تقريري عن Athlon II X2 240 و MSI 770-C45 و اختبارهم قبل و بعد كسر السرعة

[A-Bomb]

السلام عليكم و رحمة الله و بركاته

من اسبوع قمت بتجديد الجهاز السابق بشراء معالج, لوحة ام و رامات.
و قررت اعمل تقرير بسيط عن الحاجة الجديدة...مع ملاحظة ان التقرير و الاختبارات لا تضمن العاب(و لكن من الممكن اضافتها مستقبلا ان شاء الله) و دا للاسباب التالية:
1-مش بالعب اصلا:D
2-مش عندي اي نوع من الالعاب القوية و حتي لما جبت بعضها جهازي مش مجهز لهم, الشاشة 17 crt و كرت الشاشة مش قوي و الرامات 2جيجا بس.
3- اكتفيت باختبارات3DMark بس للتوضيح.

الاختبارات عملتها مرتين...مرة من غير كسر سرعة لأي شئ, و مرة بعد كسر سرعة المعالج و الذاكرة بنسبة بسيطة للاسباب التالية:
1-الاستقرار..بعد 3.5GHzالجهاز غير مستقر بالمرة لدرجة انه ساعات مش بيوصل للويندوز اصلا
2- عند 3.5GHzالجهاز غير مستقر خلال فتحه او غلقه..لكن البرامج شغاله عادي اذا تمت عملية الفتح كاملة بدون مشاكل
3- الباور عندي مش قوي و لذلك قررت عدم زيادة الفولط لأي من الاجزاء و دا اكبر سبب لعدم وصولي لسرعات عالية
4- طبعا من غير مبرد احترافي, فمهما عملت برضوا هاتكون سرعة لا ترضي طموحي بالمرة.
و لذلك...من الممكن لو قمت بشراء باور جديد و مبرد اني اعمل موضوع تاني بإذن الله.

اولا مع بعض الصور و المواصفات:

اللوحة الأم:




البوردة اكتر من ممتازة بالنسبة لسعرها(450جنيه)
مواصفاتها هي:

Support for socket 938 AM3 CPUs including Phenom II and Athlon II series.

AMD 770X northbridge

AMD SB710 southbridge

Four 240-pin DDR3 memory slots supporting 1,066 and 1,333MHz DIMMs, with DDR3 1600(O.C.) overclocking support for up to 16GB in total

One PCI-Express 2.0 x16 slot

Two PCI-Express 2.0 x1 slot

Three PCI slots

Realtek ALC888S 7.1 channel high-definition audio codec

One Realtek RTL8111DL PCI-Express Gigabit LAN

Six SATA 3Gbps from the SB710 supporting RAID 0, 1, 0+1 and JBOD

One IDE port

Twelve USB 2.0 ports (six rear I/O, six pin-outs)

مش جي معاها حاجة تذكر..دليل الاستخدام, اللوحة الخلفية, كابل ساتا, اسطوانة تشغيل و كابل للfloppy
فيها بعض الخصائص مثل:

• APS is Active Phase Switching is complete function to Control Power Demand With Switcing Dynamically, it’s for CPU, Memory and Chipset PWM.
• Saving Power under Variable Loading.
• Power Usage More Efficiency.

• Faster and Flexible and instant
• If BIOS crash, it still can boot from USB Drive
• Update BIOS from USB Drive by M-Flash Fucntion

• Help end-users upgrade CPU FSB directly
• Buy an essential CPU but want to reach higher performance
• Skip the complicated BIOS OC setting and enjoy the higher level CPU performance

The MSI Live Update online is designed to automatically download and update the BIOS and driver when there’s a new version online. It helps reduce the risk of getting the wrong file and minimize the trouble of searching the files from MSI website.

Live Update 3 is a single utility software that automatically checks BIOS, driver and utility updates and installs for you , which can save your time for searching and lower the risk while updating.

