صفحة 1 من 4 1 2 3 4 الأخيرةالأخيرة
النتائج 1 إلى 15 من 51

الموضوع: مراجعتى للكيسة Coolermaster Elite 335

  1. #1
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    مراجعتى للكيسة Coolermaster Elite 335



    - شباب ورجال عرب هاردوير ، أزيكم ؟؟؟

    - معكم محدثكم فادى من وراء أأأ أقصد من امام :D الكيسة الكولر ماستر الأليت ال 335 ذات الأسم الطويل الممل والجسم الأسود الشيك.

    -أيه الموضوع ؟؟؟؟

    - كنت قررت من مدة ( مش فاكر طولها بالضبط وأعذروا ذاكرتى التعبانة جدا ) أنى اجمع جهاز أحتياطى ليا عشان التحميل ، ودة عشان أحافظ على الجهاز الكبير ( أل يعنى :D ) عشان أسيبه ليل نهار بيحمل والمشكلة مكانتش فى المحافظة على الجهاز ، المشكلة كانت فى صداع الجهاز الكبير قبل ما أعمله الموضوع دة : أضغط هنا.

    - فكانت الخيارات المتاحة قدامى هى شراء أرخص جهاز بأقل سرعة بأحسن المواصفات ، وأستقر رأى على كينج السعر الرهيب والأداء الكويس وهو شركة AMD وجمعت جهاز للتحميل وهو اللى بيشتغل بالليل وتقريبا مالهوش صوت نهائيا يذكر.

    - أستقريت على المواصفات الأتية :

    Processor : AMD Athlon 5000 X2
    MoBo : Gigabyte GA-MA74GM-S2
    RAM : 2* 1GB Kingston ValueRAM @ 800MHz
    HDD : WD5000AAKS
    DVD-RW : ASUS 16X EIDE Drive
    PSU : CoolerMaster eXtremePower 350W


    - الهارد كان معايا أساسا من قبل يعنى مدفعتش فيه حاجة ونفس الكلام ينطبق على الرايتر على الرغم من أنه قديم وبستخدم واجهة IDE الأ أنه يؤدى الغرض تمام وكان مركون زى قلته فكدة أحسن ، واللى نفعنى أن لونه أسود زى الكيس فركب تمام عليها ، وطبعا بالأضافة للكلام اللى فوق دة الكيسة اللى بنتكلم عنها النهاردة.

    - فلنبدأ على بركة الله

    - الكيسة كويسة مش واسعة ومش ضيقة وكان عمقها أطول من أرتفاعها وبتفكرنى بالكيسات اللى بتتيجى مع أجهزة شركة ACER الأصلية.



    - دى صورة الكيسة فى علبتها وكانت متغلفة فى بلاستيك تمام لمنع الخدوش والفوم كان محاوطها من كل الجوانب فصعب أنك تقى فيها خبطات من الشحن.



    - الكيسة من ورا شكلها عادى جدا مفيهاش أى شئ مثير للأنتباة ، وهى بتشيل من ورا مروحة 120 ملم وفبيها مكان لسبع شقوق PCI زى أى كيسة.



    - الكيسة بييجى معاها باور تجاى تعبان من ماركة بمب ومراجيح وأسمه هو Thermal Master وطبعا التشابة بينها وبين CoolerMaster واضح جدا وممكن تخدع أى حد ، المهم أن تحت الماركة مكتوب Certified By CoolerMaster طبعا الكلام جة ميهمنيش ، المهم أن الباور Failed To Be Certified By Me :D وغيرته تالت يوم ، ودى قصة تانية هحكيهالكم بعدين.

    - ودى المواصفات الفانية ( خطأ مقصود :rolleyes: ) وليست الفنية



    - دى كابلات الباور اللى خارجه منه وههى تتكون من : أربعة Molex Connector لتوصيل المكونات ، وواحد SATA Connector وواحد FDD للفلوبى ( لمن يهفهم الحنين للأيام الماضية ) ، وللأسف مفيش أتنين فلوبى عشان لو حد عايز يعمل Floppy Disk SLI Action :D ، وكمان هتلاقوا باور البوردة ال 24 بن ( المقصود بها أبرة وليس بن لادن طبعا ) ، وباور البروسيسور ال 4 بن وطبعا مفيش أى كونيكتور للفيجا.


