وعليكم السلام ورحمة الله وبركاته
أعتقد أن أعلى تقييم لقرص صلب في ويندوز 7 هو 5.9
الأفضل أن تقوم باختبار القرص باستخدام برنامج HD Tune وقارن النتيجة بباقي الأقراص في هذا الموضوع
أخوانى الكرام أنا عندى هارديسك ويسترن 1 تيرا بلاك 64 وعند تقييم ويندوز سفن لة أعطى قيمة منخفضة عن المتوقع بالنسبة للنوعية الهارد فهل هذا سببة نوعية الهارد سيئة أم تقسيمة ليس على مايرام أم عدم تعريف الساتا بالنسبة للتعريفات اللوحة الأم لأنى لم اقم بتعريف هذا التعريف الخاص بالساتا
Gigabyte SATA and RAID Driver
صورة للتوضيح
وشكراً لكم جميعاً أخوانى الكرام
أيمن محمود المصرى
وعليكم السلام ورحمة الله وبركاته
أعتقد أن أعلى تقييم لقرص صلب في ويندوز 7 هو 5.9
الأفضل أن تقوم باختبار القرص باستخدام برنامج HD Tune وقارن النتيجة بباقي الأقراص في هذا الموضوع
المشاركة الأصلية كتبت بواسطة tarekforall
أشكرك أخى الكريم على المتابعة
يعنى تنصيب تعريف الساتا مش هو المشكلة
طب التقييم دلوقتى للجهاز ككل 5.9 وأنا أعتقد بأن التقيين دة أقل من مكونات جهازى
رد: لماذا تقييم هذا الهارد ضعيفة بالرغم من كونة نوعية ممتازة
فعلا أعلى تقييم لقرص صلب HDD هو 5.9
و بالتالي التقييم طبيعي جدا بالنسبة للهارد لديك
و نظام تقييم الويندوز يعطي تقييم إجمالي للجهاز مماثل لتقييم أضعف قطعة به
مثلا لو حضرتك شغال بـ 1 جيجا رامات فقط , تقييم الويندوز للرامات هيبقى في حدود 4.5 و كذلك تقييم الجهاز ككل بغض النظر عن باقي المكونات
لو حضرتك حابب إنك تزود تقييم الجهاز فليس أمامك حل سوى هارد سوليد ستيت SSD
موجود منه 64 جيجا بسعر 800 جنيه تقريبا
الطريقة الوحيدة لتخطى 5.9 هى Raid 0 أو SSD
جنت على نفسها براقش ...
شكراً أخى الكريم مروراً على الموضوع
طب تقييم الويندوز للباقى المكونات مظبوط والتقييم دة بالنسبة للمكونات جهازى جهاز كويس ولا ضعيف
رد: لماذا تقييم هذا الهارد ضعيفة بالرغم من كونة نوعية ممتازة
التقييم لباقي مكونات الجهاز سليم و في الحدود الطبيعية
لكن لو تأخد بنصيحتي , حضرتك محتاج كارت شاشة أقوى لو حضرتك بتلعب ألعاب حديثة زي Crysis و Far Cry 2 و Black Ops
لكن لو مش مهتم بالألعاب يبقى كده الجهاز بتاعك تمام التمام
:ah7:
أخى الكريم Dominator GT الف الف شكر على المتابعة بارك الله فيك
بصراحة أنا بحى ذكائك ماشاء الله عليك
بالنسبة للكارت الشاشة فعلاً أنا عارف أنة أقل من مكونات الجهاز
لكنى بالفعل مش من هواة الألعاب قوى يعنى الألعاب متوسطة الحال
شكراُ للتواصلك البناء
أخوك الصغير
أيمن محمود المصرى
أنا عملت تقييم ببرنامج HD Tune 4.01 PRO
وأعطانى على الهاردين 1 تيرا و 320 جيجا صور كالتالى بالتوالى هل النتيجة دية كويسة
رد: لماذا تقييم هذا الهارد ضعيفة بالرغم من كونة نوعية ممتازة
لا شكر على واجب يا أيمن
إحنا كلنا هنا في خدمة باقي الأعضاء
بالنسبة لأداء الهاردين , فهو طبيعي لكليهما و لكن السرعه الإندفاعية ( Burst ) للهارد البلاك قليلة نوعا كذلك سرعه القراءه منه متذبذبه
( ربما لكونه الهارد الموجود عليه الويندوز ) او لوجود برامج تستهلك أداء الهارد كبرامج مقاومة الفيروسات مثلا
لكن لا شيء يدعو للقلق , كله تمام
أخى الكريم ŤǾЯŊΛĐф شكراً مرورك بارك الله فيك
--------------------------------------------------------------
لا شكر على واجب يا أيمن
إحنا كلنا هنا في خدمة باقي الأعضاء
بالنسبة لأداء الهاردين , فهو طبيعي لكليهما و لكن السرعه الإندفاعية ( Burst ) للهارد البلاك قليلة نوعا كذلك سرعه القراءه منه متذبذبه
( ربما لكونه الهارد الموجود عليه الويندوز ) او لوجود برامج تستهلك أداء الهارد كبرامج مقاومة الفيروسات مثلا
لكن لا شيء يدعو للقلق , كله تمام
أخى الكريم Dominator GT من يقدم النصيحة أو المعلومة بالطبع يتم شكرة والدعاء لة من باب الفضل
بالنسبة للهارد البلاك فعلاً كل الأسباب موجودة كما قلت يعنى فعلاً علية الويندوز وكان شغال الكاسبر 2011 وأيضاً كنت مشغل صفحات الأنترنت وفاتح عدة برتيشنات فى نفس الوقت وأخد بالى من كل دة بعد البدء فى الأحتبار على الهارد
عموماً ساجرب من تانى بدون التحميل دة كلة
ولكن لى سؤال هل تعريف الساتا الخاص بأسطوانة اللوحة الأم مهم مع ويندوز سفن
رد: لماذا تقييم هذا الهارد ضعيفة بالرغم من كونة نوعية ممتازة
تمام و شكرا لذوقك
لو إنت شغال بويندوز 7 ( غالبا ) و مفعل خاصية AHCI من البيوس يبقى لازم تسطب التعريف لكن أنصحك بتنزيل آخر نسخة من التعريف من موقع المازربورد
لكن لو من البيوس إنت شغال IDE يبقى ما ينفعش تسطب التعريف من الأصل
على فكرة انا لاحظت ان درجات الحرارة للهارد عالية على ما اعتقد
ان تنصروا الله ينصركم ويثبت أقدامكم
أنا بصراحة معرفش الدرجة المثالية للهارد منتظرين باقى الأخوة للوقوف على هذة المعلومة للأيضاح
عموماً الف الف شكر لك علىهذة الملاحظة ونشوف أحد من عمالقة الهارد وير للتوضيح هذة النقطة
شكراً جزيلاً
رد: لماذا تقييم هذا الهارد ضعيفة بالرغم من كونة نوعية ممتازة
على حسب معلوماتي ,
المفترض إن درجة حرارة الهارد لا تتجاوز 50 مئويه
لو متاح إمكانية تركيب مروحة 12 سم أمام الهارد هتفرق كتير - بإذن الله - في درجات الحرارة
ضوابط المشاركة
المفضلات