يا جماعة هو مفيش حد ممكن يفيدنى هنا ولا ايه ؟؟؟
انا محتاج اللاب جدا وللأسف مش عارف الاقى جهاز ممكن اثبت عليه
ياريت حد يفيدنى برأيه
صراحة يا جماعة انا عاوز اشترى لاب يكون كويس ويستحمل معايا لزمن ومش اغيره علطول لأنى مش من هواة
التغيير
انا عامل حسابى فحدود 5000 جنيه مع اى زيادة بسيطة مش مشكلة بس للأسف انا محتار شوية وكل شوية حد
يقولى علشان اللاب يكون جامد معاك يبقى لازم ... ودى اراء كذا شخص وعاوز رأيكم فيها
فيه ناس قالو ان توشيبا كويس وناس قالوا ان لو حاجة باظت فيه هتعب على ما اغيرها لأنه مش ينفع يركبله
اى قطع من اجهزة تانية
ناس يقولوا ان HP احسن من توشيبا
ناس يقولوا اهتم بالبروسيسور وان الباص بتاعه مش يكون اقل من 1066 علشان يكون كويس
فيه رأى تانى يقولى ان الاهم كارت الشاشة وانه يكون عالى ... وطبعا شوية يقول Geforce وشوية
ATI
رأى يقولى ان HP بلاش اجيب فيه غير V7 لأن V6 نازل من فترة
وناس تانية خالص يقولوا بلاش لاب دلوقتى واستنى هينزل حاجات احسن واجدد والاسعار هتنزل
انا طبعا قربت اتجنن ومش عارف اوصل لأيه
انا طبعا نفسى اجيب جهاز اقدر اجمع فيه كل امكانيات ممكنه ويكون شغال كويس للجرافيك وكمان الالعاب واكيد
شغل الكلية يعنى مثلا اوتوكاد وساب وكدا... يعنى عاوز لاب يقدر يعمل كل حاجة
اكيد مش هقدر اجمع كل المزايا فواحد بالسعر اللى معايا بس انا بحاول على قد ما اقدر
ياريت حد يساعدنى ويقولى على لاب يكون كويس وياريت يكون Hp او توشيبا لأنى شايف عليهم اكتر الاقتراحات
مفيش مشكلة استنى فترة بسيطة اوى لو هيكون فيه حاجة احسن ... بس اكيد مش عاوز طول عمرى استنى
انا من المنصورة بس مفيش مانع لو ممكن انزل القاهرة لو هيكون افضل بس اكيد هكون محتاج اعرف الاسعار
الموجودة وكمان اعرف المكان
انا اسف جدا على لأنى طولت عليكم جدا بس اتمنى حد يساعدنى فالدايرة الكبيرة اللى عمال الف فيها لوحدى دى
مشكورين جميعا
يا جماعة هو مفيش حد ممكن يفيدنى هنا ولا ايه ؟؟؟
انا محتاج اللاب جدا وللأسف مش عارف الاقى جهاز ممكن اثبت عليه
ياريت حد يفيدنى برأيه
أنصحك أخى بتوشيبا
أجهزة سمعتها كويسة من زمان
و دول جهازين مواصفتهم تعتبر كويسة جدا و دى أسعارهم فى مصر من حوالى شهر فممكن أسعارهم تكون نزلت عن كدة دلوقتى و أنا إن شاء الله هاجيب لنفسى واحد منهم خلال أسبوع بس من السعودية
Toshiba Satellite A505
core 2 due 2.13 / 3mega cash
hard 500 giga
ram 4
16" wxga
VGA ATI 4330 (512)
سعره تقريبا 5500 جنيه و بيتهيألى ممكن يكون سعره نزل دلوقتى
و فى موديل تانى منه بس كارت الشاشة أقل intel up to1534 m
و سعره فى حدود 4500 إلى 4800 او أقل من كدة كمان
التانى
Toshiba Satellite Pro A300
core 2 due 2.16/2m cash
ram 4
hard 250
VGA ATI 3450 up to 1700
15.4"
و سعره حوالى 4600 و فى منه Satellite عادى مش Satellite pro ب 3900 إلى 4000
و البرو أحسن لأنه مصنع من الخارج من التيتانيوم و استحماله أفضل
و فى منه كمان بكارت 512 بسعر اعلى
و مجملا انا أرى إن الجهاز الأول ممتاز
و عموما انا بافضل التوشيبا و السونى بس التوشيبا أسعاره حلوة
و أهم حاجة الجهاز يكون core 2 due و طبعا السعر اللى حضرتك حطه يجيبلك جهاز ممتاز و جبار و كمان بكارت شاشة 512
و انصحك باول جهاز هاتلاقى إن شاء الله سعره دلوقتى اقل من كدة
وفقك الله
و لا تنسانا من صالح الدعاء
و على فكرة انا من المنصورة و ممكن أساعدك لو فى اى استشارة و تقدر تشوف أسعار الأجهزة دى دلوقتى من عند بيور أو كاريزما
مشكور جدا جدا انت فعلا طمنتنى
انا فعلا شفت اجهزة كتير وجان بينهم Toshiba Satellite A505-S6965 وانا لقيته احسن حاجة فيهم
بس انا من المنصورة ومش لقيته غير فالتوكيل اللى هناك
وعلى فكرة السعر بيزيد مش بيقل انا لقيته ب 5700 بس هجيبه برضه
انا تقريبا كنت ناوى عليه وانت ثبتت رأيى
شكرا جدا ويارب تجيب جهازك انت كمان
على فكرة يا باشا أنا من المنصورة و الجهاز ده موجود فى أكتر من حتة فى المنصورة فى xbox اللى فى شارع جيهان و فى تكنولوجى مول و كان سعره من شهر 5500 بس جاى من برة مش من توشيبا العربى يعنى الكيبورد إنجليزى و انت تلزق عليها استيكر الحروف العربى و كان موجود عند بيور بس أغلى شوية لأنه بكيبورد عربى جاهز
و كمان موجود منه كذه نوع بمواصفات مختلفة عشان كدة أسعاره مختلفة
بس اللى انا شفته كان بكارت 512 و بسعر 5500 جنيه إبسط يا عم
و شفت موديل تانى منه عند توكيل توشيبا بس بمواصفات أعلى من كدة و بسعر عالى قوى تقريبا فوق ال 6000
و اى مساعدة انا تحت امرك و هابعتلك رقمى على الخاص عشان تكلمنى أى يوم بين المغرب و العشاء عشان لو ليك أى استفسار و عشان أقولك تلاقيه فين
وفقك الله
انا سألت عند بيور وجاما فعلا الجهاز مش عندهم خالص
ومش لقيته غير فتوكيل توشيبا
وكمان كاريزما مش بثق فتعاملاته لأنه مش عبن مع واحد صاحبى... وكمان جبت منه قايمة اسعار والجهاز مش موجود
هو فيه معرض المنصورة دلوقتى اخره النهاردة 3/11 وانا خايف كمان لأسعار الجهاز تغلى فالتوكيل بعد المعرض
طيب وايه الحل ؟؟؟
انا فعلا دورت فعلا
لو تعرف مكان معين اكيد موجود فيه يا ريت تقولى علشان اسأل بكرا قبل اخر ميعاد للمعرض اللى معمول وسعره الاقيه اغلى كمان
هو كان فعلا موجود عند بيور عامل 5650 من فترة لكن فالاسعار الجديدة اول امبارح قالولى الجهاز مش بقى موجود علشان كدا شفت توشيبا العربى
وكمان سألت ومش موجود عند جاما ولا لاب توب شوب ولا كارزما
حضرتك رأيك ايه يترى ممكن يغلى بعد المعرض ولا ايه النظام ولا الاقيه فين اكيد وانا اسأل بكرا
الجهاز كان موجود عند كاريزما و xbox اللى جنبه و عند بيور و تكنولوجى مول اللى فى الجلاء بس الكلام ده من فترة
و الحقيقة انا ماعرفش حاجة عن موضوع المعرض ده بس عموما الأجهزة عادة بترخص
و ممكن أدورلك على الجهاز بكرة إن شاء الله فى الاماكن دى
و ممكن حضرتك تكلمنى دلوقتى و إن شاء الله تلاقى الجهاز
انا رأيي طلما دخلت فى 5000 او اكتر شويه يبقى خليك فى سونى فايو واعتقد انه ميختلفش عليه اتنين ماركه سونى ماركه محترمه ومفيش حد يقدر يتكلم عليها وعلى ادائها نص كلمه وشياكه بصراحه ودا رأي شخصى
المفضلات