سؤال لشباب الاردن

**حارس الحب** · 08-10-2009, 07:20

مرحبا شباب

انا ناوي اشتري جهاز كمبيوتر جديد من مدينة عمان وبدي من الجميع فضلا لا امرا يحكيلي شو احسن محل

1:من ناحية الجودة

2:الاسعار

3:التعامل مع الزبائن

وانا اصلا من سكان مدينة الزرقاء

وبتمنى التفاعل من الجميع في هذا الموضوع :o

ولكم اطيب الامنيات

**yazan soft** · 08-10-2009, 07:32

المشكله مو بالمحل والافضل توخذ جوله بمحلات الجاردنز وتشتري المناسب حتى لو بدك تشتري من كل محل قطعه

كم ميزانيتك؟ هذا الاهم.

**حارس الحب** · 08-10-2009, 08:19

المشاركة الأصلية كتبت بواسطة yazan soft

المشكله مو بالمحل والافضل توخذ جوله بمحلات الجاردنز وتشتري المناسب حتى لو بدك تشتري من كل محل قطعه

كم ميزانيتك؟ هذا الاهم.

مشكور لردك اخوي يزن بس المشكلة هون تجميع القطع في الجهاز وهذا الي بجهله وهيك بنجبر اجمع الجهاز كله عند محل واحد
اما بالنسبة للميزانية يمكن تصل 600 دينار للكيس فقط والقطع الداخلية وخصوصي انه للالعاب

ولكن اخي يزن اهم اشي سمعة المحل وجودة القطع والصيانة وغيره

وانا اخدت جولة خفيفة قبل يومين ثلاث وشوفت تكنلوجيا الزمن في كروت الشاشة

بس ممكن اجمع كامل الجهاز عنده ومممكن معلومات عنه وعن اسعاره

غالية
عادية
رخيصة
وبتمنى استفيد من خبراتك الواسعة والشاملة :D

**ramy** · 08-10-2009, 10:27

تمّ تعديل العنوان، و يرجى عدم اختيار عناوين غير ملائمة في المرّات القادمة حتّى لا يتعرّض الموضوع للإغلاق.

**yazan soft** · 08-10-2009, 12:58

انتضرني ليوم السبت او الاحد وكل تاخيره فيها خيره لتعرف الاسعار جيدا :D

اما عن التجميع عليك بالتالي مؤقتا لاني عملتها قبل كم يوم وساعيدها كمان مره

اللوحه : GIGABYTE GA-EP45-UD3R سعرها 110 دنانير - تكنولوجيا الزمن.
المعالج : E7400 2.8 سعره 90 دينار - PC MAKER
الرام : KINGSTON DDR2 800 2X2 سعرهم 60 دينار - PC MAKER
البور : CODEGEN 550WAT سعره 45 دينار - PC MAKER
كرت الشاشه GIGABYTE GTS 250 1G سعره 165 دينار - تكنولوجيا العصريه, ZOTAC GTS 250 1GB سعره 180 دينار - PC MAKER "هذا الي اخذته" قبل ان اعرف بوجود ال GIGABYTE.
الكيس "لم يشترى لحد الان": يوجد EZCOOL مثل الي ذكره الايوبي او GIGABYTE "لا اعرف موديله "كان اتصال على الهاتف" اتوقع انه فئه GZ-X سعره 50 دينار, يوجد ايظا من شركه SP كيسه بسعر 45 دينار ممتازه جدا ومعها مزود CODEGEN 400WAT جمعت عليها قبل فتره وكان شرائها من PC- MAKER لكنها غير متوافره الان.

الهارد : WD 500GB BLUE سعره 48 دينار عند تكنولوجيا الزمن + PC - MAKER

اتوقع انها مناسبه للميزانيه.

**alayoubi** · 08-10-2009, 16:44

كان حطيت سؤالك بموضوع الأسعار حتى الكل ياخذ فكرة عن القطع وأسعارها والتجميعات .

المهم ..

لمعالج : E7400 2.8 سعره 90 دينار - PC MAKER

ممكن تلاقيه عند محل الامارات مقابل جبري بـ 82 دينار بدون مروحة , اذا عندك مروحة P4 بتكون أفضل من الأصلية صغيرة الحجم .

البور : CODEGEN 550WAT سعره 45 دينار

ممكن تلاقيه عند شركة التصميم الحديث 38-40 دينار وهذا هو وكيل هذا البور وكيسات SP

واذا بدك كيسات اشي مرتب وماركة معروفة في NZXT بحدود 90 دينار مع مراوح وبدون بور .