النتائج 1 إلى 2 من 2

الموضوع: استفسار هاااااااام نحو الويب ديزاين ارجو المساعدة

  1. #1
    عضو الصورة الرمزية mego_alone
    تاريخ التسجيل
    Jul 2007
    المشاركات
    67
    معدل تقييم المستوى
    0

    Exclamation استفسار هاااااااام نحو الويب ديزاين ارجو المساعدة



    السلام عليكم ورحمة الله وبركاتة

    انا اسمى احمد وخريج نظم معلومات ادارية وكنت بفكر فى حاجة معينة اتخصص فيها وبجد انا بقالى كتير اوى بحاول اشوف انا حابب مجال اية وبفكر فى مجال ( الويب ديزاين ) بس انا معرفش عنة اى حاجة ودورت فى مواقع كتير بس موصلتش للى انا عاوز اعرفة .

    انا محتاج تساعدونى فى الخطوة دى عاوز اعرف علشان ابقى ويب ديزاينر محترف اعمل اية وابدا ازاى وبأى برامج .

    وكمان عاوز اعرف الشغل بتاع الويب ديزاينر بيبقى عبارة عن اية وبشتغل فين يعنى اية مثلا مجال الشركة اللى ممكن اشتغل فيها وهل من الناحية المادية فى المجال دة مجزية ولا مش اوى ياريت يجماعة حساعدونى باجابات لكل الاسئلة دى لانى نفسى اخد خطوة ايجابية بجد .


    ......شكرا ......
    pls:MeGoOoOoOoOopls:

    mY eVeRy Day IS THe hOliDaY

  2. #2
    عضو الصورة الرمزية Mr.Sasser
    تاريخ التسجيل
    Sep 2007
    المشاركات
    39
    معدل تقييم المستوى
    0

    رد: استفسار هاااااااام نحو الويب ديزاين ارجو المساعدة



    بوص يا احمد افندينا ( اصل صراحه بحب اوي اقول اللقب ده لصحابي :D ) عشان تبقي و يب ديزاين يلزمك حاجات تفهما

    1- تكون فاهم لغه ال HTML
    2- تكون بتعرف تستخدم ال photoshop اي اصدار
    3- ده اهم حاجه و هو الفلاش عشان الانيميشن مطلوب في الويب و ده اللي بيقوم بيه
    4- تكون عارف ال dreamweaver او microsoft expression web وده عشان ترمي تصميماتك فيه يعني بدل ما تعمل موقع عن طريق انك تفتح النوت باد و تكتب كود HTML ده بيساعدك هما الاتنين عملين زي ال Frontpage بس علي احسن بكتييييييييييييييييييير

    بوص بقي الويب ديزين لوحده بصراحه ما ياكلش عيش اوي يعني تكون مثلا فاهم ويب ديفيلوبر مش بقلك تكون عظيم فيه بس يكون عندك خلفيه كويسه و عشان تبقي ويب ديفيلوبر يكون معاك يا اما ASP.Net ودي برمجتها بلغه ال#C او يا اما يكون معاك PHP ودي اشهر حاجتين في سوق العمل و طبعا تكون فاهم شويه database زي ال SQL او ال Oracle ده مع ال ASP.Net انما لو PHP يبقي يفضل MySQL.

    اهم حاجه بعد ده كله هو انك تكون انت عايز تكون ايه.. مش السوق هو اللي يفرض عليك انت تكون ايه عشان تقدر تبدع و تكون حاجه و سط المجتمع .. عشان بجد الواحد تعب من النقطه دي

    لو علي الشغل بقي يا افندينا .. هتلاقي في جرنال الوسيط في الوظائف لو دورت و لازم تروح بنفسك تقدم السي في و الشغل بتاعك و المرتبات بتكون كويسه شويه و انت ممكن بعد ما تذاكر و تبقي كويس كويب ديزاينر هتلاقي نفسك بتشتغل بالحته يعني ايه ؟؟ يعني تعمل بانر فلاش و تبيعها تعمل حته فوتوشوب و تبيعا انما لو هتتعمل موقع لوحدك كامل بالفلاش فده مبلغه كويس اوي ( التجربه دي انا كنت فيها ).
    الشغل طبعا بيبقي في شركات و دور كويس علي شركات محترمه عشان تقدرك بس قبل ما تدور لازم تكون مالي ايدك !! ازاي ؟؟ .. هقولك انا ازاي ما تكتفيش بالتصميمات اللي بتعملها و بس لا دور في المواقع و شوف الفلاشات اللي معموله و استنتج اتعملت ازاي و حاول تعملها لحد ما تعملها و لا تيأس ابدا ابدا ابدا الكلام ده مش علي الفلاش بس لا علي كله سواء كان فوتوشوب او حتي حته تقنيه بال HTML.
    كمان ذاكر شويه Actionscript وده البرمجه بتاعه الفلاش عشان في حاجات كتيره بس متقدمه مش هتقدر تعملها الا ب ال Actionscript .

    انا نفسي ارجع للكلام ده تاني لكن انا متعلق بالجيش و سنينه السوده عشان ده بيوقف المراكب السيره زي ما احنا بنقول. :p

    يلا يا افندينا يا رب اكون افدتك و لو في حاجه رد في نفس الموضوع .. انا في الانتظار ...............

    سلام
    S | A | S | S | E | R
    T | H | E
    M | A | S | T | E | R

المواضيع المتشابهه

  1. استفسار هاااااااام
    بواسطة ZakiWilliam في المنتدى الأرشيف
    مشاركات: 0
    آخر مشاركة: 19-07-2013, 16:04
  2. ارجو المساعدة فى كورس الويب ديزاين !
    بواسطة agenth في المنتدى البرمجه والتصميمات الفنيه ( الجرافيكس )
    مشاركات: 0
    آخر مشاركة: 26-12-2012, 19:25
  3. استفسار هاااااااام ويريت تفيدونى يا اساتذة
    بواسطة عطايا في المنتدى الأرشيف
    مشاركات: 1
    آخر مشاركة: 31-03-2012, 13:28
  4. ارجو المساعدة فى معرفة ما ابدا به فى دراسه فى مجال برمجة وتصميم صفحات الويب
    بواسطة اخمد هيثم في المنتدى البرمجه والتصميمات الفنيه ( الجرافيكس )
    مشاركات: 1
    آخر مشاركة: 02-10-2011, 04:12

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •