عايز اعمل شركة كمبيوتر

**ماهر** · 27-09-2009, 01:51

فكره تزورنى كثيرا هذه الأيام وهى انشاء شركة كمبيوتر بس مش عارف أبدا إزاى وايه هى الأوراق المطلوبه ورأس المال اللازم للمشروع --------- إلخ

ياريت حد يساعدنى وله الثواب عند الله سبحانه وتعالى

**moataz1983** · 27-09-2009, 07:48

طب قولنا تفاصيل اكتر عن الشركة هتكون شركة هارد وير ولا سوفت وير هتخدم مين ايه انواع الخدمات المقدمة وزود المعلومات علشان تحصل على افضل شيىء

**ماهر** · 28-09-2009, 00:29

دورات تدريبه - صيانه - مبيعات

**Night stone** · 28-09-2009, 01:13

طيب يا تري إيه حدود رأس المال اللي حضرتك مستعد بيه للمشروع .

**ماهر** · 28-09-2009, 05:32

مش مهم راس المال الفلوس موجوده والحمد لله المهم دراسة الموضوع كويس علشان كده بفكر أبدا صغير يعنى مجرد محل واسع ايجار جديد فى منطقه كويسه ملحق به غرفه للصيانه وواجهه زجاجيه كبيره للمبيعات بالاضافه لكام جهاز جوه للتدريب وإنترنت كافيه ، كل ده أمره سهل بمعونة الله الا انه اهناك بعض الاشياء قلقانى :
1- سألت صاحب محل فى مول الا ان مكاسب الاكسسورات قليله جدا حتى الشاشات ممكن تكسب فيها 3 جنيه !!1!!
2- ان لازم المحل يبقى فى مول علشان يستغل كويس

وبعدين هل فى تصاريح من أمن الدوله والمصنفات زى الكافيه كده ولا مجرد سجل تجارى وبطاقه ضريبيه وخلاص

**moataz1983** · 28-09-2009, 13:37

يا أخي وفي حجات بتكسب فيها 200 % - دا مش شرط في حجات بتشيل حجات المهم الاجمالى - يعني لو عميل هياخد حاجة فيها مكسب كبير وهياخد حجات تانية معاها مش مشكلة ياخدها المهم ما تبعش اقل من التكلفة - الاكسسوارات بتكسب كتير جدا - الاهم من دا كله السوفت وير مكسبة رهيب تخيل انا شغال في مول تسعيرة الوندز 50 جنية والدرايفر 30 جنيه - كمان في حجات لقط بتيجي في سكتك اجهزة مستورده مثلا امكانياتها عالية جدا وبأسعار زهيده وفي ناس بتبيع للتحديث وفي ناس بتبيع للعدم معرفة قيمة الحاجة اللى في ملكيتها انا بتكلم بدون غش ولا نفاق هتقوله الحقيقة وتشترية بما يرضي الله
انت بتفكر في حجات كتر ابتدي بمكان كبير ودخل حاجة حاجة وانصحك تبدأ بي الاكسسوارات وفتارين عرض في مول مثلا والشغل هيجيلك - المول ده مخزن للعباقرة والحرامية في نفس الوقت -
الموضوع هيطول في الكلام وانا مستعد ان شاء الله لاني بفضل الله عندي خبرة في التدريب والبيع