النتائج 1 إلى 8 من 8

الموضوع: عمل sound damping لتقليل صوت الجهاز

  1. #1
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    عمل sound damping لتقليل صوت الجهاز






    Sound Damping


    - شباب ، كنت وعدتك من كام يوم بانى هعمل موضوع الصوت دة لمن يشكو من أزعاج الجيران أقصد أزعاج الجهاز :D الفكرة جاتلى من كام يوم لما كنت قاعد قدام الجهاز ووصلت الهردات الثلاثة لأنى كنت فاصل ال WD5000AAKS فأحتجت مساحته فوصلته وهالنى ماسمعت ، الصوت بتاع الهاردات مع بعض كان رائع :ah46: بيفكرنى بموسيقى KoRn لما بيسخنوا ( صيغة مبالغة ) فقررت أشوف حل نهائى للموضوع دة ، لأنى عايش فى منطقة هادية جدا ، وكمان ناوى اشغلهم علطول مع بعض.

    - كنت لقيت منتجات متخصصة فى الموضوع بتاع كتم الصوت دة ولكنها مكلفة جدا جدا دة غير صعوبة توفرها فى مصر ، فققرت الأختراع والحاجة أم الأختراع.

    - أيه اللى بيطلع أزعاج فى الكيس عموما ؟؟؟؟ المراوح والهاردات والأهتزازات الناتجه عن كدة هى اللى بتطلع أصواتهم ، فلو شلنا من المعادلة الأهتزلز أتبقى جهاز شبة صامت ، طيب نشيل الأهتزاز أزاى ؟؟؟

    - طيب أيه البديل ؟؟؟ الحل موجود ومتوافر غالبا تحت أيدك دلوقتى الأ وهو



    - ودى عبارة عن قطعة الأسفنج المضغوط اللى بتبقى موجودة فى علبة الدى فى ديهات Spindle أو مايسمية البعض DVD Cake عشان تحفظ الدى فى ديهات من اللعب داخل العلبة ، جمع منهم شوية وخلينا نبتدى الشغل.


    - الهاردات : بلاك بلو أى لاف يو ، والصوت يجنن يا ناس ياهوه !!!! عمالين يزودوا فى أداء الهاردات ودة على حساب صداعنا أقصد دماغنا ، الحل بسيط جدا هتركب أتنين من البتاعه اللى فوق دى جنب كل هارد من ناحية واحدة فقط وتربطه الهارد فى الكيس بعد كدة.




    - وبعدين تركبهم فى الكيس بحيس تبقى الأسفنج بين جسم الهارد وبين الكيس فى منطقة ال HDD Cage وبعدين أربطهم.



    - قوى الملاحظة منكم هياخد باله أنى مركب فى هاردين فقط ، لأ أنا منسيتش الهارد اللى فى النص راكبله من الناحية التانية بس ، ودى الطريقة الأحسن لو عندك كذا هارد ، الأول هتركبلة الأسفنج من على اليمين والتانى من على الشمال والتالت من اليمين فقط والرابع من الشمال فقط وهكذا ، أربط الهاردات بالمسامير بعد كدة ، وبلاش القرص عليهم جامد أرحم الهارد شوية.

    - تانى حاجة : الباورصبلاى : مزعج برضة بس مش زى الهاردات ، هتركبله أسفنج عادى وليس مضغوط عشان تعرف تربطه من بره بعد كدة وقد أعذر من أنذر ، بين جسم الباور وبين الكيس.




    - أذا كانت الكيس عندك فيها الجزء اللى بيدعم الباورات الثقيلة سواء من اليمين او الشمال أو من الناحيتين هتحطله أسفنج مضغوط تحت الباور من الناحيتن أو ناحية واحدة أو بدون أصلا حسب نوع كيستك.




    - أربط الباور بعد كدة بأحكام وأقرص براحتك كدة عمره ماهيطلع صوت.

