صفحة 1 من 5 1 2 3 4 5 الأخيرةالأخيرة
النتائج 1 إلى 15 من 66

الموضوع: تقريري عن المشتت المعجزه Vendetta 2 مع البروسيسور Core i7

  1. #1
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,776
    الدولة: Egypt
    معدل تقييم المستوى
    49

    تقريري عن المشتت المعجزه Vendetta 2 مع البروسيسور Core i7

    بسم الله الرحم الرحيم

    تقريري عن المشتت المعجزه Vendetta 2 مع البروسيسور Core i7

    مع البراكيت Force 2

    ياتي المشتت مع البراكيت في بندل بسعر خاص 435 من ماكسيمم هاردوير فقط و حصريا و ده شكل المشتت و البراكيت و هما لسه مقفولين في علبهم





    و عند فتح علبة المشتت نجد المكونات التاليه

    1-جسم المشتت نفسه داخل فوم لحمايته





    و كما نعرف جميعا مكون من 3 انابيب من النحاس الخالص تم ادخالها في شرائح من الالومنيوم الخالص و هو لين لكنه قوي و يستحمل الضغط الخفيف و له ميزه ممتازه في تخفيف الوزن مما يخفف الحمل عن البورده و يقلل احتمالات و اضرار انها تنكسر من ثقل المشتت و يقدر ثقل هذا الجزء بدون اضافات بخوالي 600 جرام و هو وزن ممتاز بالمقارنه مع وزن المشتت الافتراضي و الوزن الذي ينصح به من مصنعي الماذربورد

    2-المروحه داخل فوم لحمايتها





    و تاتي هذه المروحه بكابل توصيل 4 بن للتحكم في سرعة المروحه طبقا للحراره و لكني انصح بالغاء هذه الخاصيه من البيوس مع ظروف الطقس الجميل في بلدنا اتعمل المروحه باقصي سرعه دائما و السرعه المقرره للمروحه هي 1500-800 لفه في الدقيقه و لكن اقصي رقم وصلت له كلن حوالي 1350 لفه فقط و لكن بدون صوت يذكر و هذه افضل ميزه في هذه المروحه

    3-مكونات التثبيت القديمه لبروسيسور انتل مخرج 775 و بروسيسورات AMD



    و انا عن نفسي ما استخدمتش منهم حاجه غير :
    1- الكاوتش بتاع المروحه و ده كان صعب جدا في تركيبه و قلل التقييم العام بتاع المشتت داخل راسي لحد ما شفت الاداء قلت كان يستاهل التعب عموما اسهل طريقه لتركيب الكاوتش انك تسحبه بايدك من ناحيه و تدكك الكاوتش بسن قلم جاف من الناحيه التانيه و انت ساند علي حاجه صلبه
    2-المعجون و ده ممتاز جدا و معرفش ليه الناس بتقول وحش يمكن قصدهم مقارنة بالمعجون الاحترافي عموما هو احسن كتير من اي حاجه رخيصه موجوده في السوق


    نيجي للبراكيت Force 2

    عند فتحه نجد هذه المكونات للتثبيت




    و ده صوره للمكونات اثناء التحضير لعملية التركيب

    الراكيت الامامي مربوط بالمسامير في جسم المشتت



    و ده البراكيت الخلفي و عليه اللزق اللي بيثبته و يعزله في نفس الوقت عن ظهر البورده عشان ميلمسش في حاجه و يعمل قفله ز طبعا الورق البني ده اتشال قبل اللزق مباشره !!




    بعد كده تم تركيب المشتت علي البورده بدون خلعها من الكيسه و دي ميزه جباره لل HAF 922 بسبب الفتحه اللي في ظهر التراي بتاع البورده قصاد مكان البروسيسور و العمليه دي اخدت 10 دقايق بالظبط - و ده زود غيظي من كاوتش المروحه اللي قعدت اثبت فيه اكتر من ساعه -و احسن طريقه لتثبيت المشتت في البورده انك تربط المسامير بمفك صليبه طويل و كل مسماريين قصاد بعض بزاويه و تلف بالراحه لحد متلاقي المسمار و قف معاك خالص و علي فكره عمليه لف المسمار لينه جدا و بيلف شويه كتير فلو لقيته عصلض معاك بعد لفتين و لا حاجه يبقي انت مش داخل بالمسمار عمودي عدل فكه و ركبه تاني بالراحه و بعد التكيب دي النتيجه






    و في الصوره دي بحاول ابين طول المشتت داخل الكيسه الهاف 922 اللي هي عرضها ممتاز بالمناسبه





