أزيكم يا شباب ... عاملين أية ...
أمبارح كان أول يوم في عيد الفطر المبارك و طبعا كل سنة و انتم طيبين ...
أمبارح نزلت صليت صلاة العيد و بعد ذلك قررنا السفر الي الأسكندرية لقضاء 3 أيام العيد ....
و سافرنا الساعة الثامنة صباحا ...
و نحن علي كوبري 6 أكتور أذا بعساكر و رتب كبيرة و لوائات
و علي طريق مصر - أسكندرية الصحراوي ..
تفاجأنا ب 5 عربيات TOYOTA CAMRY تبع الشرطة و يليهم 3 عربيات 4X4 من KIA و لكن لا أتذكر نوع السيارة و كل السيارات أحدث موديل 2009 و يليهم مباشرا سْيارة JEEP GRAND CHEROKEE و بعد ذلك 4 موتسيكلات من الشرطة و الموتسيكل الواحد 8 سيليندر ! و يليهم سيارة مرسيدس S350 و يليها موتسيكلين من نفس النوع و 5 سيارات Toyota Camry و سيارة Jeep Cherokee
و علي جوانب في الطريق هناك ظباط و عساكر و سيارات شرطة واقفة .
فتسألت ... هل Obama في مصر مجددا و رايح يعيد في أسكندرية ؟
و عندما مر هذا الموكب ... وقفنا في بنزينة أمارات مصر علي الطريق لمليء بنزين و نشتري حاجات خفيفة لنأكلها علي الطريق
و بعد ذلك رحلنا و دخلنا علي البوابة ... و أذا بكمية العربيات العادية بتاعت شعبنا العزيز و الناس عاماها تزمر !! طيب .. في أية يا أخوانا .... أصل البوابة مقفولة .... طيب لية ؟! عشان في موكب مهم بيعدي .. و ممنوع الخروج من السيارة .. !!
فضلنا كدة ربع ساعة و البوابة مقفولة و الناس مش عافها تعدي ... ( طبعا عشان البية يوصل بسرعة )
و بعد ذلك مشينا في الطريق الي الأسكندرية و أتجهنا الي مول San Stefino لنمكث فية 3 أيام العيد .
و عندم وصلنا تفاجأنا بعدد بشع من ضباط الشرطة و اللوائات
و كان في المطلع بتاع San Stefino بعض سيارات الموكب الذي كان مار من جنبنا ...
و كان عليهم زيادة سيارة Chrysler لونها رمادي و ورائها سيارة مرسيدس و من أمامها موتسكلين تبع الشرطة .
و عندما دخلنا المبني ... سألنا في ال Reciption لمن كل هذة الضجة ...
فكان الرد : د/ أحمد نظيف جاي شقتة هنا ....
طيب و كل الموكب و الحراسة دي علشانة ؟
أيوة يا فندم ....
( بقي كل الهيصة دي ... عشانة هو ....... أما لما الريس ييجي هيضربوا الناس بالنار ؟ )
المهم ...طلعنا علي غرفتنا ....
و بعدين أنا نسيت شيء في السيارة ...
فنزلت عشان أجيبة ....
و أنا ماشي ... أبص يمين ... الاقي شرطة .. أبص شمال الاقي ناس لبسة بدل ...
بعدين و أنا بطلع من الباب .. قالولي لو سمحت روح أعد علي الكنبة اللي هناك 5 دقائق .. قلتلهم لية .. قالولي عشان بس د/ أحمد نظيف هيمشي ....
قلت أمري الي الله ...
و أنا قاعد علي الكنبة ....
لقيت مرة واحدة د/ أحمد كلين .... أقصد نظيف ... قدامي و لابس مايو شورت و نظارة شمس و معاة بنتة و 5 حراس .
و بعد كدة لقيتة هو ركب السيارة ال Chrysler في مقعد السائق و أبنتة ركبت في الوراء و بجانبة ركب حارس
و رحل و معة الموتسيكلين و السيارة المرسيدس ...
أكيد الباشا رايح يبلبط شوية علي البحر ....
( أنا خفت و هو معدي من قدامي مباشرة أتضرب بالنار :D:D )
و خلصت الحكاية ....
___________________________________
تخيلوا يا جماعة لما يكون كل وزير أو كل محافظ أو أي منصب مهم في البلد يتعملوا المهرجان دة ... يبقي بيتصرف أد أية .... ؟
و منين ؟
و الفلوس دي من مين ؟
هل من مرتبة الحكومي ؟
أم من .... ؟
أغلي و أحدث سيارات لة و لموكبة ......
ال Toyota Camry تباع في مصر ب 600 ألف جنية .. ( بس طبعا الشرطة مبتتفعش ضرائب و جمارك علي السيارات فتصبح ثمنها 75 ألف جنية ) أيوة يا جماعة والله ... و العربية بالضرايب تبقي 100 ألف جنية ... تخيلوا 600% ضرائب !!
و الموتسيكل الشرطي ال 8 سيليندر يخش في 80-100 ألف جنية
...
فوق كل دة كميات البنزين اللي الموكب الواحد محتاجة ......
حسبي الله و نعم الوكيل ....
فعلا ... أد أية أحنا طلعنا غلابة .......
المفضلات