    - مع عودة للكيس ذات نفسها هتلاقى الكابلات اللى جايه معاها عشان ال Front Panel هى باور وريستارت وليد لهارد والأوديو سواء كان عادى أو عالى التحديد ( ترجمة ل High Definiton عشان محدش يقولى مين عالى التحديد دة ؟؟ :D ) بالأضافة إلى الناقل التسلسلى العام أو ال USB عشان تفهمونى أفضل.



    - فوق برضة فى الصورة السابقة هتلاقوا الفتحات اللى فى ال Motherboard Plate مكتوب حنبها رموز غريبة ، ودى حركة جدعنى من كولر باسترد ( CoolerBastard :D ) كانت معموله عندى فى الجيجابايت ، وهى ترميز لأنواع البورد والأماكن اللى المفروض تحط فيها روافع البوردة النحاس ، وتحت أهه صورة مقربه ليهم عشان محدش يقول حارمة من حاجة :D



    - الكيس من جوه كبيرة ومش ضيقى زى ما البعض فاكر ( سامعنى يا ... ولا بلاش أن الله حليم ستار :p ) وكابلات الباور العظيم ( سخرية واضحة ) اللى بييجى معاها بيوصل لأخر الكيس بكابلاته بدون اى مشاكل.



    - الصورة اللى جايه دى مقصودة جدا جدا ، وهى أثبات لوسع الكيس ، حطيت الفيجا بتاعتى فيها وقصادها هارد ومع ذلك ركبوا مع بعض بدون أى مشاكل .



    - دى صورة مقربه للكابلات اللى راكبه فى الفيجا والهارد.



    - المروحة ال 120 ملم دى اللى جايه مع الكيسة وبتبقى راكبة جاهزة فى الكيس من ورا وهى بتسحب الهواء للخارج ، وبصراحة المروحة ملهاش اى صوت يذكر وأدائها كويس جدا.



    - وبمناسبة الحديث عن المراوح يؤسفنى ( أنت هتخطب ؟؟؟ :D ) أقول انه مفيش مروحة من قدام ، ودى حركة ندالة من فولرماستر ( FoolerMaster ) بس مش مشكلة ممكن تركب أنت أى مروحة من عندك ، وبيركب أى مقاس أنت عايزة ، زى ما أنتم شايفين.



    - الكيسة تعتمد على Screwless Design وهو معقول مع الهاردات وسئ جدا مع الفيجا للأسف.



    - مع الفيجا ال Retention Clip-On ضعيف جدا إلى أبعد حد وخصوصا لو الفيجا Dual Slot Cooling يبقى عمرها ماهتستقر ، وأنصح أى حد يركبها بمسامير ويكنش الميكانيزم دة خالص. :ah1:



    - وطالما أتكلمنا عن العيب دة يبقى اتكلم عن العيب التانى اللى هيشلنى فى الكيسة دى :ah19: وهى أن زر Reset عبارة عن دبوس رفيع جدا ومش هتقدر تدوس عليه بأيدك نهائيا ، لازم تستخدم أى شئ رفيع.





    - تتميز واجهة الكيسة بأنها Metal Mesh كلها ودة بيساعد على سحب الهواء وبالتالى تقليل درجات الحرارة ، حتى ال Drive Bays معموله Metal Mesh ودى حاجة تحسب لرولرماستر ( RollerMaster ) وأشجعها عليها ، وفيها من الداخل أسفنج عشان تمنع دخول التراب بسهولة للكيس.



    - وديه المكونات اللى جات مع الكيسة.



    - صورة البوردة ومكوناتها ومحتويات العلبة.



    - ملحوظة جانبية لا علاقة لها بالموضوع : كل مراوح AMD بييجى الأستيكر بتاعها ملزوق غلط ، مش عارف ليه ودة حصلى فى كل الأجهزة اللى ركبيتها من شركة AMD بس المرة دى مسكتش وشلته ولزقته صح. :D:D





    - من ضمن حركات الجدعنه لبورر ماستر ( PoorerMaster ) أنها حطت محول للمروحة عشان لو مطالتش البوردة يبقى توصلها بالمولكس علطول.



    - ودى الصورة بعد التجميع الأولى ، ولكن عملت شوية مانجمينت بعدين ورتبتها كويس وهبقى أصورهالكم قريبا فى الأسواق على كاسيت :D



    - الكيسة خاماتها أنضف بكتير والحق يقال من الكيسات التجارية اللى ب 110-160 جنية ومتينة عنهم ، وشكلا لكيسة جميل جدا جدا وتصميمها هادئ وكلاسيك ودة أكتر شئ بحبه فى الكيسات ، أكتر شئ ضايقنى فى التركيب أن الكيسة فيها أطراف حادة جدا ، وخصوصا الحديدة اللى يلزم خلعها لتركيب الرايتر ، خلتنى أتجرحت جرح مش سهل ، بس الحمدلله كله تمام دلوقتى.

    - أى أستفسار عن الكيس أنا حاضر ، ودى كانت مراجعة بسيطة على السريع للكيسة.
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  2. #2
    عضو
    تاريخ التسجيل
    May 2009
    المشاركات
    122
    الدولة: Egypt
    معدل تقييم المستوى
    9

    رد: مراجعتى للكيسة Coolermaster Elite 335

    استاذ كوول مان ابن بلدى مشكور على مجهودك ويارب دايما عونا لاخوانك

  3. #3
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    109

    رد: مراجعتى للكيسة Coolermaster Elite 335

    الله اكبر
    ايه ده يا أستاذ فادى
    تقرير ولا أروع من كده
    و تصوير ممتاز ( حضرتك متوصى بالفولر ماستر اوى :D )
    عقبال لما تعمل التقرير على ال Lian Li
    [CENTER]
    [/CENTER]

  4. #4
    عضو الصورة الرمزية klela
    تاريخ التسجيل
    Dec 2007
    المشاركات
    110
    الدولة: Egypt
    معدل تقييم المستوى
    0

    رد: مراجعتى للكيسة Coolermaster Elite 335

    ماشاء الله عليك مبدع

    طب بنسبه كيسه GIGA Byte Setto 1000 الا سعرها 290 جنيه هل هى افضل ولا ديه وهل سعرها قريب منها لانى عندى كيسه ماركت اومجا ضيقه وتعبانى فى حراره عاوز اغيرها ومشكله ان ماركات كولر ماستر ديه مش هلاقيها فى اسكندريه

  5. #5
    عضو ذهبي الصورة الرمزية The King2
    تاريخ التسجيل
    Nov 2006
    المشاركات
    4,440
    الدولة: Egypt
    معدل تقييم المستوى
    24

    رد: مراجعتى للكيسة Coolermaster Elite 335

    شكراً يا كول على التقرير
    [CENTER][SIZE=4][FONT=Arial][COLOR=Green]إضغط هنا وإستمتع أثناء تصفحك[/COLOR][/FONT]
    [URL="http://www.tvquran.com/"]The Knigh[/URL] [/SIZE]
    [SIZE=1]PC1
    [/SIZE][/CENTER][CENTER][SIZE=1]GA P55-USB3+ Intel Core I5 750 > Power Coolor 5850 1G DDR5 + Samsung BX2331 23 Inch >
    2*2 G.B CORSAIR DDR3 1333MHZ >
    WD 1T Black aaks >Case C M Elite + Thermaltik Cable Manegment 850 Wat >Sound Card X-FI Xtreem Gamer With Logitech X-530
    PC2
    MSI 770-G45 + Phenom555BE 3.2/7M > ATI Saphire 4770 512 DDr5 + Benq 22 >
    2*2 G.B KingStone DDR3 CL9 1333MHZ >
    Samsung 1 Tera > Case Jumpo With HEC 650 Wat > Phantom 4.1 Model 2003[/SIZE]
    [/CENTER][CENTER][FONT=arial black][SIZE=4] " لا حيلة فى الرزق ولا شفاعة فى الموت "[/SIZE][/FONT]

    [COLOR=#006400][SIZE=4][FONT=arial]كنت هنا دوماً ، ، ، وسأعود يوماً[/FONT][/SIZE][/COLOR]
    [/CENTER]

  6. #6
    عضو الصورة الرمزية V for Vendetta
    تاريخ التسجيل
    Apr 2009
    المشاركات
    227
    الدولة: Egypt
    معدل تقييم المستوى
    11

    رد: مراجعتى للكيسة Coolermaster Elite 335

    مجهود رائع كولرماسترمان:D
    كنت اشتريت لواحد صاحبي elite 333 ال screwless مع الهاردات تعبان كمان والمروحه عايزه أجهزه تصنت عشان تسمع صوتها لكن آداءها جيد وخامة الكيسه خفيفه جدا والمدعو باور لا يستحق التعليق لكن عموما الكيسه جميله
    بالنسبه ل AMD عملت كل حاجه في الدنيا غير انها تعرف تلزق الاستيكر بتاع البروسيسور صح
    أنت كنت قولت هتعمل التقرير عن الكيسه دي من 3 شهور :D
    Remember, remember the 5th of November, the gun
    powder treason and plot. I know of no reason why the gun powder treason should ever be forgot

    شرح بالصور لتحديث catalyst driver لجميع كروت ATI
    شرح بالصور لعمل update ال BIOS للوحات GIGABYTE


    ( فلولا كان من القرون من قبلكم أولوا بقية ينهون عن الفساد في الأرض إلا قليلاً ممن أنجينا منهم واتبع الذين ظلموا ما اترفوا فيه وكانوا مجرمين http://www.alminbar.net/images/mid-icon.gif وما كان ربك ليهلك القرى بظلم و أهلها مصلحون )

  7. #7
    عضو برونزي
    تاريخ التسجيل
    Jun 2007
    المشاركات
    5,357
    معدل تقييم المستوى
    120

    رد: مراجعتى للكيسة Coolermaster Elite 335

    الله ينور يا فادى

    مستنين ال

  8. #8
    عضو برونزي الصورة الرمزية | raZor |
    تاريخ التسجيل
    Oct 2008
    المشاركات
    980
    الدولة: Egypt
    معدل تقييم المستوى
    21

    رد: مراجعتى للكيسة Coolermaster Elite 335

    اقتباس المشاركة الأصلية كتبت بواسطة klela مشاهدة المشاركة
    ماشاء الله عليك مبدع

    طب بنسبه كيسه GIGA Byte Setto 1000 الا سعرها 290 جنيه هل هى افضل ولا ديه وهل سعرها قريب منها لانى عندى كيسه ماركت اومجا ضيقه وتعبانى فى حراره عاوز اغيرها ومشكله ان ماركات كولر ماستر ديه مش هلاقيها فى اسكندريه
    موجودة في اسكندرية بس دور شوية لان توكيل Cooler Master (شركة الطويل) مقرهم الاسكندرية

    تقرير جميل مستر فادي ...
    [CENTER][URL="http://www.arabhardware.net/forum/showthread.php?t=127326"][COLOR="Green"][B]شرح وإيضاح[/B][/COLOR] لمسميات لوحات GIGABYTE المختلفة[/URL]

    [URL="http://www.arabhardware.net/forum/showthread.php?t=138667"][COLOR="Green"][B]المتغيرات المحيطية[/B][/COLOR]٬ ما هي وما فائدتها؟ و ما علاقتها بالأداء في الطي؟[/URL]

    [URL="http://www.arabhardware.net/forum/showthread.php?t=142269"][B][COLOR="Green"]مراجعة[/B][/COLOR] شاملة لبطاقة Sapphire HD 5870 Vapor-X 1GB[/URL]

    [URL="http://www.arabhardware.net/forum/showthread.php?t=123989"][COLOR="Green"][B]تقرير[/B][/COLOR] مفصل وشامل لإختلاف أداء المعالجات مع الألعاب[/URL]

    [URL=http://fah-web.stanford.edu/cgi-bin/main.py?qtype=userpage&teamnum=155660&username=raZor][IMG]http://www.hardfolding.com/fhtag.php/mem/1782593/253/5.png[/IMG][/URL][/CENTER]