    و دي صوره بعد قفل الكيسه تماما و بدون ازالة اي مراوح جانبيه و لسه باقي حوالي 3 سم فرق مش بقولكم كيسه ممتازه





    نيجي بقي للي انتم مستنينه من بدري

    درجات الحراره

    الصور دي لدرجات الحراره بالمشتت الافتراضي بتاع انتل في درجة حراره الغرفه 26 مئويه و بدون تكييف الساعه 4 عصرا و البروسيسور بالسرعه الافتراضيه و الفولت الافتراضي




    و بعد الضغط لمدة دقيقه واحده فقط ببرنامج ايفرست ستابلتي تست








    و دي بقي درجات حراره الفينديتا 2 في نفس الظروف تماما بس الساعه 12 الظهر !!







    ايون انخفاض 13 درجه كامله في وضع الايدل مش بقولكم معجزه !!!



    و دي بقي درجات حراره الفينديتا 2 و بعد الضغط لمدة دقيقه واحده فقط ببرنامج ايفرست ستابلتي تست








    ايون 18 درجه كامله مع الضغط السريع و انا اخترت البرنامج ده بالذات لاني لقيت انه بيجيب اخر حراره ممكن يوصلها البروسيسور بالمشتت اللي عليه خلال دقيقه واحده :D

    اضافه خاصه لمحبي ال Overclocking

    دي درجات الحراره بتاعت البروسيسور في الخمول و هو بتردد 3.2 جيجاهرتز و زياده بسيطه في الفولت و درجة حراره الغرفه 27 بدون تكييف الساعه 3 العصر





    ايون اقل 9 درجات كامله عن المشتت الافتراضي علي السرعه الافتراضيه و لمدة دقيقه واحده فقط !!


    و دي بعد الضغط بالبرنامج المذكور لمدة 5 دقائق كامله و مفرقتش غير درجه زياده عن الضغط لمدة دقيقه واحده








    ايون اقل 9 درجات كامله عن المشتت الافتراضي علي السرعه الافتراضيه و لمدة دقيقه واحده فقط !!!!!!!!

    كمان واحده لمحبي ال Overclocking

    درجات الحراره ببرنامج Real Temp 3.39 مع استخدام الضغط ببرنامج Linx 0.6.4 درجة حراره الغرفه 26 و تردد 3.2 للبروسيسور و زيادة فولت بسيطه




    الحقيقه معنديش حاجه اقارن بيها مع المشتت الافتراضي بس اعتقد انه مكنش حيعدي الاختبار ده لان الحراره ب Real Temp كانت 85 و ب Everest كانت 78



    و دول شوية صور للذكري فقط


    بروسيسوري العزيز علي 3.6 جيجاهرتز و 1.26 فولت






    و للناس اللي مش عاجبها الفينديتا 2

    بروسيسوري العزيز علي 4.0 جيجاهرتز و فولت 1.26 ايضا و درجات الحراره دي في الخمول و درجة حرارة الغرفه 23 مئويه الساعه 9 مساء و بدون تكييف :ah4:










    و احب اذكر اني حاولت علي 4.2 بنفس الفولت لكن مرضيش يقوم الويندوز حتي الا لما عليت الفولت عن رقم مينا القياسي فقلت ملهاش لزمه


    و احب اشيد ببوردتي العزيزه الجامده جدا جيجابايت GA-EX58-UD3R اللي اخر تحديث للبيوس فيها بقي بيحسب الفولت اللازم للاوفركلوك بتاع البروسيسور لوحده :ah4: !! و الموضوع ده انا اكتشفته بالصدفه !!


    عشان ده كله معنديش غير كلمه واحده : معجزه

    مميزات المشتت (من وجهة نظري )
    1-اداء قوي جدا زي ما شفنا بالصور
    2-عملية تركيب سهله جدا بغض النظر عن الكاوتش بتاع المروحه
    3-تبريد سريع جدا بعد توقف الضغط علي البروسيسور و العوده لوضعية الخمول
    4-السعر مقابل الاداء اكثر من ممتاز
    5-موجود معاة كل اللي ممكن تحتاجه من اكسيسوريز
    6-ممكن تركبه من غير ما تشيل البورده لو عندك كيسه مناسبه و علي فكره بيركب علي بروسيسرات AMD من غير ما تشيل البورده بغض النظر عن نوع الكيسه

    عيوب المشتت (من وجهة نظري )
    1-كاوتش المروحه اللي طلع روحي عقبال ما ركب عدل و احب اشكر استاذ هاني لان هو اللي قالي علي الطريه السهله اللي قلتلكم عليها فوق