    - تالت حاجة المراوح : أيه ده هنحط أسفنج للمراوح ؟.؟؟ لأ طبعا مش هنحطلها بس رجاء حار نضف المراوح من التراب اللى بيخلى صوتها عالى جدا جدا جدا جرب التنضيف وهتدعيلى.

    - رابع حاجة : الكيس نفسها !!!! : أيه ده ؟؟؟ طيب هنعزل الكيس شخصيا أزاى ؟؟؟؟ سهلة جدا ، هى الكيس لما بتتهز كلها بتطلع الصوت أزاى ؟؟ مس بتطلعه على السطح اللى هيا عليه ؟ خلاص احنا هنحط تحت الرجول بتاعتها الأسفنج المضغوط دة بالشكل دة.




    - فعلا وسيلة تافهم جدا ومش بتكلف أى شئ لكن الفرق جبار وأنا جربتها بنفسى ، وحاليا ممكن انام فوق الكيس بدون ما تزعجنى :D على العكس من زمان أيام ما كنت بشتم فى الصوت :ah1: وساعات كنت بصحى من النوم أطفى الجهاز مخصوص عشان أعرف أنام.

    - طبعا زى ما شفتم الطريقة تافهة جدا وهايفة جدا ، بس نتايجها فعالة ومش بتكلف نهائى ، جربوا وقولولى عملتم أيه.

    - ملحوظة مهمة جدا جدا : الموضوع قديم ولى صديق نصحنى بأنى أضعه هنا فوضعته.
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  2. #2
    عضو ذهبي الصورة الرمزية The King2
    تاريخ التسجيل
    Nov 2006
    المشاركات
    4,440
    الدولة: Egypt
    معدل تقييم المستوى
    24

    رد: عمل sound damping لتقليل صوت الجهاز

    شكراً على الفكره الجميله يا CoolMan
    [CENTER][SIZE=4][FONT=Arial][COLOR=Green]إضغط هنا وإستمتع أثناء تصفحك[/COLOR][/FONT]
    [URL="http://www.tvquran.com/"]The Knigh[/URL] [/SIZE]
    [SIZE=1]PC1
    [/SIZE][/CENTER][CENTER][SIZE=1]GA P55-USB3+ Intel Core I5 750 > Power Coolor 5850 1G DDR5 + Samsung BX2331 23 Inch >
    2*2 G.B CORSAIR DDR3 1333MHZ >
    WD 1T Black aaks >Case C M Elite + Thermaltik Cable Manegment 850 Wat >Sound Card X-FI Xtreem Gamer With Logitech X-530
    PC2
    MSI 770-G45 + Phenom555BE 3.2/7M > ATI Saphire 4770 512 DDr5 + Benq 22 >
    2*2 G.B KingStone DDR3 CL9 1333MHZ >
    Samsung 1 Tera > Case Jumpo With HEC 650 Wat > Phantom 4.1 Model 2003[/SIZE]
    [/CENTER][CENTER][FONT=arial black][SIZE=4] " لا حيلة فى الرزق ولا شفاعة فى الموت "[/SIZE][/FONT]

    [COLOR=#006400][SIZE=4][FONT=arial]كنت هنا دوماً ، ، ، وسأعود يوماً[/FONT][/SIZE][/COLOR]
    [/CENTER]

  3. #3
    عضو محترف الصورة الرمزية شلاع العتر
    تاريخ التسجيل
    Nov 2007
    المشاركات
    11,465
    معدل تقييم المستوى
    92

    رد: عمل sound damping لتقليل صوت الجهاز

    هذه الصور شفتها من قبل ... بس فين ؟؟؟ :D

    ربما موضوع الاسعار المصرية ؟

    مشكور أخي ....

