طلب مساعدة ضروري جدا

[Mohammed Hamed]

السلام عليكم و رحمة الله و بركاته
كل عام و أنتم بخير أعضاء منتدانا الغالي و عيد سعيد عليكم ان شاء الله ... أما بعد
مشكلتي هي ان جهازي كان قديم شوية و لم أحدثه منذ فترة طويلة و لسوء الحظ ان المذربورد لم تعد تعمل فاضطريت اني أمشي حالي بشراء كيسه مكونه من أضعف المكونات الموجودة في السوق بمبلغ 700 ج لل case و Mobo و cpu و ram
لم أقم بشراء اي شيء آخر غير ال 4 المذكورين بالاعلى بمبلغ 700ج و قمت أيضا بعمل تقرير باستخدام Everest Ultimate و أريد منكم المساعدة في الآتي ...
1. معرفة سرعة الرام هل هي 800 أم 667 لأن البائع قال 800 و أنا أعتقد أنها 667
2. هل تعتقدوا ان ما دفعته في هذه ال case و هو 700ج مبلغ مبالغ فيه أم يستحق فعلا هذا المبلغ مع العلم أنني دفعت له 500 و باقي 200ج

أنا رفعتلكم التقرير هنا ...
https://www.mediafire.com/?sharekey=...4e75f6e8ebb871

معذرة على الاطالة و جزاكم الله كل خير.

[Ёŋģ. Ḿ σ ś Ť ά ƒ ά]

هذا يتـوقف علي المكونــات التي قمت بشــرائها ,,
فبــرجــاء ذكــرها بالكامل
و يفضــل ان تعطينـا صـور من الايفرســت

و من راي انه كنت تقدر تزود 300 جنيــه كمان و تـاخد حاجه جديــده جدا و معاها الضمـــــــان بتاعها افضـل من المستعمــل اكيــد !!
عموما قدر الله و ما شاء فعل

منتظرين المكونـات

[Mohammed Hamed]

التقرير على هذا الرابط
https://www.mediafire.com/?sharekey=...4e75f6e8ebb871

[Mohammed Hamed]

رجاء يا جماعة ... قولوا لي هل سرعة الرام 667 أو 800 ؟

[Marine]

بص المزر حاليا سعرها 290 جنيه والبروسيسور 160 جنيه كدا 450 الرامات علي ما اظن (مش متأكد) باس 667 دي المفروض مش

موجودة كدا قول سعرها 120 جنيه كدا قول 570 جنيه الكيسة نوعها حتي لو اي كلام فاظن لم يظلمك القطع عموما برايي

مش قد كدا بس مقبولة

[Mohammed Hamed]

لكن يا مارين لو بصيت في التقرير هتلاقي مكتوب
DIMM1: RM1GB383CA-53EC1 1 GB DDR2-667 DDR2 SDRAM (5-5-5-15 @ 333 MHz) (4-4-4-12 @ 266 MHz) (3-3-3-9 @ 200 MHz)
أنا دلوقتي قدامي رقمين
1. ال 667 المكتوبة في الأول و
2. مجموع الأرقام 333 + 266 + 200 = 799 يعني تقريبا 800
أنا مش عارف اذا كانت 667 ولا 800

[Mohammed Hamed]

طب شوف مكتوب ايه كمان في التقرير
Memory Device Properties:


Form Factor DIMM


Size 1024 MB


Speed 667 MHz


Total Width 64-bit


Data Width 64-bit


Device Locator A0


Bank Locator Bank0/1

أنا نسيت أذكر الاسعار اللي باع لي الجهاز بيها. الصراحة أنا مش فاكر منها غير المذر ب 295 و الرام ب75 لأنه رد عليا لما سألته قبل م أشتري الرام و بقوله البص بتاعها كام رد و قال 800 بس انا اتفاجأت لما شوفت الافرست.
و كلامك فعلا صح بخصوص الرام اللي سرعتها 667 لأني سألت عنها في السوق و هي مش موجودة أصلا.

[Marine]

سؤال انت اشتريت كام جيجا رامات وايه نوع الكيسة اللي اشتريتها؟؟؟

[Mohammed Hamed]

رامه واحدة و الكيسه بالبور تقريبا ب 120 بس هو قال البروسيسور ثمنه اكتر من كده. كان تقريبا من 200-220 او 240 مش فاكر. و بعدين هو مكتبش فاتورة لأني مكملتش له بقيت الفلوس لسه.

[TheInfernal]

أستاذ محمد. مادامت الفاس لسا موقعتش على الراس و حضرتك لسا قدامك فرصة ترجع الجهاز اعذرني على صراحتي.

البروسيسور لو اتكلمنا سعره في السوق مستعمل لأنه على حد علمي مبقاش بينزل جديد أعتقد حوالي 100 جنيه. انما أنا شخصيا شايف انه حتى ميستحقش المبلغ ده. أولا عايز أوضح لك ان البروسيسور ده نازل في يونيو 2004 يعني من 5 سنين و نص و كان وقتها أقل فئة موجودة. عشان كده مش عايزك تتفاجئ لما أقول ان أرخص بروسيسور انتل جديد موجود دلوقتي (الE5200) بسعر 350 جنيه أداؤه أسرع بحوالي 5 مرات حسب اختبار للأداء اسمه wPrime.

الرامات ال1 جيجا باص 667 مبقتش بتنزل. أقل حاجة على ما أعتقد لو باص 800 و ماركة محترمة زي كينجستون حسب ما سألت من فترة ب60 أو 70 جنيه. قول الرامات بتاعتك ب50 جنيه لو جديدة.

الماذربورد في موديل قريب منها بس أحدث موفر في الطاقة أكتر و النتورك فيها أسرع بموديل GA-G31M-ES2L و سعرها 300 جنيه جديدة. اللي عندك مش عارف بقى بكام.

الكيسة ياريت تقول نوعها.

الاجمالي 100+50+250+50=450 جنيه. و أنا شخصيا مش هصرف عالحاجات دي لأنك لو زودت مبلغ صغير هتجيب حاجة أسرع أريح بكتير. فأنا رأيي اما تقول للي باع لك الجهاز انك هتاخده ب450 أو أقل, أو هو يشوف واحد تاني غيرك يلبسه الحاجات دي.

تعديل. كنت فاكرك جايب الحاجات مستعملة.

[Mohammed Hamed]

كلامك صح و الله العظيم و أنا معاك في كل اللي قلته و مش زعلان منه اطلاقا لأني لما طلبت الجهاز كان يدوب حاجه اخلص عليها شغلي مؤقتا و مكنش في بالي التجديد. فلما شوفت المكونات اتفاجأت و الراجل كان كلامه معايا حاجه فوق الوصف!!!
فبشوف البروسيسور لاقيته سيليرون مع العلم ان ده رابع جهاز كمبيوتر أجيبه و عمري م اشتريت سيليرون نهائي و رحت أرجعه قال لي ده احسن من البنتيوم 4 و اما ده او كور 2 ديو و انا للاسف مكنش معايا وقتها المبلغ الكافي. و حتى لو كان معايا مكنش ينفع احط بروسيسور زي ده في وسط المكونات التعبانه التانيه اللي هو رشحها لي. و الرامه قال البص 800 و طلع 667 ! ! !
المذر: GA-G31M-ES2C.
الكيسه انا معرفش نوعها الصراحة بس شكلها متسواش اكتر من 100 - 120 ج

طيب يعني الخلاصه ان الرام سرعتها 667 مش 800. هي فعلا ثمنها (لو موجودة) 55ج

[TheInfernal]

السيليرون طول عمره أقل حاجة. أقل من البنتيوم. أقل من الكور تو ديو.
الرام فعلا باص 667. و ده مش الباص اللي هي شغالة عليه دلوقتي على جهازك. هي من مواصفاتها مكتوب انها آخرها 667, و ممكن تشتغل على 533 أو 400 لو الماذربورد مش سامحة ب667.
لو في امكانية انك ترجع الجهاز أنصحك بكده لأنك ممكن تجيب أحسن من كده بكتير ب700 جنيه. لو غير كده عالأقل فاصل مع الراجل في السعر...مع انك كنت اتفقت معاه.

[Marine]

بص انا رايي لو جيجا فقط يبقي المجموع 290 +60+120+160 =630 جنيه وشوف باقي الاراء

بس كان رايي ب700 تعمل كدا

processor:e5200 =350 le
mother:asus p5kpl-am=260 le
ram:اللي جبتها انت ب 60
case:jumbo =130 le
زيادة 100 بس فرق مئات الاضعاف

[TheInfernal]

الE5200 اللي أنا قلته من شوية يركب عندك عادي و يشتغل بكامل كفائته. فلو الراجل مقفل خالص معاك عالأقل قل له يغير لك البروسيسور بيه و تدفع الفارق. و الرامات زودها 2 جيجا لأن 50 جنيه مش هيفرقوا كتير في السعر بس هيفرقوا معاك في الأداء و ان الجهاز ميبطأش كتير.

[Marine]

لو يركب خلاص ويعمل زي ما حضرتك قلت كدا هيبقي افضل وافيد e5200 نقلة جامدة