و هي اضافات كويسة علي الرغم اني مش باستخدم منها غير الLive Update

المعالج:


هو ينتمي لأسرة Regor اللي هي معالجات ثنائية النواة منزوعة الL3:D
باقي المواصفات عادية جدا..سرعته 2800MHz الذاكرة الكاش L2 فيه 1MBx2 و هو مصنع بتقنية 45nm و استهلاكه للطاقة 65w و طبعا AM3

2.8 GHz

45nm SOI

2MB

socket AM3

65W

الماوس الx7 اهو علشان تتأكدوا انه هو فعلا



اسف علي جودة اخر صورتين..كاميرا بتاعت المحمول, حتي كان في صور اكتر بس فضلت اجيب من النت بدل اللي مصورهم بنفسي.

ثانيا الاختبارات:

نظام الاختبارات:
Processor : AMD Athlon II X2 240(Regor 2.8GHz)
Motherboard : MSI 770-C45
Memory : Kingston 2GB DDR3-1333(@1333)
Graphic Card : Radeon 4670 DDR3 1GB
HDD : WDC WD3200AAJS + WDC WD6400AACS
Power Supply : HEC-500W Raptor

اما كسر السرعة فكان للاتي:
CPU@3.4GHz
Ram@810MHz = 1620MHz
Stock speed



Overcolcked




نظرا لاستبعادي الالعاب فاخترت شوية اختبارات تشمل اغلب(ان لم يكن كل)المجالات اللي بيتم استخدامها عادة غير الالعاب...و البرامج هي:
Memory and CPU Benchmark:
Everest Ultimate

Synthetic Benchmark:
3DMark06 - 3DMark Vantage
قمت بعمل اختبار كامل في النسختين, علشان اشوف الفرق في المجموع الكلي قبل و بعد كسر السرعة...و في النخة الجديدة vantage قمت بتغيا اختبار المعالج لوحده و كانت التنيجة واحدة اذا كان وحده او ضمن مجموعة الاختبارات كلها.


Graphics and 3D Rendering:
Cinebench R10
POV-Ray 3.62

Cinebench

CINEBENCH is a real-world test suite that assesses your computer’s performace capabilities. MAXON CINEBENCH is based on MAXON’s award-winning animation software CINEMA 4D, which is used extensively by studios and production houses worldwide for 3D content creation. MAXON software has been used in blockbuster movies such as Spider-Man, Star Wars, The Chronicles of Narnia and many more.
MAXON CINEBENCH runs several tests on your computer to measure the performance of the main processor and the graphics card under real-world circumstances. The benchmark application makes use of up to 16 CPUs or CPU cores and is available for Windows (32-bit and 64-bit) and Macintosh (PPC and Intel-based).
The resulting values among different operating systems are 100% comparable and therefore very useful with regard to purchasing decision making. It can also be used as a marketing tool for hardware vendors or simply to compare hardware among colleagues or friends.

POV-Ray

Ray-tracing is a rendering technique that calculates an image of a scene by simulating the way rays of light travel in the real world. In the real world, rays of light are emitted from a light source and illuminate objects. The light reflects off of the objects or passes through transparent objects. This reflected light hits our eyes or perhaps a camera lens. Because the vast majority of rays never hit an observer, it would take forever to trace a scene. Ray-tracing programs like POV-Ray start with their simulated camera and trace rays backwards out into the scene. The user specifies the location of the camera, light sources, and objects as well as the surface texture properties of objects, their interiors (if transparent) and any atmospheric media such as fog, haze, or fire.
Lower render times are better, however higher Pixel Per Second rendering values are best. Pov-ray is multi-threaded.

Real time Multitasking, Image Editing and Video Encoding :
Custom PC Benchmarks Suite 2007
عبارة عن مجموعة برامج منها GIMPو Handbreak video encoder و هم بيشتغلوا عادي جدا في سلسلة من العمليات و في النهاية بيتم اعطاء الجهاز نقاط تقييم...طبعا الاعلي افضل. أنا استخدمت البرنامج دا لأنه بصراحة وفر عليها كتير, الاول كنت بقعد ادور علي فيديو مناسب و حجمه مناسب و احولة بأكتر من برنامج لأن كل برنامج مختلف عن التاني و لأكتر من codec فكانت النتيجة ان كل حاجة مختلفة عن التانية...لكن الsuite دي انجزت, لأن حجم الفيديو واحد و بيتم تحويله من امتدادا لامتداد تاني بنفس البرنامج_الفيديو الاول كان 2:45دقيقة 720x576 و mpeg-2 و بيحوله لx264 التاني للاسف مش فاكر) لكن لمعلومات زيادة عن الرنامج ممكن زيارة موقع
Custom PC
Bit-Tech

Audio Encoding:
dBpoweramp Music Converter
1- Single Task : Single ~375 APE file to standard MP3 Lame 190 Kbps VBR
2- Multitask : 13 APE files=354MB to standard MP3 Lame 190 Kbps VBR

تحويل الملفات من امتداد lossless الي امتداد lossy

File Compression:
Winrar Compression 700MB Video File

ضغط ملف فيديو حجمه 700ميجا
و جربت اختبار 7-zip لكن نتائجه كانت غير مضبوطة خالص و غير دقيقة فقلت مش لازم احطه.


wPrime:
Multithreaded 32M Prime Calculation
برنامج بيحسب ال....الفكرة ان البرنامج بيعمل عملية او عمليات حسابية بيتضغط علي المعالج و بيتم استخدام 100% منه





نبدأ الاختبارات:

Memory and CPU Benchmark:

Everest Memory and Cache:

Stock Speeds


Overclocked

Synthetic Benchmark:











Graphics and 3D Rendering:





POV-Ray:

Render Average:

Render Time:

Multitasking, Image Editing, Video Encoding and Audio Encoding :

Audio Encoding:

Single CPU



Multitask








File Compression and wPrime:

النتيجة:

أنا ماجبتش سيرة الذاكرة خالص, لأنها في رأيي عادية, دا غير انها كانت من المعوقات قدامي في كسر السرعة هي و الباور....
المعالج أكتر من ممتاز, و سعره كويس جدا مقارنة بأخوه الاكبر الAthlon II X2 250
ال240 بيتباع ب360جنيه
في حين ان ال250 في حدود ال450 جنيه يعني 90جنيه فرق سعر في حين ان فرق الاداء لا يذكر.
قدرة المعالج في كسر السرعة اكتر من جيدة لكن مشكلتي زي ما قلت كانت في القطع الاخري.
اللوحة الام, بعد محاولات في ايجاد عيوب..لقيت عيب وحيد سئ لحد دلوقتي و هو الحرارة..الجسر الشمالي تبيرده تقلدي جدا(ماكنتش متوقع اكتر من كدة بصراحة في السعر دا). لكن الفكرة ان طول عمري كنت شغال علي Abit اللي كان تبريدها فوق الممتاز...عامة مع مبرود احترافي للمعالج ممكن المشاكل دي كلها تتحل.
كسر السرعة..علي الرغم انه بنسبة قليلة, لكن في حاجات كتير ظهر فيها فرق واضح زي winrar و audio, video encoding و كمان اختبارات الgraphics

و بكدة أكون خلصت التقرير عن القطعتين دول...اتمني انه يكون غطي اغلب المواضيع, و علي وعد ان شاء الله اول ما تسمح الفرصة اني اضيف العاب له. و لو حد عنده اي تعليق علي حاجة او استفسار او حاجة ناقصة يقولي..و اسف لو كان في اخطاء لكن الموضوع خد مني اكتر من اسبوع بجهز فيه و باشوف انسب سرعة للمعالج و باجيب برامج..ففعلا مش حاجة سهلة, و اكتشفت قد ايه المواقع اللي يتعمل احتبارات باستمرار شغلهم مش حاجة سهلة قوي.

ملحوظة: أنا بعد ما كتبت عنوان لكل رسم بياني اكتشفت ان العنوان أنا كنت كاتبه في الصورة نفسها, فكانت النتيجة مثلا انه مكتوب:
Everest CPU كاتبها هنا في الموضوع و تحتها علي طول
Everest CPU مكتوبة في الصورة فقلت اشيل اللي في الموضوع.
للاسف مش عارف ازاي كنت اضيف علامة مائية للحاجة باسم المنتدي بس عادي يعني مش مشكلة.

كلمة اخيرة:
شكرا لكل من(من غير ترتيب)
joker, vmidov,khaled khalil, cross fire, spidermohmd, arabhardware
للاسباب التالية::p
جوكر و دكستر...حمسوني اني اجرب سرعات تانية و قعدت يوم كامل بجرب في ترددات مختلفة و اعدادات مختلفة لحد ما وصلت لسرعة مناسبة من غير زيادة فولط لأي حاجة.

خالد خليل...خلاني اجيب العاب, مع اني ماستخدمتش حاجة منها في الاختبارات, لكن هاضيفهم قريب ان شاء الله.

كروس و سبايدر...دوختهم معايا و كروس قعد يختار حتي الوان الcharts لحد ما وصلنا لانسب الوان, و سبايدر جننته شوية بس رأيه كان يهمني.

عرب هاردوير..لأنه عرفني علي ناس زي العسل:D

تعديل 1:
درجات الحرارة:
أنا مش ناسيها, بس كنت قاضد اني ماحطهاش, لأني اكتشفت ان الx2 240 و ساعات الregor عامة فيهم مشكلة في قراءة الحرارة...بس بما اني شكاك بطبعي فقلت اتأكد بنفسي:
من غير كسر سرعة و تحت ضغط 100% كانت دي النتيجة بعد 10 دقائق:


و بعد كسر السرعة و تحت 100% ضغط لمدة 10 دقائق:


عارف ان 10 دقائق مش كتير, لكن كان في اختبارات اطول جربتها و برضوا نفس النتيجة...فقلت مستحيل الحرارة تزيد بس درجتين بعد دا كله. ففضلت اني ماحطش نتائج درجات الحرارة ضمن الموضوع الاساسي....دا غير ان الcore temp برضوا مش منطقية, AMD Overdrive مبينها 36درجة بعد الضغط و مش يتزيد عن كدة.

Sadly, the tested model gave faulty temperature readings, like many other AMD processors out there. Under idle it showed a reading below the ambient temperature, which was enough to dismiss readings as not valid. AMD Overdrive was used to monitor the core temperature.

[crypt76]

ألف ألف مبروك يا سيدي العزيز، بجد يعني، أخييييييييييراً

[XMasterrrr]

ألف ألف مبروك يا بومب بيه يتربى فى عزك و تخاويه كدة بال i5 كل واحد على ادوا هههههههه مبروك ياباشا

[vmidov]

الله عليك يا نجم بجد ممتااااااااااااز تقرير فى الجون وحلوه أوى حكايه الرسومات ونتائج جامده جدا أيه رأيك طيب تحب تخشلى منافسه مع ال945 X4 :ah51:
وياباشا لا شكر على واجب دا انا اللى تعبتك معايا ومجرد ذكر أسمى فى موضوع زى ده حاجه تشرف
ألف مبروك يا بمبوب وعقبال ال5870x2 CF :ah25: وأجدد شكرى معاك لعرب هاردويير :ah7:

[NEO701]

ألف مبروك يابومب .. ربنا يباركلك فيه .

