اخوانى انا مقبل على مشروع بإذن الله وهو فتح شركة نتوورك سليوشنز ومستلزمات كمبيوتر وعايز اقتراحاتكم فى التالى .
1-ايه اكتر حاجات بتحتاجوها كمستخدمي الشبكات من أدوات واجهزه وخلافه
2- ايه اكتر حاجات بتحتاجوها باستمرار كمهندسي اتصالات او أي تي من ادوات وبرامج بتشتروها وخلافه
3- ايه الاجهزة النادره اللى مش متوفره وبتحتاجوها فى مجال الشبكات زي السرفرات والروترات مثلا واجهزة
سيسكو وخلافه
4- ايه اكتر خدمات بتحتاجوها كمستخدمي شبكات او مهندسي اتصالات وشبكات
انا عارف ان ممكن حد يجي يقول من الاخ اللى داخل يسال عن كل حاجه ده وامال هيفتح شركه ازاي لكن انا عندي الاجابه وهيا ان انا كنت ولازلت زي ناس كتير اتعرضت للاجبار كتييييير جدا من شركات الكمبيوتر على المنتجات اللى عندهم والمنتجات اللى موجوده فى السوق وبكون عايز حاجه معينه لكن للاسف مش بلاقيها وبضطر اشتري اللى الشركه بتجبرني عليه وخلاص ولذلك ولانى ناوي اعمل شغل متحضر بإذن الله وعلى كبير ولان شغلى هيكون موجه لخدمه العملاء حبيت اعرف اولا ايه هيا طلبات العملاء وايه اللى بيريحهم وايه اللى عايزينه من مركات او انواع معينه او خدمات وخلافه
فى انتظار اقتراحاتكم وطلباتكم بفارغ الصبر وعلى فكره محدش يفتكر ان رأيه ملوش اهميه عندي بالعكس آرائكم مهمه جدا وجايز تفتح عيني على افكار جديده مهما كان الرأي بسيط
وعلى فكره احتمال كبير نحتاج ناس MCSE & CISCO وناس متخصصين فى الطابعات والاحبار بمختلف انواعها كل دي افكار وفى انتظار آرائكم
ضوابط المشاركة
المفضلات