سؤال بخصوص رامات- DDR3

**Big_jungar** · 15-10-2009, 06:50

السلام عليكم

معلش يا جماعه لو باسأل كتير , بس بجد انا تعبــــــــــــــــــت جدااااااااااااا و تقريبا خلاص , مخى من التفكير و المقارنات و من الاسئلة حيجراله حاجة , بس خلاص تقريبا هانت !

كنت عايز اعرف الرامات المناسبة لل
Core i7 + GA-EX58_UD3R
انا شايف إن لو الباس بتاع الرامات كان أعلى كل ما حيبقى احسن , ف سؤالى

اجيب رامات باس 1333 ولا 1600 أحسن ؟؟؟
و السؤال الاهم ......... اجيب Kingston ولا OCZ افضل ؟؟؟؟؟؟
و ممكن تبقى رامة واحده 2 جيجا كافية ولا لازم أجيب 3 عشان ال Triple Channel ????

و حيبقى فى فرق كبير فى السعر ؟؟؟

* ملحوظه * مش بعمل اوفركلوك و مش ناوى اعمله الصراحة

شكرا , و معلش لو تاعبكم معايا

**GoldenLionTech** · 15-10-2009, 07:07

وعليكم السلام ورحمة الله وبركاته

بما أنه لا فرق كبير بين 1333 و 1600
إبحث عن 1333 بتواقيت منخفضه.

أما Kingston و OCZ فهما من أعرق الشركات في المجال.
وتفضيل شركة على أخرى بينهما سيكون من واقع تجربة أو سماع رأي سابق.

خذ الأفضل فئة وسعر بينهما مثلاً في سوقنا المحلي المتوفر دائماً
Kingston فئة إبتدائية KVR إلا أنها ممتازة لكن في المقابل OCZ توفر
فئات راقية مثل Gold, Blade, Reaper, Titanium, Platinum
وغيرها وبهذا فلها أفضلية خصوصاً إذا إقترب السعر
من فئة KVR من Kingston.

أعتقد أن تقنيات Dual-Channel و Triple-Channel مفيدة جداً

العفو ووفقك الله لكل خير

**Cobra007** · 15-10-2009, 07:15

ال i7 محتاج 2GB*3 رامات عشان ال triple channel. و ال ocz افضل بس لو مش هتعمل اوفركلوك يبقي هات ال كينجستون مش هتفرق كتير. و بالنسبة للباس فهو المفروض ان الاعلي احسن بس مش شرط و كله حسب استخداماتك. يعني في مثلا ناس كتير ان الفرق بين ال800 و ال 1066 في الddr2 مش فارقة و ماتستهلش فرق السعر.

من الآخر الكينجستون ال 1333 2gb عاملة 285 و ال1600 عاملة 325 و الكلام ده هنا في اسكندرية المفروض في القاهرة ارخص
بس معرف اسعار ال ocz ايه لاني مش لاقيها اصلا, انا اتكلمت كتير بس يارب اكون نفعتك بحاجة.

**Big_jungar** · 15-10-2009, 07:23

الف شكر يا جماعه على المساعده و على الردود
ريحتونى
ممكن إن شاء الله ابقى اجيب ال 1333
اشوف بس إيه الموجود الايام دى بالظبط و الاسعار نظامها إيه

شكرا مرة تانية