[spidermohmd1]

ألف ألف مبروك يا بومب و تقرير ممتاز ... تم التقييم

[BlacK ShaDoW]

الف مبروك يا بومب
تقرير ممتاز و أداء رائع :ah7:

تم التقييم

[محمد الجوهري]

الله عليك يا بومب
شغل على ميه بيضا
بس نسيت حاجه مهمه
درجات الحراره عامله ايه .. يعنى ياريت صوره
بخصوص مشتت الجسر الشمالى
انا كمان عندى مشتت الجيجابايت مش اللى هو اوى ... عادى يعنى
و البورده دى تتفوق على الجيجابايت فى النواحى التاليه :
1) DDR3
2) COM Port
3) 3 اماكن PCI مقابل 2 للجيجابايت
4) توزيع اماكن كابلات الساتا فيها أفضل عند عمل تنظيم للكابلات

عيوبها :
1) مكان ال IDE Cable فيها غبى جدااا
صحيح افضل من الجيجابايت و لكنه ما زال
يشكل مشكله لاصحاب الكروت كبيره الحجم
2) 6 منافذ USB فقط !!!
تعديـــــل :
ما عرفتش أقيمك .. لك عندى تقييم لما اجيب سماعات
تم التقييم للموضوع
شغل رائع من إنسان تعودنا منه على التميز

[wild cat]

الف مبروك ياريس على القطع الجديده ومعلش جت متاخر شويه

وتقرير رائع منك فعلا

[Black-Edition]

ماشاء الله

تقرير ممتاز ومفيد جداااا

وتحليل ولا كلمة من استاذ محمد الجوهري

وان شاء الله هيكون هو ده معالجى القادم

وليك منى اخلى تقييم

[A-Bomb]

الف شكر يا شباب
جوهري..
شكرا علي المقارنة بينها و بين الgigabyte
الفكرة ان العيوب اللي قلتها مع انها صح100% الا انها مش عيوب ليا..
مش عندي ولا بفكر اجيب كرت كبير...6 USB كتير عليا, أصلا بستخدم 4 بالكتير قوي دا غير ان لسة فيه 6 تانيين لو حبيت.
الgigabyte دورت عليها لكن مالقتهاش, كنت بفكر اجيبها بس قلت انه تقريبا سعرها هايكون اعلي علي الرغم ان البوردتين الي حد ما واحد. دا غير ان اصلا الموجودة لحد دلوقتي هي الAM2+ الا لو كانت الAM3 نزلت قريب.

أما بقي الحاجة اللي نسيتها متعمد و هي درجات الحرارة..فأنا عدلت اول مشاركة علشان يكون الموضوع اوضح

و الف الف شكر لكم مرة تانية يا رجالة.:D

[S@M]

تقرير رائع يا عزيزى وتم التقيم ...

[Marine]

الف مبروك يا بومب
تقرير ممتاز و أداء رائع :ah7:

تم التقييم

[mohamed790gx]

الف مبروك علي السرعه العظيمه دي

وصدقني مع الوقت هتلاقي نفسك بتكسر اكتر انا في اول شهر مع اللوحه الي فوق مقدرتش اعدي 3.2

لكن دلوقتي الحمد لله 3.6 والحراره عظيمه بالمشتت الstock

ليا سؤال هوا انا معتمد علي الكارت الداخلي باللوحه والباور jumpo جاي مع الكيس من النوع التجاري فهل ده ممكن يأثر علي الكسر ولا ايه مع ان معظم السويس ناس وسايبرات بيعتمدوا علي الكيس ديه والباور بتاعها

[A-Bomb]

وصدقني مع الوقت هتلاقي نفسك بتكسر اكتر انا في اول شهر مع اللوحه الي فوق مقدرتش اعدي 3.2

لكن دلوقتي الحمد لله 3.6 والحراره عظيمه بالمشتت الstock

ليا سؤال هوا انا معتمد علي الكارت الداخلي باللوحه والباور jumpo جاي مع الكيس من النوع التجاري فهل ده ممكن يأثر علي الكسر ولا ايه مع ان معظم السويس ناس وسايبرات بيعتمدوا علي الكيس ديه والباور بتاعها

هو تقريبا اللي وصلتله دا كدة اخري من غير زيادة فولط...
نصيحة, بلاش الباور دا علشان مايحصلكش مشاكل...او اشتغل بيه مؤقتا بس من غير كسر سرعة لأن كدة كتير عليه.