مشكله سرعة النت عندي في الدونلود زيروووو صفر
رد مع اقتباس
أخي لا عليك أنا عندي لك برنامج يرحك من هذه المشاكل وبدون ما تأذي أحد إسمه
RLINK
يقوم بربطك بالراوتر مباشرة ويبعدك من مشاكل التقطيع ومشاكل الconflect
للتحميل
https://www.2shared.com/file/7743043...rlink_v35.html
الشرح
البرنامج ده بيربطك بالروتر الخاص بالشبكة بتاعتك علشان مفيش حد يعمل عليك نت كت
ازاي ؟
بص معايا
كل كمبيوتر بيحتفظ بايبيهات الاجهزة اللي اتصل بيها وهو في الشبكة وده هتلاقية في
جدول اسمة arp
علشان تشوف الجدول ده اضغط start
وبعدين run
وبعدين اكتب cmd
هيظهرلك شاشة سوداء اكتب فيها arp -a
من ضمن الايبيهات اللي هتلاقيها في الجدول ده اي بي الروتر والماك ادريس بتاعة اللي
هوا الفيزيكال ادريس
وهتلاقي ان جميع انواع الربط اللي موجوده dynamic
طيب وده دخلة اية بالنت كت ؟
هقولك
برنامج النت كت او اي برنامج تاني بيفصل عنك النت بيعمل حاجة واحده
انة بيغير الفيزيكال ادريس بتاع الروتر في الجدول ده الي رقم تاني وهمي
فلما جهازك يطلب النت من الروتر بيطلبة من الروتر الوهمي
وبالتالي مابيبقاش فية نت
بس كده
طيب نعمل اية بقي علشان الفيزيكال ادريس بتاع الروتر اللي في الجدول مايتغيرش ؟
الحل انك تعمل الوصلة بينك وبين الروتر static مش dynamic
طيب اعملها ازاي ؟
الحل انك تكتب الامر ده في شاشة run
arp -s routerip physicaladdress
يعني الاول اكتب arp -s
وبعدين مسافة
وبعدين اي بي الروتر
وبعدين مسافة
وبعدين الفيزيكال ادريس بتاع الروتر
بس كده حتتحول الرابطة الدينامك الي استاتك ومفيش اي برنامج يقدر يفصل عنك النت ان
شاء الله
طيب واية فايده برنامج rlink ؟
البرنامج ده ياسيدي هينفذلك الدالة دي بس اللي عليك انك تحطلة الاي بي والماك ادريس
وتضغط حفظ مروة واحدة بس
والبرنامج هيشتغل مع بداية الجهاز ويطلعلك رسالة تفيد بان البرنامج قام ببداية الربط
وهيصغر نفسة جنب الساعة
وكمان ممكن تعمل بينج علي الياهو والجوجل من غير ماتكتب في run
وكمان تعمل بينج علي اي اي بي معاك علي الشبكة او اي موقع
واية تاني؟
البرنامج في الربط الاوتوماتيك اللي بيعملة بينفذ الدالة 10 مرات في بداية شغلة يعني
بعد 10 ثواني البرامج بيقف عن تكرار تنفيذ امر الربط طيب لية 10 ثواني؟
احنا اتفقنا دلوقتي انك لو نفذت الدالة دي مرة واحدة هيتم الربط
بس ممكن عند بداية الجهاز يكون لسة النتوورك ما اشتغلتش
فيفضل ينفذ الامر 10 مرات للتاكيد
طيب لو عايز الربط يفضل مستمر اعمل اية ؟
عندك زرار في البرنامج "بداية الربط المستمر"
ده هيقوم بتنفيذ الدالة كل ثانية
اية اللي يمنع البرنامج من العمل؟
برنامج انتي نت كت
علشان البرنامج ده بيفضي جدول arp كل ثانية
وبالتالي هيلغي الربط
طيب لو عند تشغيل البرنامج ظهرت ليا الرسالة دي
activex component can't create object
اعمل اية؟؟؟؟؟؟؟؟
بسيطة اضغط start
وبعدين run
واكتب
regsvr32 "C:\Program Files\Common Files\Microsoft Shared\DAO\DAO360.DLL"
البرنامج يحميك من هجمات فيرس الشبكات
اللي موجود علي الاجهزة الاخري اللي في الشبكة اللي انت موصل منها
البرنامج ليس لة اي تأثير علي الاجهزة الاخري الموجوده معاك علي الشبكة
وللأمانة العلمية أنه منقول من الأخ
mrahmedfooda
المفضلات