والواحد قاعد كده فكر فكره مش عارف هيبقي ايه رأيكو فيها.
ولا الطاسة صدأت:ah5:

أنا هقول الفكره ويا ريت لو حد هنا يطبقها لاني لا أعتقد ان هناك أحد أخر قام بها؟؟
والله أعلم.

الفكره تتلخص في حل تبريد تكاملي أو بمعني أخر تبريد مش أحترافي بل هو أكثر من ذلك:
فسيكون التبريد لكل الأتي:
1- المعالج
2- الرامات
3- كارت الشاشة
4- الجسر الشمالي
5- الجسر الجنوبي
6- فيزات الباور

من الأخر الماذر بورد كلها بالي عليها.

التبريد سوف يكون هجين كل واحد بقي وتفكيره.
بس المشترك بين كل هؤلاء فكرة التبريد الأساسي و هي التبريد بواسطة (((الزيت))):eek::confused::eek::confused:
متخفش مش هتحول الكمبيوتر لقلاية؟؟:D
وهو الزيت المستخدم في المحولات الكهربائية العملاقة.
لاحظو ان هذه المحولات تصدر كمية حرارة كبيره جدا بشكل مريع والتبريد هذا هنا أحسن بكثير من تبريد الهواء
فهي تستخدم الهواء والزيت معا لتحصل علي امتيازات الاثنان)
ولكن هنا لا نستطيع استخدامة وحده لازم إدخال بعض التعديلات.
أسيبكو مع الشرح:

الفكره كلها يبقي عندنا صندوق يسع مكونات المازر بورد بالكامل ويكون مصنوع من الألومنيوم ويكون علي أطرافة زعانف زي المشتت بالظبط ويوضع بداخله مسامير لوضع اللوحة الأم عليها ويكون ارتفاعها عن سطح القاعده مناسب.
وارتفاع أيضا لا يقل عن 20 سم.

يوضع البروسيسور وكارت الشاشة والرامات والحبشتكنات التانية بقي الي انت عايز تحطها.
لكن هنا نأتي لنقطة فاصلة وهي أنه صعب تواجد الفانات في الزيت لأنها ستواجه مقاومة عالية بسبب لزوجة الزيت.
ولهذا سوف استبدل تبريد البروسيسور وكارت الشاشة بالتبريد المائي يا بالتلج يا من غير أو بالتبريد بالفريون كما فعل الأخ Emirates ( ولكن لاحظو لن ين يوجد هنا تكثف ماء بسبب وجود الزيت والبعد عن أي مصدر للهواء)
ويا حبذا تبريد أيضا الجسر الشمالي يكون معانا كمان.

وممكن استبدل تبريد الماء هذا بمشتت كبير علي البروسيسور وكارت الشاشة من الممكن ترك الفانة( بس برده هتلاقي مقاومة) بس يا حبذا لو كانت فانة كارت الشاشة قفص سنجابي الي هي زي دية:
فستعمل مثل التوربينة المائية.

يتم وضع السيستم بالكامل في الصندوق الألومنيووم ويتم توصيله بالباور سبلاي و وتصيل باقي الأجزاء الأخري ومنها الهاردات و قاريء الاسطوانات.
مع العلم الهاردات لا تصلح للوضع في الزيت لانها ستتلف كما أني لا أفضل وضع الباور سبلاي أيضا في الزيت مع باقي مكونات الجهاز لأن مكوناته تصدر الكثير جدا من الحرارة.
بعد تظبيط كل حاجة ضع الزيت في الصندوق وعلي المازر بورد وكل حاجة حتي تغطيها تماما حتي أخر كارت الشاشة وفوقه أيضا بحوالي 1 سم.


وبعد كده بقي أعمل أوفر كلوكنج وكسر الدنيا وعيش.

عايز رأي الناس في الفكره دية وهل هي مجدية في التطبيق ولا لأ؟؟

انا فكرت فيها علي اساس المسابقة الي كانت في دبي دية قلتوا ان درجة حرارة الجو في دبي عالية وهي سبب عدم كسر الرقم العالمي (مع اني لأ أظن ذلك أكيد كان في مكيف).

ولو مححقتش جدوي يبقي اهه تقلبها طاسة ويبقي عندك أغلي طاسة موجودة:D:D:D