  9. #9
    عضو برونزي الصورة الرمزية Coolman4now
    تاريخ التسجيل
    May 2007
    المشاركات
    4,296
    معدل تقييم المستوى
    83

    رد: مراجعتى للكيسة Coolermaster Elite 335

    اقتباس المشاركة الأصلية كتبت بواسطة Zagros مشاهدة المشاركة
    استاذ كوول مان ابن بلدى مشكور على مجهودك ويارب دايما عونا لاخوانك
    اقتباس المشاركة الأصلية كتبت بواسطة محمد الجوهرى مشاهدة المشاركة
    الله اكبر
    ايه ده يا أستاذ فادى
    تقرير ولا أروع من كده
    و تصوير ممتاز ( حضرتك متوصى بالفولر ماستر اوى :D )
    عقبال لما تعمل التقرير على ال Lian Li

    اقتباس المشاركة الأصلية كتبت بواسطة The King2 مشاهدة المشاركة
    شكراً يا كول على التقرير
    - أشكركم جدا يا شباب على أحلى كلام.

    اقتباس المشاركة الأصلية كتبت بواسطة The.Hulk مشاهدة المشاركة
    الله ينور يا فادى

    مستنين ال
    - معلش مش فاضى خالص اليومين دول ، هحاول بأذن الله.

    اقتباس المشاركة الأصلية كتبت بواسطة klela مشاهدة المشاركة
    ماشاء الله عليك مبدع

    طب بنسبه كيسه GIGA Byte Setto 1000 الا سعرها 290 جنيه هل هى افضل ولا ديه وهل سعرها قريب منها لانى عندى كيسه ماركت اومجا ضيقه وتعبانى فى حراره عاوز اغيرها ومشكله ان ماركات كولر ماستر ديه مش هلاقيها فى اسكندريه
    - مستر خالد قالك مكانهم ، وهتلاقيهم فى محل رقم واحد فى كمبيو مول فى رشدى ، اللى هو أول محل على أيديك الشمال وأنت طالع السلم.

    اقتباس المشاركة الأصلية كتبت بواسطة | raZor | مشاهدة المشاركة
    تقرير جميل مستر فادي ...
    - شكرا مستر حد الموسى.
    [CENTER][B][SIZE=2]You think that you're strong, but you're weak[/SIZE][/B]
    [/CENTER]

  10. #10
    عضو محترف الصورة الرمزية Brigadier
    تاريخ التسجيل
    May 2005
    المشاركات
    9,999
    الدولة: Saudi Arabia
    معدل تقييم المستوى
    47

    رد: مراجعتى للكيسة Coolermaster Elite 335

    تقرير رائع لكيسه جيده.


  11. #11
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: مراجعتى للكيسة Coolermaster Elite 335

    شكرا فادى على التقرير الرائع والوافى ....




    يا اخى صبحان اللة حسستنى بالصورة دى انى واقف قدام عمارة 11 دور...........:D:p:D

  12. #12
    عضو ذهبي
    تاريخ التسجيل
    Apr 2007
    المشاركات
    1,909
    الدولة: Egypt
    معدل تقييم المستوى
    38

    رد: مراجعتى للكيسة Coolermaster Elite 335

    CoolerMaster
    CoolerBastard
    FoolerMaster
    RollerMaster
    PoorerMaster
    :D

    تقرير مميز سيد فادي ، و لك تقييم مستحق
    [CENTER][COLOR=Black][SIZE=3][URL="http://www.arabhardware.net/forum/showthread.php?t=57861"]أسعار و أخبار الهاردوير في السوق المصرية[/URL][/SIZE][/COLOR][URL="http://www.facebook.com/group.php?gid=6972173005"][COLOR=orange][B][SIZE=3][/SIZE][/B][/COLOR][/URL]
    [SIZE=3][URL="http://www.youtube.com/profile?user=stanforduniversity&view=playlists"]Stanford[/URL] [/SIZE][SIZE=3][COLOR=Red][B]|[/B][/COLOR][/SIZE][SIZE=3] [URL="http://www.youtube.com/user/mit?blend=1&ob=4#grid/playlists"]MIT[/URL] [B][COLOR=Red]|[/COLOR][/B] [URL="http://www.youtube.com/ucberkeley#grid/playlists"]Berkely[/URL] [/SIZE][SIZE=3][COLOR=Red][B]|[/B][/COLOR][/SIZE][SIZE=3] [URL="http://www.youtube.com/profile?user=nptelhrd&view=playlists"]NPTEL[/URL][/SIZE] @Youtube