    و من رائي ممكن OCZ تبعت المروحه بالكاوتش راكب حتوفر كتير علي المستخدم

    التقييم العام 9 من 10

    و كانت حتبقي 10 لولا الكاوتش بتاع المروحه اللي تعب قلبي

    تم بحم الله و اي سوال او استفسار انا تحت امركم

  2. #2
    عضو برونزي الصورة الرمزية Bloody Wolf
    تاريخ التسجيل
    Feb 2006
    المشاركات
    1,813
    الدولة: Egypt
    معدل تقييم المستوى
    50

    رد: تقريري عن البروسيسور المعجزه Vendetta 2 مع البروسيسور Core i7

    مبروك على المشتت والمروحه

    و ارى ان العنوان يحتاج الى تعديل فانت تعرض مبرد وليس معالج
    [CENTER] [B][SIZE=3][URL="https://www.arabhardware.net/forum/showthread.php?t=234988"][/URL][/SIZE][/B]

    [B][FONT=Arial Black][SIZE=4][COLOR=DarkOrchid][IMG]https://j6.tagstat.com/image04/b/98cc/001_053-Vzc.gif[/IMG][/COLOR][/SIZE][/FONT][/B]
    [/CENTER]

  3. #3
    عضو بلاتيني الصورة الرمزية Stone
    تاريخ التسجيل
    Nov 2004
    المشاركات
    5,167
    الدولة: Kuwait
    معدل تقييم المستوى
    38

    رد: تقريري عن البروسيسور المعجزه Vendetta 2 مع البروسيسور Core i7

    مبروك المشتت ..

    بس وين التجربـــه ؟


    YouTube : intel 2600k with Noctua NH-D14

    Case
    : Cooler Master High Air Flow 932 (Painted) || Display : ASUS VE276Q Black 27 inchs || Sound Card : Creative Blaster X-Fi Titanium Fatal1ty
    Headphones : ATH-AD700 || Mouse : Logitech G9 Laser || Mouse pad : Steelseries Fnatic || Keyboard : Logitech G15 || CPU Cooler : Noctua NH-D14

  4. #4
    عضو محترف
    تاريخ التسجيل
    Jul 2008
    المشاركات
    16,549
    الدولة: Cuba
    معدل تقييم المستوى
    121

    رد: تقريري عن البروسيسور المعجزه Vendetta 2 مع البروسيسور Core i7

    ألف مبروك وبإنتظار النتائج ..

    تقريري عن البروسيسور المعجزه Vendetta 2 مع البروسيسور Core i7
    العنوان بحاجة لتعديل :D
    كن مع الله ولا تبالي

    The Ωverclocker

  5. #5
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,776
    الدولة: Egypt
    معدل تقييم المستوى
    49

    رد: تقريري عن المشتت المعجزه Vendetta 2 مع البروسيسور Core i7

    الله يبارك فيكم اخواني و عقبالكم و اسف علي الخطأ و تم تعديل العنوان و الموضوع كامل الان و يمكن قرائته

  6. #6
    عضو ذهبي الصورة الرمزية vmidov
    تاريخ التسجيل
    Oct 2008
    المشاركات
    1,842
    الدولة: Egypt
    معدل تقييم المستوى
    57

    رد: تقريري عن المشتت المعجزه Vendetta 2 مع البروسيسور Core i7

    ألف مبروك مستر قلبظ ربنا يباركلك فيه
    وفعلا هو جبار لما يعمل كده مع ال920 يبقى ممتاز
    للأسف لم يتم ال:ah7: بسبب السمعات :o
    [CENTER][CENTER][SIGPIC][/SIGPIC]

    [B][FONT=Impact][SIZE=3][COLOR=Navy]أعتذر منكم إخوانى الأعزاء لأننى لا أعتقد أننى سأقوم بأى مراجعات أخرى وحتى من الممكن ألا أتابع المنتدى العزيز مره أخرى وقد أتابعه من حين لأخر ... الله وحده أعلم
    عموما يكفينى أننى تشرفت بمعرفه الكثير من الأشخاص المحترمه من هذا المنتدى العظيم وأرجو أن يدوم الود سواء كنت قريبا أو بعيدا عن المنتدى
    وبالطبع هناك قله تمنيت أننى لم أكن تعرفت إليهم قط أطلب من الله أن يهديهم ويوفقهم
    وأرجو أن أكون قد إستطعت رد ولو شئ بسيط من الجميل لمنتدانا وما تعلمته منه على مر السنين السابقه
    شكرا لكل أعضاء عرب هاردويير ولكل من قدم لى مساعده عن قصد أو غير قصد[/COLOR][/SIZE][/FONT][/B][/CENTER]
    [/CENTER]

