استفسار بخصوص ال Hub والـ Switch

**medo11220022** · 14-10-2009, 01:37

السلام عليكم ورحمة الله وبركاته

اخوانى انا عندى استفسار صغير .. وطبعا علشان النا برضو تفهم مش تحفظ

والسؤال هنا ان Hub شغال بالظبط زى الSwitch بعض انا حسب ما قرأت فى احد الموضوعات ان ال Hub اسرع من الـ Switch والشرح بين الاثنين كالتالى

أولا:- الهب HUB

الهب هو جهاز توصيل شبكة بجيث يوصل اكثر من جهاز مع بعض لتكوين شبكة وهو يتعامل مع الداتا كانها موجات كهربائية Signals ولا يتعامل معها كانها داتا ولا يفم يعنى ايه IP او اسم جهاز يعنى ايه ولا يفهم اي شيئ هو بكل بساطة مثل مشترك الكهرباء الذى يوصل الكهرباء الى الفيديو والتليفزيون والكاسيت مع بعض فهو لا يفهم شيئ ويرسل الداتا بنظام البرود كاست Broadcat اي انه عندما يريد احد اعضاء الشبكة ان يرسل داتا مهما كان حجمها فانه يرسلها لجميع الاجهزة وصاحب الداتا هو الى يقبلها فقط.......فمثلا
لدينا شبكة مكونة من 10 اجهزة موصولين على هب
PC1 & PC2 & PC3 ......................PC10
الجهاز PC3 يريد ارسال داتا للجهاز PC9 ومالوا ما فيها شيئ يرسلها وبعد ما يرسلها بتروح للهب الى بدورة هيوصلها للجهاز PC9 بس ازاى بقة احنا طبعا عارفين ان الداتا لما تتنقل بيكون مكتوب فيها مين الى باعتها ورايحة لمين وطبعا زى ما قلنا ان الهب مابيفهمش دا فيعمل اية بقى الاستاذ هب يرسل الداتا لجميع الاجهزة المتوصلة به ويسأل كل جهاز ان PC 9 يقولى لا مو انا ....PC 9 يقولى لا مو انا ....PC 9 يقولى لا مو انا ....PC 9 يقولى لا مو انا ....PC 9 يقولى ايوا انا فيه حاجة يقولوا ايوا فى داتا ليك خدها يقولك طيب شكرا يا سيدى تعبناك معانا.....ولو لاحظتوا انه يرسل الداتا لجميع الجهزة وهذا طبعا يعمل تحميل شديد على الشبكة وعلى الكابلات وهذا يسبب بطئ الشبكة جدا.
واهم واخطر شيئ انه فى حالة ارسال داتا لا يستطيع اى فرد ارسال داتا يعنى احتكار....

ثانيا: السويتش Switch

السويتش هو ايضا جهاز لتوصيل اكثر من جهاز لعمل شبكة ولكنة به بايوس وشغال ببرنامج معين وفية ذاكرة للتخزين بس تخزين ايه؟؟؟؟
تخزين رقم مسلسل كل كارت شبكة راكب على الاجهزة الموصلة بالسويتش MAC ADDRESS وذا الرقم بيكون مطبوع على الكارت الشبكة الى موجود بالجهاز ولو عايز تعرف الرقم تبعك تعمل ايه Start> Run > command > Enter راح تلاقى داخل على الدوس تكتب Ipconfig/all وانتر
راح تلاقى جابلك البيانات هتلاقى فى سادس سطر من تحت مكتوب Physical Address ومكتوب امامها 6 خانات فيها ارقام على حروف هو دا الرقم بتاع الكارت

فيحصل الاتى لما يجى الجهاز PC3 يرسل داتا الى الجهاز PC9 هو بيكون طبعا ومخزن فى كل جهاز من اجهزة الشبكة رقم اى بى كل جهاز واسمة والماك تبعو فيرسل عن طريق الماك فيروح للسويتش يقولة حد الداتا دى وصلها للجهاز الى الماك بتاعة XX-XX-XX-XX-XX-XX فيقولة السويتش من عينى انت تأمرنى يروح السويتش يدور على الرقم عندة لو وجدة يرسله الداتا على طول من غير ما يدور ويتعب وبهذا يكون السويتش وفر الوقت والباندوتث بتاع الشبكة ........طيب واحد يقول والسويتش يعرف منين الماك بتاع كل جهاز يا فالح ...... طيب اقولك يا سيدى بس ما تزعل....
السويتش اول ما بيشتعل وتوصل فية RG بتاع كل جهاز من الاجهزو الموجوده هو بيعمل مع الجهاز اتصال ويقولة رقم الماك بتاعك كام يقولة طبعا الرقم على طول ويبدا السويتش بتسجيل كل جهاز موصل على الشبكة عندة فى الجدول.
* ملحوظة هامة *
رقم الكارت الى هو رقم الماك استحالة يتكرر فى كارت تانى فى العالم لنه بيكون مكون من الاتى اول خانتين بيكون مخصص لدولة الى فيها المصنع والتانى بيكون مسجل للشركة وبعد كدا بيكون التسلسل بتاع الكروت فلا يمكن تكرارة ابدا مثل رقم ال IP

السؤال : هل لحد الان لم يتم حل مشكلة الHub او تطويرة من الشركة المصنعة ؟؟؟؟

**CaSpEr-nEt** · 14-10-2009, 07:01

شرح جميل اخى وكلامك صحيح حسب ما شاهدت شرح N+ للباشمهندس/ ياسر رمزي ...

**brave_mido** · 14-10-2009, 13:47

كلامك سليم و مظبووط جداا

بس اعتقد ان الاجابة علي سؤالك هتكون كالتالي :

ال Hub مش محتاجين نحل مشكلته لأن عندنا السويتش :D بمعني ان حاليا كل الشركات بتنتج سويتشات و محدش بقي يستعمل ال Hub خلاص

**ellassy** · 14-10-2009, 16:36

اول شرح رائع وبسيط
ثانيه زى مقال الاخ brave_mido الهب خلاص راحت عليه (مع انه لما ظهر كان طفرة فى الشبكات )

**medo11220022** · 16-10-2009, 00:10

بس يا شباب .. اعتقد انه موجود فى الاسواق حتى الان .. وعاوز اعرف هل تم حل المشكلة دى .. ولا لسه محدش حل مشكلته .. او يعتبر حله هوا السويتش

**brave_mido** · 17-10-2009, 11:10

يا رااجل .... موجود فيين ؟؟ .. انا عمري ما شفته غير في الصور :D

حتي المستعمل منه اعتقد مش هتلاقيه غير عند بتوع الانتيكات :D

اعتقد مفيش شركة بتصنعه حاليا

لو صنعوه سعره هيكون كام مقارنة بالسويتش بعد مالصين دلعتنا بسويتشات ب 50 جنيه :D

بيتهيألي يا باشا ان مشكلته دي يوم ما حلوها سمو الاختراع الجديد اللي هو Hub + الحل بالاسم سويتش و هو ده اللي احنا بنستخدمه انهرده ............... و الله اعلم

**ellassy** · 17-10-2009, 11:35

.. اعتقد انه موجود فى الاسواق حتى الان

ممكن يكون متخزن من زماااااااااااااان وعايزين يخلصو منه بأى شكل (مش بيعد يبيعوه على انه سويتش :D)
زى الفبلوبى ديسك فى محل عارضه 5جنيه :D