مين احسن انستروكتور درست عندة?

**shams84eg** · 31-10-2009, 13:24

بسم الله الرحمن الرحيم
طبعا دخلت المنتدى الضخم ده وفوجئت ان الواحد كان فى عالم تانى خالص ..وما شاء الله مكونتش اعرف ان عندنا ناس بالشكل ده والخبرة ديه كلها وماشاء الله علم ودين فديه تعتبر رسالة تحية لكل واحد فى المنتدى الجميل ده...

وحبيت يكون اول موضوعى هوة ان مين احسن انستروكتور درست عندة واستفدت منه ايه بحيث نتبادل خبراتنا معاهم ونقدم رسالة شكر ليهم على اللى علمونا اياة وياريت محدش يذكر عيوب حد يا جماعة قول المميزات بس وياريت تقولولنا اخدتو الكورس فين واسم الانستروكتور لو امكن ودرست عنه ايه

وطبعا حبدأ بنفسى..

طبعا انا مكنش ليا فى الكمبيوتر اوى شات تصفح والذى منه لحد ما واحدة صحبتى قالتلى فيه كورس اسمه الاى تى
it essentials 4.0 شوفناة على النت ودورنا على مراكز كتير فى اسكندرية ولقينا it club alex فى العصافرة وسجلنا فى الكورس وثمنه 250 جنيه وعلى فكرة كان قليل جدا بالنسبة للى اتعلمنا من الانستروكتور وهو اسمه م/احمد حسن وما شاء الله عليه خلصنا تقريبا حاجات كتيرة اكتر من الكورس واسلوبه جميل جدا فى الشرح ومعلوماته كتيره جدا وبعد ما خلصنا لقينا نفسنا واقفين على ارض صلبة وابتدينا فى مجال IT وعلى الرغم من انى اتصالات بس اتعلمت الكتير منه فجزاة الله عنى الخير وعلى فكرة هوة معانا فى المنتدى وحستأذنه ارفع فيديوهات شرحة للكورس

ودلوقت مستنيه ردودكم واحسن انستروكتور اخدت معاة كورس

والسلام عليكم

**dooby__** · 31-10-2009, 16:41

انا درست ال CCNA و الحمد لله مع اثنين مدرسين من اروع ما يكون

في السودان في شركة داتانت مع المهندس عمر عفيفي
في حيدر اباد - الهند في زووم الاستاذ عبد الرحمن

ال CCNP
في حيدر اباد - الهند في زووم مع المهندس ادريس

**dooby__** · 31-10-2009, 16:43

اللينكس كمان
في حيدر اباد - الهند في زووم مع المهندس (ماستان)
انسان متمكن جدا و اللينكس بيجري في دمو

و المدرسين الي ذكرتهم بيتمتعوا باسلوب ممتاز لتوصيل المعلومة

**MAGA** · 01-11-2009, 01:50

حلوة الفكرة

انا بديت مع الرائع محمد أبو لبدة طبعا هو فلسطيني كانت بدايتي معاه CCNA في معهد JICC بجده !!

شي ما انساه منه أبدا التزامه وحبه للعلم طبعا من غير تشدد

فعلا أثر في حياتي كثير !