اطلب المشوره منكم

[Impossible love]

السلام عليكم

انا على وشك شراء لاب توب وطبعا لا اخفى لكم حيرتى فالأنواع كثيره جدا

وكل حد بينصحك بحاجه وعلى النت اشوف الأراء اتجنن اكتر

وانا خبرتى ضعيفه جدا فى هذه الأمور

انا فى مصر ولكن سأشتريه من السعوديه

والأنواع اللى نصحتبيها هى سونى وتوشيبا والإتش بى

ولكن السونى ليس له ضمان هنا فى مصر لو اشتريته من السعوديه والتوشيبا ليه

والأغلبيه نصحونى بالتوشيا

بس طبعا التوشيبا انواع وانا محتاره

وفيه موديلات رشحت لى


1)toshiba satelite A300 -29 n

2) toshiba satelite l 510

3) toshiba satelite u 505-s2965

ممكن اعرف رأيكم فيهم وايه افضلهم

ولو حد عارف جهاز كويس بمواصفات كويسه يساعدنى ويقولى عليه

لأنى احترت

السعر طبعا مهم .. هو اخر موديل فيهم ب 3900 ريال يعنى معدى ال 5500 مصرى على حسب سعر الريال

فعايزه حاجه فى الحدود دى

وحاجه تانيه

موضوع الكيبورد عربى وانجليزى وكدا
ناس بتقولى هاتيه انجلش بس والزقى ستيكرز عليه احسن

بصراحه مش عارفه

والشاشه لو 13ز3 تبقى صغيره ومش واضحه ولا كويسه

ارجوكم ساعدونى ربنا يكرمكم

واسفه على ازعاجكم

[Radeon9800pro]

أختي الكريمة بالنسبة لتوشيبا فهي شركة عملاقة و لكنها تراجعت كثيرا في سوق الكمبيوترت المحمولة في الاونة الاخيرة.
حلول أخرى و لكن لا تنسي ان هذه من رأيي الشخصي و الناتج عن تجارب :
MSI حلول ذات مواصفات علية + جودة جيدة جداً + سعر ممتاز
HP حلول ذات مواصفات علية+ جودة بناء جيدة + سعر مرتفع نسبياً
Asus حلول ذات مواصفات علية + جودة بناء عالية + سعر ممتاز

و نصيحتي بالشراء من شركة أسوس فهي تملك كمبيوترات ذات جودة و مواصفات عالية و كذلك أشكال جميلة و ضمان دولي لمدة عامين و ناهيك عن السعر المنافس.

[Impossible love]

شكرا جزيلا اخى على ردك واهتمامك
والله انا احترت كتير وكل شخص يقول لى الماركه دى هى الأفضل
انا عامة استخدامى عادى وبسيط .يعنى مش احترافيه
المهم ربنا يعمل اللى فيه الخير

وشكرا واتمنى من باقى الخوه يشاركونى الرأى

[Dr Mohammad]

أنصحك بتوشيبا فهى شركة عملاقة ومستخدميها بالملايين و ده رأى العديد و كمان ليها صيانة كويسة فى مصر
و أنا عن نفسى بافضل الشاشة تبتدى من 15.6 زى الجهاز الأول عشان ده حجم وسط مش كبير قوي و مش صغير قوى
لكن لو عايزة الجهاز يبقى خفيف و سهل الحمل يبقى خليكى فى ال 13 مع تفضيلى لل 15.6 شخصيا

و أنصحك بال A300 أو ال U505 حسب تفضيلك لحجم الشاشة و لا أنصح بال L505 نظرا لأن الفئة A أفضل من الفئة L

ملحوظة : كارت الشاشة بتاع ال A300 عالى (512) و ده كويس جدا للاب توب لكن ال U505 ماعرفش كارت الشاشة بتاعه كام فى الحقيقة يا ريت حضرتك تقوليلنا هو كام ؟

[Impossible love]

اهلا د.محمد
شكرا جزيلا على نصيحة حضرتك
بالنسبه لكارت الشاشه الحقيقه دورت على النت فى كذا موقع مش لقياهم كاتبينه
بس اعتقد انه دا يتعلق بيه Yeni Nesil Intel 4500MHD Max. 1760 MB Ekran Kartı