  4. #4
    عضو فضي
    تاريخ التسجيل
    Nov 2007
    المشاركات
    2,052
    معدل تقييم المستوى
    27

    رد: عمل sound damping لتقليل صوت الجهاز

    مشكور أخي كولمان على الفكرة الرائعة
    تم التقييم

  5. #5
    عضو برونزي الصورة الرمزية Max-S
    تاريخ التسجيل
    Nov 2005
    المشاركات
    1,091
    معدل تقييم المستوى
    45

    رد: عمل sound damping لتقليل صوت الجهاز

    موضوع ممتاز، خصوصاً ان الاسفنج هذا عندي منه كثيييييير

    بس للأسف أنا أغلب حاجة تزعجني هي صوت المراوح لكروت الشاشة، هل لها حل؟؟

    10/10

    تحياتي
    [CENTER][SIZE=2][COLOR=navy][URL="http://www.arabhardware.net/forum/showthread.php?t=227144"]تحذير: مشكلة إنخفاض الأداء عند تركيب بطاقات انفيديا مختلفة[/URL]

    [URL="http://www.arabhardware.net/forum/showthread.php?t=128522"]معاني ترميز أقراص WD الداخلية[/URL][/COLOR][/SIZE][COLOR=Navy]
    [/COLOR]
    [COLOR=#FFFFFF][/COLOR]
    [/CENTER]

  6. #6
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    رد: عمل sound damping لتقليل صوت الجهاز

    - شكرا على مروركم جميعا.

    اقتباس المشاركة الأصلية كتبت بواسطة شلاع العتر مشاهدة المشاركة
    هذه الصور شفتها من قبل ... بس فين ؟؟؟ :D
    ربما موضوع الاسعار المصرية ؟
    مشكور أخي ....
    - بالفعل كانت موجودة فى موضوع الأسعار والكتير نصحونى اعمل بيها موضوع منفصل عشان يشوفها الجميع.

    اقتباس المشاركة الأصلية كتبت بواسطة Max-S مشاهدة المشاركة
    موضوع ممتاز، خصوصاً ان الاسفنج هذا عندي منه كثيييييير
    بس للأسف أنا أغلب حاجة تزعجني هي صوت المراوح لكروت الشاشة، هل لها حل؟؟
    10/10
    تحياتي

    - حلها الوحيد هو تقليل سرعتها من ATI CCC ولكن دة هيعلى درجات الحرارة ممكن تضيف مروحة صامته من عندك تحت الفيجا.
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  7. #7
    عضو برونزي
    تاريخ التسجيل
    Mar 2009
    المشاركات
    394
    الدولة: Egypt
    معدل تقييم المستوى
    0

    رد: عمل sound damping لتقليل صوت الجهاز

    تسلم ايدك يا Coolman4now
    على الفكرة الجامدة دية
    تقبل مروري وتحياتى

  8. #8
    عضو الصورة الرمزية o0R3D0o
    تاريخ التسجيل
    Jul 2009
    المشاركات
    685
    الدولة: Egypt
    معدل تقييم المستوى
    21

    رد: عمل sound damping لتقليل صوت الجهاز



    شكرا على الفكرة المبتكرة وجاري التجربة .... بس مش عندي انا ربنا تاب عليا عند أحد الأصدقاء هو عارف نفسوا كويس :D

المواضيع المتشابهه

  1. طلب تعريف كرت صوت usb نوع comodow sound lead 3d sound 5.1 tide
    بواسطة steve1989 في المنتدى السوفتوير العام
    مشاركات: 1
    آخر مشاركة: 04-06-2016, 16:42
  2. Creative Sound Blaster X-Fi Titanium Sound Card
    بواسطة waleed21502013 في المنتدى الأرشيف
    مشاركات: 3
    آخر مشاركة: 19-02-2013, 14:15
  3. مشاركات: 16
    آخر مشاركة: 02-05-2012, 18:50
  4. هاااام لتقليل حرارة عقل الكمبيوتر
    بواسطة محمد06097 في المنتدى الأرشيف
    مشاركات: 6
    آخر مشاركة: 17-09-2010, 16:01
  5. ممكن تعريف كرت الصوت Surround Sound 3D PCI Sound Card
    بواسطة saidaleyh في المنتدى السوفتوير العام
    مشاركات: 2
    آخر مشاركة: 06-12-2009, 14:09

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •