إيش عرفك أنت بالناس الفقرا إلي مش لاقيين قوت يومهم؟
إيش عرفك أنت بالمرضى إلي مش لاقيين تكاليف العلاج
ولا مكان آدمي يتعالجوا فيه؟
إيش عرفك أنت بملايين الشباب إلي بتتخرج ومبتلاقيش فرصة عمل ولو في فرصة عمل بيبقوا تحت رحمة أصحاب العمل وبيتم استغلالهم؟
إيش عرفك أنت بالطعام الملوث والمحاصيل الزراعية إلي بتتروي
بمياه الصرف؟
إيش عرفك أنت بالمحاصيل المسرطنة؟
إيش عرفك أنت بالموصلات المتهالكة والزحمة في المترو والاتوبيس؟
إيش عرفك أنت بإشارات المرور إلي ممكن الناس تقف فيها بالساعات متعطلة مصالحهم؟
إيش عرفك أنت بالشباب إلي بترمي نفسها في البحر وبتحاول تهاجر وتهرب من ظروف المعيشة السيئة؟
إيش عرفك أنت بالفساد إلي مالي البلد ومصالح الناس
إلي مش بتمشي غير بالرشاوي؟
إيش عرفك أنت بفساد الجهاز الإداري في الدولة؟
إيش عرفك أنت بالتعذيب وإهانة المواطنين في أقسام الشرطة وعلى يد رجالها من أصغرهم إلى أكبرهم؟
إيش عرفك أنت بطوابير العيش إلي ناس بتموت فيها علشان يجيبو كام رغيف؟
إيش عرفك أنت عن مياه الشرب الملوثة بالصرف؟
إيش عرفك أنت بالشوارع إلي مليانة مطبات ومفيهاش إضاءة ومليانة أكوام زبالة؟
إيش عرفك أنت بالكنيف ولا بناس الكنيف؟
إيش عرفك بخريج جامعة أو تعليم متوسط مش لاقي شغلانة
لا بشهادته ولا من غيرها ومعندوش واسطة؟
إيش عرفك بواحد أبوه اترفد من شغله ومابقاش يقدر يصرف عليه
ولا على اخواته فاضطر يسيب المدرسة و يدور على رزقه في الشوارع؟
إيش عرفك بمهندس خبرة خمس سنين لأ وبيشتغل و بشهادته وقطاع خاص ومع ذلك مرتبه ما يجيبلوش شقة لو حوشه كله 15 سنة؟
إيش عرفك أنت بإحساس شاب لسه في العشرينيات وقلبه حزين وعنده إحباط ويأس الدنيا كله راكبه وتشوفه تديله 100 سنه؟ ما هو اتقتل طموحه وكل الأبواب سدت في وشه رغم أنها مفتوحة على مصراعيها للأغبياء والفاشلين
إيش عرفك بواحدة ست عجوز ماتت وهيا لوحدها بتبكي لأن أبناءها كلهم سافروا إلى الخليج بعد ما ضاقت بهم الدنيا هنا؟
إيش عرفك أنت بغرفة وصالة ساكن فيها 3 أسر بملحقاتهم؟
إيش عرفك أنت بناس ساكنة في عشش كل 10 أسر ليهم حمام واحد مشترك؟
إيش عرفك أنت بواحد ولا واحدة عزيز النفس مش لاقي يأكل عياله ويسترهم وبيستعفف ومش هاين عليه نفسه يشحت؟
إيش عرفك أنت بناس بتموت عشان مش لاقيين تمن الدوا؟
إيش عرفك غلبانة بتحط القرش على القرش علشان تجيب خلاط لجهاز بنتها لحسن الجوازة تبوظ؟
إيش عرفك بناس عايشة في عشش كل 10 أسر منها
مشتركة في حمام واحد؟
إيش عرفك أنت بواحد ولا واحدة عزيز النفس مش لاقي يأكل عياله ويسترهم وبيستعفف ومش هاين عليه نفسه يشحت؟
إيش عرفك أنت بناس بتموت عشان مش لاقيين تمن الدوا؟
إيش عرفك أنت بشباب بيسب ويلعن في اليوم اللي أهله خلفوه فيه
علشان حاسس أن خير بلده مش لأهلها؟
إيش عرفك أنت بشباب ماشيين مع بعض ويوقفهم ظابط
معفن بـ50% ويقول لهم طلعوا بطايقكم بقمة الصفاقة
وقلة الأدب وممكن يمد إيده عليهم كمان؟
إيش عرفك أنت بالمواصلات الميكروباصات والأتوبيسات والتوكتوك؟
إيش عرفك أنت بالستات إلي بيتروح للفرارجية علشان يشتروا كيلو رؤوس وأجنحة فراخ يعملوا عليهم مرقة ياكلوا بيها؟
إيش عرفك بأم الأيتام إلي بتدور تشحت علشان جوزها
كان عامل سريح مالوش معاش؟
إيش عرفك بالملايين اللي هجوا بره الكنيف وكتير منهم
إيش عرفك يعني ايه تكون بتشرف على بناء وتشطيب شقق وأنت مرتبك ما يسمحلكش تحلم بأوضة حتى مش بشقة؟
إيش عرفك ومين فينا أصلاً عايز يعرفك؟
إيش عرفك أنت بينا أنت مش مننا على فكرة
من الآخر خليك بعيد لأنك متشرفناش رغم إن إحنا نشرفك
(منقول بتصرف)
المفضلات