بس طبعا انا مش فاهمه .. ولكن اعتقد انه 256

انا مشوفتش الجهاز لأن بصراحه والدى هيبعتهولى ودىموديلات عجبته وبيقولى شوفى الأفضل واختاريه

ايه رأيكم مهم الاب توب دلوقتى يكون عليه ويندوز 7 لأن ويندوز 7 مش متوفر الا مع الجهاز الثالث

وبشكركم بجد على اهتمامكم
وربنا يجزيكم خير

[Radeon9800pro]

شركة Asus ستعطيك أفضل توليفة من القطع الممتازة بسعر أقل من توشيبا
و أنا اتكلم عن معالج ممتاز و كرت شاشة من احدى الشركتين ATI أو Nvidia و لا أخفيك ان شركة انتل تصنع معالجات رسومية تكون مدمجة في اللوحة و لكن هذه المعالجات الرسومية ليست حتى بقوة الفئة الدنيا من كروت ATI او Nvidia
و بما انك راح تشتري الجهاز من السعودية فهذه نصيحتي لك لان توشيبا عندنا في السعودية تأتي بمواصفات ( منزوعة الدسم ).
مع احترامي للوكيل .

[Impossible love]

شركة Asus ستعطيك أفضل توليفة من القطع الممتازة بسعر أقل من توشيبا
و أنا اتكلم عن معالج ممتاز و كرت شاشة من احدى الشركتين ATI أو Nvidia و لا أخفيك ان شركة انتل تصنع معالجات رسومية تكون مدمجة في اللوحة و لكن هذه المعالجات الرسومية ليست حتى بقوة الفئة الدنيا من كروت ATI او Nvidia
و بما انك راح تشتري الجهاز من السعودية فهذه نصيحتي لك لان توشيبا عندنا في السعودية تأتي بمواصفات ( منزوعة الدسم ).
مع احترامي للوكيل .

شكرا جزيلا اخى
والله ماانا عارفه .. هنا فى مصر يقولوا توشيبا فى السعوديه احسن وحضرتك بتقولى مش كويس
خلاص قربت اتجنن
عموما ربنا يسهل
وبشكركم جدا على اهتمامكم وسعة صدركم

[Dr Mohammad]

مادام الU500 كارته INTEL 256 توكلى على الله و هاتى التوشيبا a300 اللى بكارت ATI 512 ده كارت كويس
و لعلمك انا طلبته من السعودية و هيوصلنى خلال كام يوم بإذن الله
و توشيبا شركة رووووووعة و ده كلام معروف و ما يميزها الصيانة بتاعتها متوفرة هنا و كمان الإقبال عليها كبير

ملحوظة : ال U500 فى منه موديلات بكارت شاشة 512 برضه

[Impossible love]

ربنا يكرمك يادكتور محمد .. ميرسى بجد

بس ال u500 فيه ميزه انه windows7

انما ال a300 "windows vista"

فهل لو فيه u500 بكارت شاشه 512 يكون كويس بردو

ولا a300 افضل فى كل الحالات

وهل عند حضرتك فكره عن موديل معين من ال u 500 تنصحنى بيه

وبعتذر جدا لإزعاجكم بأسئلتى الكثيره

[Dr Mohammad]

لو فيه u500 بكارت 512 يبقى كويس برضه بس خلى بالك ده شاشته 13 إنش يعنى يميزه صغر حجمه و خفة وزنه
إنما ال a300 فشاشته 15.6 يعنى حلوة جدا فى مشاهدة الفيديوهات بس أتقل شوية فى الوزن
و ملحوظة تانية إن ال u500 اللى بكارت 512 أغلى شوية من ال a300 اللى بكارت 512 و ده بس عشان الحجم الصغير تمنه اغلى

و موضوع الويندوز ده أمره سهل لأن المفروض إن اللى هيشترو أجهزة فيستا بعد 26 أكتوبر يكون لهم حق التحديث المجانى لويندوز 7 و الوكيل المفروض يعمل لهم التحديث مجانى و ممكن والدك يتأكد من الكلام ده من المكان اللى هيشترى منه

بعض موديلات u500 بكارت 512
u500-10L
u500-10N

و أسعارهم مختلفة لاختلاف البروسيسور و الرام و الهارد

[Impossible love]

والله مش عارفه اشكر حضرتك ازاى

متشكره جدا جدا

وعامة بالنسبة لحجم الشاشه فأنا سألت والدى كذا مره هى صغيره اوى

قالى لا خالص هى يمكن حجمها يعتبر صغير بس لما تشوفيه تحسى انه اكبر من 13 بوصه

يمكن لأن الموديل مصمم على المقاس دا

وميرسى على توضيح موضوع الويندوز

انا لى صديقه رشحتلى موديل a500 وبتشكر فيه بردو

اشوف موضوع كارت الشاشه دا الأول وربنا يسهل

وميرسى لحضرتك مره تانيه .. سامحينى تعبتك معايا

[Dr Mohammad]

العفو
انا ماعملتش حاجة
و ال a500 جهاز ممتاز برضه بس حضرتك ماجبتيش سيرته عشان كدة انا ماذكرتوش و شاشته كبيرة 16" و فى منه بكارت شاشة 128 و بكارت 512 و كمان لوحة المفاتيح بتاعته كاملة يعنى فيها أرقام على الجنب

شوفى الرابط ده يمكن يفيدك

https://www.arabhardware.net/forum/s...d.php?t=142465

[Impossible love]

والله يادكتور انا كل لما اقرر حاجه تطلعلى حاجه تانيه
وزهقت بصراحه

جهاز ال u505 والموديلات اللى نازل عليها ويندوز 7 علشان لسه جديده مش عليها ضمان دولى وضمانها فى المملكه بس

وبصراحه ال a500 مواصفاته رائعه بجد بس يعنى انا حاسه انه هيبقى تليفزيون علشان شاشته كبيره "16"

فيه واحد a500-13f رائع بصراحه وثمنه 4400 ريال

وواحد تانى a500-134 وتقريبا نفس مواصفات ال 13 f وب 4200 ريال

واموت واعرف ليه اغلى منه :confused:

بالنسبه لل u500 وهو ويندوز فيستا

عجبنى منه موديل u500 -10n ومواصفاته جميله بردو ورغم انه ااقل من مواصفات ال a500

الا ان تمنه 4200 ريال بردو ودا شاشته 13.3

فمحتاره جدا اختار ايه .. واحد رائع بس عندى مشكله مع الشاشه وبالذات ان مكتوب فى العرض اللى قريته انه ينفع مسرح منزلى :ah4:.. يعنى بيقول انا كبير

والتانى امكانياته ااقل منه رغم ان السعر واحد بس شاشته صغيره ووالدى بيأكدلى انه عاجبه المقاس دا جدا وشايفه مش صغير

هتجننننننن والله :ah34:

[Dr Mohammad]

و لا تتجنني ولا حاجة
و زي ماقولتلك الجهاز الصغير بيبقي سعره اعلى عشان وزنه خفيف و سهل الحمل
و ممكن تشوفي فيديوهات للجهاز على اليوتيوب

[Impossible love]

انا شفت جهاز مقاسه 15.4 وطبعا مقاس حلو والشاشه واضحه وحلوه بس تقييييييل فمابالى ب 16
وشفت الصغير 13.3 وكان صغير بس اللى عرفته ان اللى شفته كان شاشته رأسيه ونوعه ايسر وطبعا حسيته عبيط
لكن مع البحث على النت والفيديوهات اللى شفتها وجدت ان تصميم ال u500 افضل بكتير وشاشته عريضه
ومقاس ال 14 قليل اوى والموديل اللى تلاقيه 14 متلاقيش فيه مواصفات كويسه
وشفت ال اتش بى ومرتحتلوش

يعنى تقريبا
التوشيبا u500-10n هو المرشح الآن
رأيكم مواصفاته كويسه ولا اصرف نظر .. حد جربه قبل كدا