  7. #7
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,776
    الدولة: Egypt
    معدل تقييم المستوى
    49

    رد: تقريري عن المشتت المعجزه Vendetta 2 مع البروسيسور Core i7

    اقتباس المشاركة الأصلية كتبت بواسطة vmidov مشاهدة المشاركة
    ألف مبروك مستر قلبظ ربنا يباركلك فيه
    وفعلا هو جبار لما يعمل كده مع ال920 يبقى ممتاز
    للأسف لم يتم ال:ah7: بسبب السمعات :o

    الله يبارك فيك و عقبالك باذن الله و كفايه انك شرفت الموضوع

  8. #8
    عضو الصورة الرمزية hamada999
    تاريخ التسجيل
    Oct 2008
    المشاركات
    256
    الدولة: Egypt
    معدل تقييم المستوى
    17

    رد: تقريري عن المشتت المعجزه Vendetta 2 مع البروسيسور Core i7

    مبروك عليك مستر قلبظ المشتت و اداء ممتاز و اللى عجبنى اكتر تقريرك الرائع والله و للأسف مش هعرف اقيمك :mad:
    Now Playing : ...

  9. #9
    عضو ذهبي الصورة الرمزية Marine
    تاريخ التسجيل
    Jul 2009
    المشاركات
    3,800
    معدل تقييم المستوى
    23

    رد: تقريري عن المشتت المعجزه Vendetta 2 مع البروسيسور Core i7

    شكرا علي الموضوع بس للاسف مفيش تقييم عشان السمعات
    [URL="https://dvd4arab.maktoob.com/redirectLink.php?link=http%3A%2F%2Fup.haridy.org%2F"][/URL]

  10. #10
    عضو فضي الصورة الرمزية S.O.S
    تاريخ التسجيل
    Sep 2008
    المشاركات
    2,537
    الدولة: Egypt
    معدل تقييم المستوى
    51

    رد: تقريري عن المشتت المعجزه Vendetta 2 مع البروسيسور Core i7

    ماشاء الله اداء رائع وممتاز الف مبروك عليك

  11. #11
    عضو ذهبي الصورة الرمزية Doctor Medo
    تاريخ التسجيل
    Jun 2009
    المشاركات
    1,776
    الدولة: Egypt
    معدل تقييم المستوى
    49

    رد: تقريري عن المشتت المعجزه Vendetta 2 مع البروسيسور Core i7

    حماده ,مارين, الفا اوميجا

    الله يبارك فيكم و عقبالكم باذن الله و شرفتم الموضوع بمشاركتكم الجميله دي

  12. #12
    عضو فضي الصورة الرمزية XMasterrrr
    تاريخ التسجيل
    Jun 2009
    المشاركات
    563
    الدولة: Egypt
    معدل تقييم المستوى
    16

    رد: تقريري عن المشتت المعجزه Vendetta 2 مع البروسيسور Core i7

    مبروك ياقلبظ بيه انا نفسى تم التقيم

  13. #13
    عضو فضي
    تاريخ التسجيل
    Apr 2009
    المشاركات
    1,383
    معدل تقييم المستوى
    0

    رد: تقريري عن المشتت المعجزه Vendetta 2 مع البروسيسور Core i7

    مبروك المشتت و الراكيت يا كلبظ

    وتقرير رائع و جميل




    بس انا اشيف ان عندك نفس مشكلتى مع الباور

    https://img687.imageshack.us/img687/...e287resize.jpg

    كابل ال 8 بن (4+4) قصير ولازم يعدى من قدام الكيسة و كارت الشاشة :mad:

    اعتقد دى مشكلة فى باورات HEC







  14. #14
    عضو برونزي
    تاريخ التسجيل
    Jan 2009
    المشاركات
    1,483
    الدولة: Egypt
    معدل تقييم المستوى
    33

    رد: تقريري عن المشتت المعجزه Vendetta 2 مع البروسيسور Core i7

    الف مبروك علي المشتت والبريسيسور
    بس معلش اعذرني احب ان الفت نظرك ان المشتت اداؤه مش معجزة مع الكور سيفن انا معاك هو معجزة مع الكور توكواد لكن مع السفن اداؤه عادي
    انت بتتكلم عن اداؤه في السرعه الافتراضيه وده مش مقياس
    جرب كده زود الفولت الي 1.425 مع كسر السرعه طبعا وشوف اداؤه ساعتها هتلاقي درجة حرارة الخمول من 50 الي 55 ومع الضغط بيوصل الي 80 مستريح في دقيقة
    وعلي فكرة الضغط علي البريسيسور لمدة دقيقة مش كفاية للحكم علي البريسيسور يعني علي الاقل 15 دقيقة واحكم ساعتها(انا بكلمك من منطلق التجربة لاني انا اول واحد جرب الفينداتا مع الكور سفن وعلي فكرة انا مش مقتنع باللي يجيب مشتت علشان السرعه الافتراضيه مالهوش لازمه بصراحه)
    وعلي فكرة انا جربت كسر البريسيسور الي 4.2 علي فولت 1.425 بالمشتت الاصلي بتاع انتل مع معجون فريزر وكانت درجات الحرارة من 55 الي 60 في الخمول ومع الاستخدام العادي كانت بتوصل 68 علي اقصي تقدير لكن طبعا مع البريمر 95 بيعدي ال 80 درجه في 30 ثانيه بس اللي بقصده ان المشتت بتاع الكور سيفن بردو كويس وةغير كده ان الكور سيفن اساسا بيستحمل ارتفاع درجه الحرارة بعكس الكواد
    بالنسبة للكور سيفن افضل تبريد ليه التبريد المائي

    وانا كمان كم يوم هاعمل موضوع عن اقوي تبريد ليه بالستخدام التبريد المائي بتكلفة من 600 الي 800 جنيه

    وعلي فكرة نصيحه مني ليك لزيادة اداء المشتت معاك لان نتيتجه معاك في الوضع الافتراضي عاليه
    انت اول ما اشتريت المشتت اكيد لقيت علي القاعده بتاعته لزقه رخمه شويه دي لما تشيلها بتخلي مكانها اثار من اللزق علي القاعده وده بيعمل عازل للحرارة ما بين المشتت والبريسيسور فانت فكه تاني واستخده اي كحول او مطهر او سنفره ناعمه جدا جدا لتنظيف سطح القاعده بتاع الفينداتا وجرب معجون الفريزر معاه وانت هتلاحظ فرق ات شاء الله
    [CENTER][IMG]https://img135.imageshack.us/img135/9082/bannerbh.png[/IMG][/CENTER]

  15. #15
    عضو برونزي الصورة الرمزية Bloody Wolf
    تاريخ التسجيل
    Feb 2006
    المشاركات
    1,813
    الدولة: Egypt
    معدل تقييم المستوى
    50

    رد: تقريري عن المشتت المعجزه Vendetta 2 مع البروسيسور Core i7

    ما شاء الله

    الان التقرير اكتمل هو و العنوان

    الف مبروك على المشتت الجبار

    لكن انا قرأت ما كتبه اخونا اكسمان و يجب مراجعته

    فعلا لا يجب شراء مشتت احترافى لاختبار ثبات المعالج على السرعه الافتراضيه
    [CENTER] [B][SIZE=3][URL="https://www.arabhardware.net/forum/showthread.php?t=234988"][/URL][/SIZE][/B]

    [B][FONT=Arial Black][SIZE=4][COLOR=DarkOrchid][IMG]https://j6.tagstat.com/image04/b/98cc/001_053-Vzc.gif[/IMG][/COLOR][/SIZE][/FONT][/B]
    [/CENTER]

صفحة 1 من 5 1 2 3 4 5 الأخيرةالأخيرة

المواضيع المتشابهه

  1. تقرير عن المشتت CoolerMaster V8 و مقارنته بمشتت OCZ Vendetta 2
    بواسطة Doctor Medo في المنتدى الأرشيف
    مشاركات: 50
    آخر مشاركة: 28-04-2010, 16:28
  2. المشتت الرهيب OCZ Vendetta 2 للبيع !!
    بواسطة Doctor Medo في المنتدى الأرشيف
    مشاركات: 6
    آخر مشاركة: 22-04-2010, 14:59
  3. تقريرى عن المشتت CoolIT Domino ALC
    بواسطة RRM في المنتدى الأرشيف
    مشاركات: 27
    آخر مشاركة: 23-01-2010, 08:22
  4. للبيع او البدل المشتت الاحترافي ocz vendetta 2
    بواسطة SmaLLToto في المنتدى الأرشيف
    مشاركات: 25
    آخر مشاركة: 04-08-2009, 18:20
  5. هل المشتت OCZ VENDETTA 2 مناسب للمعالج Q9650
    بواسطة honor في المنتدى الأرشيف
    مشاركات: 2
    آخر مشاركة: 10-07-2009, 14:36

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •