اخي الكريم بصراحه انا لا افقه كثيرا فى هذا النظام العملاق للاسف الكبير ولكني سأقوم بنقل موضوعك الي قسم الينكس
وان شاء الله اخوانا فى القسم يقوموا بتقديم المساعده الكفايه لحل مشكلتك
لما جيت أعمل أبجريد للينكس 10.10 بلينكس 11.04 طلعلي رسالة المساحة غير كافية
فهل ممكن أزود مساحة بارتشن اللينكس
ولو ينفع ازااااااي
ولكم مني جزييييييل الشكر
اخي الكريم بصراحه انا لا افقه كثيرا فى هذا النظام العملاق للاسف الكبير ولكني سأقوم بنقل موضوعك الي قسم الينكس
وان شاء الله اخوانا فى القسم يقوموا بتقديم المساعده الكفايه لحل مشكلتك
أشكرك لاهتمامك وردك
جزاك الله خيرا
السلام عليكم ورحمة الله وبركاته
طبعا ينفع اخى وبمنتهى السهولة بس لازم
اعرف من حضرتك الاول شوية حاجات
ايه نوع التوزيعة اللى شغال عليها
وعلى حضرتك عندك اساسا على الهارد مساحة فاضية ولا لا
وعلى البارتيشن اللى انتا منزل عليه اللينوكس نوعه برايمارى ولا لوجيكال
عشان لما نيجى نرحل السيكتورز فى حالة اذا كان برايمرى هتقابلنى بعض العواقب
ياريت ترد علىا سريعا كى اساعدك فى حل تلك المشكلة
================================================== ===
Red Hat Certified Engineer :// Moustafa Nabil El-Zeny
Certificate # : 805011574559892
لا ما تقلقش إن شاء الله تقدر تزود المساحه عن طريق ال Live CD
______________________________________
أولا ألف شكر لحضرتك ع الأهتمام
أنا شغال ع أوبنتو 10.10
وعندي مساحة ع الهارد كافية
والبارتشن لوجيكال بس مساحته 7 جيجا بس وعشان كدا قابلتني الم**** دي لما جيت أعمل أبجريد لأوبنتو 11.04
ألف شكر ليك وى واا
بس أنا مش عارف الطريقة
أولا نصيحه أصبر على الـ 11.04 دلوقتى لأنها لسه بيتا والنسخه النهائيه كمان 9 ايام زى ما انا كاتب فى توقيعى
بس على العموم لو مستعجل
خش من على الـ LiveCD لأى نسخه
وافتح برنامج GParted
واختار البارتيشن الخاص باللينكس واعمله Resize وزوده مثلا 5 او 10 جيجا ..
لو مالقتش فى مساحه ممكن تزودها ليه
روح على البارتيشن اللى بعده واعمله ريسيز وقلل منه مثلا 5 او 10 حسب ما انت عاوز تزود لكن يكون التقليل فى اول مربع مش التالت
وبعد ما تعمل كدا ارجع لبارتيشن اللينكس وزوده ال5 او 10 جيجا اللى جبتهم من البارتيشن اللى بعده ..
جرب كدا وقولى لكن .. لو الجهاز فصل او اقفل وانت بتغير مساحات البارتيشنات هيعملك مشكله كبيره ..!!
حبيت انبه للنقطه دى علشان انا فرمت الهارد بتاعى مرتين بسببها .. اختار وقت يكون فيه مستحيل الكهربا تقطع .. مثلا الفجر او دلوقتى :D
______________________________________
أوكي أنا هاخد بنصيحة حضرتك مع إني متشوق جدا للتحديث بس أكيد انت أدرى
بس طلب بسيط أوي من حضرتك : ياريت لو تقولي ع الفرق بين النسخة 10.10 & 11.04 _لو متاح_
ويعني إيه بيتا وإيه الفرق بينها وبين النسخة النهائية ؟؟؟؟
ولك مني كل الشكر والتقدير لاهتمامك .......
النسخه البيتا بتبقى لسه تجريبيه يعنى ممكن تلاقى مشاكل فيها ..
النسخه النهائيه معناها فى اسمها نهائيه يعنى اخر حاجه من النسخة
الفرق بقى بين 10.10 و 11.04
كل اصدار من التوزيعه بيعملوا تجديدات مثلا ..
- تحديث النواه وتسريع النظام
- واجهه مثلا جديده
- تصميم جديد بحيث مثلا يكون اجمل أو أسهل فى الوصول لخصائص النظام
انا خبرتى على قدى ومش اعرف اكتر من كدا فى التفاصيل يعنى ..
سؤال: مساحه بارتيشن اللينكس عندك كام ؟
______________________________________
تمام أوي طيب لما النسخة النهائية تنزل إن شاء الله في رأيك لو عملت أبجريد أفضل ولا عن طريق الاسطوانة والتنزيل من البداية أفضل؟؟؟؟ البارتشن عندي 7 جيجا معلش لو بتعبك معايا أسئلة ويا ريت ماكنش مضايق حضرتك
يا راجل عيب عليه بتضايق وتتعب مين بس
احنا هنا كلنا علشان نساعد بعض
البارتيشن صغير جدا
انصحك تنزل النسخه باسطوانه علشان تضمن ما يحصلش اى مشاكل فى الأبجريد
لكن ده هيشيل تقريبا كل الأعدادات اللى عملتها فى النسخه اللى قبل كدا ..
______________________________________
ألف شكر لحضرتك ، أكيد أنا استفدت كتيييير
وإن شاء الله في ميزان حسناتك
جزاك الله خيرا
نفذ هذا:
sudo rm -Rf /var/cache/apt/?rchive
ثم انظر للمساحة.
هذا سيحذف الحزم الموجودة (المثبت سيبقى كما هو، لكن ارشيف الحزم سيحذف!)
نفّذ أيضاً
sudo rm -Rf /tmp/*
المفضلات