده .. يعني مفروض كل شئ يكون تمام