عايز نصيحه من اهل الخبره ..!

[a7med_IT]

السلام عليكم ورحمه الله وبركاته

يا جماعه انا دلوقتي خلصت كورس MCSE والحمد لله بس محتار اخش الامتحانات دلوقتي ولا استني عشان اقوي نفسي شويه فيه خصوصا ان في حاجات كتير فيه انا مش مولم بيها ومحتاج ازاكرها وابحث فيها


والانستراكتور اللي بيدينا قالي ان الامتحانات حاجه والمزاكره حاجه تانيه يعني ممكن امتحن وانا حتي مدرستش الماده لانها اسئله وبتيجي زيها في الامتحان


وانا محتار وعايز رايكم ؟؟؟؟؟؟؟؟؟؟؟؟؟؟؟

[internetworld]

ادخل امتحن والحاجات اللى انت مش ملم بيها راجعها وابحث عنها ..........ايه علاقه الحاجات دى بالامتحان
ابدا حضر لكل تراك على حده وراجع محتوياته واللى مش ملم بيه راجعه كويس وادرب على التطبيق العملى كويس وتوكل على الله واحجز الامتحان ........لكن هتفضل قاعد تقول فى حاجات مش ملم بيها وفى نقطه مش عارفها هتلاقى نفسك كل يوم بتقابل معلومه جديده ومش هتمتحن لغايه ما تلاقى الوقت جرى منك واصبح عليك انك تمتحن 2003 وتزاكر معاها 2008 علشان تلحق تعمل upgrade ويبقي عليك ضغط نفسي وتسمع كلام من اصحابك ومعارفك وكل واحد يقول mcse ايه ما خلاص راحت عليها وتحط نفسك فى ضغط نفسي انت فى غنى عنه
ابدا راجع وتوكل على الله ...خلص كل تراك وروح امتحنه ومش تضيع وقت
وفقنا الله واياك

[a7med_IT]

الف شكر ليك علي نصيحتك

بس انا المشكله اللي عندي ان الانستراكتور اللي كان بيديني كان ضعيف في شرحه فعشان كده انا محتاج مزاكره كتير ولو بدات الامتحان هياخد مني الوقت وخايف يجيني شغل وانا غير جاهز
هيا دي النقطه اللي انا قلقان منها


وشكرا مره تانيه علي ردك عليا ونصحتك الغاليه دي

[ellassy]

الاجزاء اللى وقعت منك وفى مشاكل فيها ممكن تنزل شرحها من على المنتدى وتذاكرها
ولو فى حاجة معينة مش عارفها ممكن الاخوة هنا يساعدوك فيها
بالتوفيق ان شاء الله

[a7med_IT]

انا فعلا سعيد باني موجود في المنتدي ده لانه بجد منتدي رائع واعضائه وشروحاتهم رائعين ربنا يجزيهم كل الخير
وانا فعلا بزاكر من الشروحات الجميله الموجوده فيه


وشكرا ليك علي مشاركتك وهتمامك

[mohamedfares]

عاوز امتحن mcse بس مش عارف اعميل ايه ؟؟؟ ارجو المساعده

[internetworld]

عاوز امتحن mcse بس مش عارف اعميل ايه ؟؟؟ ارجو المساعده

زاكر كل تراك وراجعه كويس واحجز الامتحان وتوكل على الله ومش تخاف الامتحانات سهله طالما انت مزاكر باذن الله هتجتاز الامتحانات بسهوله
واى استفسار كلنا اخوانك فالمنتدى .......ونرحب بتقديم اى مساعدك

[mohamedfares]

اذاكر mcse من فين ؟ حد يقولى كتاب معين اذاكر منه ؟

[a7med_IT]

لو عايز تزاكر الماده المنتدي ملئ بالشروحات الممتازه ولو لغتك الانجليزيه كويسه تقدر تزاكر من test out ولو عملت سيرش عليها علي النت هاتلاقيها متوفره


لكن لو عايز تمتحن علي طول زاكر اسئله test king


وان شاء الله ربنا يوفقك

[mohamedfares]

شكرا a7med_IT

[mohamedfares]

شكرا للشباب على النصيحه