    [COLOR=Black][IMG]http://folding.extremeoverclocking.com/sigs/sigimage.php?un=_Fusion_&t=155660[/IMG][/COLOR]
    [COLOR=DimGray]"اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ"[/COLOR]
    [/CENTER]

  13. #13
    عضو برونزي الصورة الرمزية mostafa_mhmoud7
    تاريخ التسجيل
    Sep 2007
    المشاركات
    409
    الدولة: Egypt
    معدل تقييم المستوى
    0

    رد: مراجعتى للكيسة Coolermaster Elite 335

    مشكور على التقرير الرائع
    [CENTER]
    [/CENTER]

  14. #14
    عضو برونزي الصورة الرمزية BlacK ShaDoW
    تاريخ التسجيل
    Jan 2009
    المشاركات
    3,291
    معدل تقييم المستوى
    28

    رد: مراجعتى للكيسة Coolermaster Elite 335

    ههههههههه
    دي كلها مسميات للشركة حسب الحاجة اللي مضايقاك في الكيسة :eek: :D
    مراجعة ممتازة جدا يا مسيو فادي :D تم التقييم

  15. #15
    عضو برونزي الصورة الرمزية ahmedelsabbagh
    تاريخ التسجيل
    Nov 2007
    المشاركات
    1,554
    الدولة: Egypt
    معدل تقييم المستوى
    18

    رد: مراجعتى للكيسة Coolermaster Elite 335



    شكرا على التقرير الرائع ...

    وياريت الافادة بشأن الباور

    المهم أن الباور Failed To Be Certified By Me :D وغيرته تالت يوم ، ودى قصة تانية هحكيهالكم بعدين.

    [CENTER][URL="http://www.arabhardware.net/forum/showthread.php?t=181830"]سمحاً إذا باع .. سمحاً إذا اشترى[/URL]
    [URL="http://www.arabhardware.net/forum/showthread.php?t=181988"],,, هل نحن من نصنع الغباء ؟[/URL]
    [URL="http://www.arabhardware.net/forum/showthread.php?t=176623"]الفاكهـــة ... ... ... و فـــوائدهــــا... ... ...[/URL] [URL="http://www.arabhardware.net/forum/showthread.php?t=116628"]الكوكب الجائع [/URL]
    [B][FONT=Times New Roman][SIZE=3]{ قُلْ هَلْ نُنَبِّئُكُمْ بِالْأَخْسَرِينَ أَعْمَالاً * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً } الكهف
    [/SIZE][/FONT][/B]

    [/CENTER]

صفحة 1 من 4 1 2 3 4 الأخيرةالأخيرة

المواضيع المتشابهه

  1. مشاركات: 66
    آخر مشاركة: 18-11-2012, 01:41
  2. مراجعتي للكيسة الممتازة CoolerMaster HAF 922
    بواسطة Doctor Medo في المنتدى الأرشيف
    مشاركات: 47
    آخر مشاركة: 15-04-2011, 19:32
  3. مراجعتى للكيسة Thermaltake V9 Black Edition
    بواسطة Eng.MinaEdward في المنتدى الأرشيف
    مشاركات: 22
    آخر مشاركة: 13-11-2010, 02:19
  4. CoolerMaster Elite Power 400W
    بواسطة محدودالدخل في المنتدى الأرشيف
    مشاركات: 20
    آخر مشاركة: 25-05-2010, 18:51
  5. مراجعتى للكيس الاحترافى Coolermaster 690
    بواسطة abdou151 في المنتدى الأرشيف
    مشاركات: 35
    آخر مشاركة: 30-06-2009, 18:38

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •