شباب المنتدى الأعزاء
- اليوم قررت ( أو طلبت زى ماتقولوا ) أنى أعمل تعديل بسيط على الكيس كدة ( مش بسيط أوى يعنى )
- قررت أنى أديها من جوا أسود فى أسود مع انها سوداء أساسا بس من برة فقط فقررت أسودها وأطين عيشتها
- الموضوع تم بمجهود مكنتش أتوقعه وأخدت وقت طويل معايا حوالى 5 ساعات شغل بدون توقف :eek: فعشان تطلى الكيس بأحتراف وبدون ما الطلاء يخرج بسهولة لازم الأول تنضف المعدن اللى هتطليه وبعدين تجرحة وبعدين تصنفرة ب Grit 800 وبعديه Grit 1000 وبعديه Grit 1200 وفى الأخر تجرحه تانى وبعدين تشطفه وبعدين تمسحة وتنشفة وتبدأ تطليه وش أولوتسيبه ينشف ثم وش تانى وبعدين تصنفرهم ناعم جدا وبعين وش التضافة اللى فى الأخر بس بجد مجهود يستاهل لأن شكل الكيسة طلع رائع فى النهاية ، أسيبكم مع الصور.
- زى مانتم شايفين فى الصورة الأولى دة الجنزرة اللى فى الألومنيوم بسبب كمية الرطوبة الرهيبة اللى فى جو الأسكندرية ، وأنا فى الأساس كنت هلمع الكيس فقط وبعدين فكرت أنه هترجع تانى تجنزر فقلت على أيه أطلية أسود بالمرة.
- تانى صورة بتعبر عن الكيسة وهى مفتته حتت حتت مفيهاش أى شئ غير زرار الباور :D:D
- تالت صورة بتعبر عن أول طبقة لون للخلفية بعد الحاجات اللى قلت عليها فوق والموضوع مش سهل زى ماهو باين
- الرابعة نفس الصورة بس بعد تانى طبقة
- الخامسة بتعبر عن مرحلة تصحيح الغلطات فى الرش
- الصورتين دول بيعبروا عن الصنفرة الناعمة بعد طبقتى الرش
وطبعا رشيتها تانى. :rolleyes:
- الصورة اللى جايه مرحلة رش ال Drive Bays زى مانتم شايفين
- الصورة دى بتعبر عن ال Motherboard Tray قبل ما أشرح فيها :rolleyes:
- نفس الصورة بس بعد التشريح والصنفرة وخلافه
- دى صورتها بعد أول طبقة ( معلش الصورة دى وحشة جدا عشان الجوانتى جننى :mad: ) وطبعا فيها غلطات
- بس قعدت شغال على هذا المنوال حوالى 5 ساعات لغاية ماجبت بترول ووشى بقى ساحة تزحلق من كتر العرق والتراب. :D
- النهاية السعيدة اللى خلت مجهودى كله يهون وحسيت أن تعبى مراحش هدر.
- دى الخلفية بتاعت الكيس
- دى صورة للجهاز من جوه بعد التجميع
- الصورة دى عشان أبين نضافة الشغل مش أكتر
- ودى صورة الجهاز بعد وشين النضافة وبعد مافكيته تانى ونضفته تانى بس فعلا بقى شكله رهيب جدا
- هاه ؟؟ أيه رأيكم ؟؟؟ وأيه مقترحاتكم ؟؟
ومين عجبه الشغل ؟؟
- ملحوظة مهمة جدا جدا : الموضوع قديم ولى صديق نصحنى بأنى أضعه هنا فوضعته.
المفضلات