النتائج 1 إلى 4 من 4

الموضوع: مساعدة في NAT رجاءا

  1. #1
    عضو الصورة الرمزية hisooka_dos
    تاريخ التسجيل
    Aug 2009
    المشاركات
    565
    معدل تقييم المستوى
    0

    مساعدة في NAT رجاءا



    السلام عليكم و رحمة الله

    هلا شرح لي أحدكم هذا السؤال فانا لم أرى سؤالا من قبل بهذا الشكل ؟؟؟؟ و شكرا لكم







    ماذا يعني شعار cisco ؟ تفضل لتكتشف ذلك .

    زر خاص ومميز يوجد بلوحة مفاتيحي
    ______:D______
    http://img709.imageshack.us/img709/4950/arab.png
    ضغطة واحدة تنقلك إلى عالم الإحتراف

    _______________________
    Agissez comme s'il était impossible d'échouer

  2. #2
    عضو
    تاريخ التسجيل
    Aug 2009
    المشاركات
    158
    معدل تقييم المستوى
    0

    رد: مساعدة في NAT رجاءا

    السلام عليكم ورحمة الله

    شوف حضرتك هو في السؤال عرض لك الناتج الخاص بالأمر Show ip nat translations والمفروض ان الكوماند ده بيطلع لك الترجمات الي الروتر عملها يعني أول مايجي واحد الاي بي بتاعه برايفت يعدي من الروتر هيقوم يدي له اي بي public ويسجل هنا انه الاي الفلاني اخد الاي بي الPublic وهكذا
    لو بصيت على الجدول هتلاقي الايبيهات البرافيت على اليمين لانها مكتوب فوقها كلمى Inside يعني جوا الشبكة مش هيطلع بيها برا للانترنت
    طيب وعلى الشمال موجود الايبيهات الPublic
    اكيد واضح ان الروتر قام بعمليه تحويل الايبيهات الموجوده على اليمين للي موجودين على الشمال
    السؤال بقا هو المهندس الي قعد على الروتر وظبط النات عليه علشان تخلي الروت يعمل الترجمات الي انت شفتها دي
    ياترى هو عمل pool شكلها ايه وفيها كم اي بي؟ ؟؟؟؟؟


    مادام الراجل عايزك تذكر له الpool يبقا اكيد انت عارف ان الpool دي هي مجموعه الايبيهات الpublic الي بيظبطها المهندس على الروتر بحيث ان الروتر كل مايجي له جهاز واخد اي بي برايفت يقوم يدي له واحد من الاييهات الي في الpool
    طيب الوقتي الكوماند الي هو كتبه لينا ده وكتب لنا تحته ايبيهات برايفت وايبيهات public هعرف منه الpool ازاي؟

    حضرتك الpool دي لازم تكون جواها كل الايبيهات الpublic الي مذكوره في السؤال
    وانت عليك بقا تكون pool تحتوي الايبيهات دي


    لما تيجي تبص بقا على الاختيارات الي ذكرها لك

    هتلاقي الاختيار التاني والرابع ده واضح انهم مالهمش دعوه بالpool اصلا فدول هنرميهم من الشباك مش عايزينهم

    يبقا كدا الباقي لنا ان نختار الاول او التالت

    لو تذكرت حضرتك الكوماند الخاص بعمل pool هو على الشكل التالي
    <ip nat pool <pool name> <pool start> <pool end> perfix-length <perfix
    هنكتب مكان الpool name الاسم الي تحبه
    ومكان الpool start الاي بي الي هتبتدي بيه
    والpool end الاي بي الي هيكون الاخير
    لاحظ اني لازم اختار بقا pool من الاتنين الي عندي يكون الاي بي بتاع البدايه والنهايه يقع بينهم الايبيهات الموجوده وللاسف الاختيار الاول والتالت هما الاتنين ينفعوا لان بدايتهم 1.1.128.1 والنهايه 1.1.135.254 فكدا برده معرفتش انا هختار مين فيهم
    طيب كمل معايا
    المفروض هنكتب مكان الperfix رقم هو بيمثل السبنت ماسك ... فاكر السبنت ماسك مش كنا بنمثله ساعات بالصوره دي مثلا 24 / او 16/ وكنا بنقول ان الصورة دي هي عدد تكرار الرقم واحد في الماسك طيب جميل اوي
    انا برده عايز اكتب له رقم بيمثل عدد تكرار الواحد في الماسك بس المشكله انا اصلا معرفش الماسك هيكون ايه ولا عدد تكرار الواحد هيكون ايه ياترى هعرف منين؟
    شوف حضرتك المفروض ان الارقام الي عندك دي بدايتها لو لاحظت هتلاقي بتتغير كدا مره كانت 128 وبعد كدا 129 وبعدين 130 وفي الاخر ولت ل 135 ووقف فانت هتقول يبقا انا اخد ماسك يكون مغطي لي بس من 128 لحد 135 او يعني يكون اكبر من النطاق ده بشويه صغيرين
    طيب هو الراجل مش بيتيح ليك غير اتنين واحد 19 وواحد تاني 18
    لو استعملت ال 18 هتلاقيه بيديك شبكه 128 بس الاي بيهات فيها من 128 لحد 192 وده كتير احنا عايزين نقرب من العدد المطلوب مش نبعد
    طيب لو استعملت 19 هتلاقيه بيديك شبكه من 128 لحد 160 طيب ده عدد معقول شويه نقبله
    علشان كدا هناخد الاختيار الي فيه ماسك 18 لان ال 19 بيديك نطاف اكبر وانت عايز الحكايه تكون على قد الموجود تقريبا يعني لو كان في الاختيارات مثلا ماسك 22 كنت اخدته وسبت ال19 وال 18

    أرجو أن أكون قد اصبت في التوضيح أو على الاقل قدرت ابين لك الغرض من السؤال

  3. #3
    عضو الصورة الرمزية hisooka_dos
    تاريخ التسجيل
    Aug 2009
    المشاركات
    565
    معدل تقييم المستوى
    0

    Thumbs up رد: مساعدة في NAT رجاءا

    ده اللي أنا عاوز أفهمه ،جزاك الله خيرا ...
    ماذا يعني شعار cisco ؟ تفضل لتكتشف ذلك .

    زر خاص ومميز يوجد بلوحة مفاتيحي
    ______:D______
    http://img709.imageshack.us/img709/4950/arab.png
    ضغطة واحدة تنقلك إلى عالم الإحتراف

    _______________________
    Agissez comme s'il était impossible d'échouer

  4. #4
    عضو الصورة الرمزية egyptman11
    تاريخ التسجيل
    Jul 2008
    المشاركات
    257
    الدولة: Egypt
    معدل تقييم المستوى
    10

    رد: مساعدة في NAT رجاءا



    اخى hisooka_dos شكرا لك لمحاولة المساعدة بس هما كانوا سوالين لذا ارجو منك ان تحاول انك تعلل لينا ايضاء على السوال الاخر و شكرا لك عزيزى
    و بارك الله فيك

المواضيع المتشابهه

  1. ( الأردن ) مساعدة رجاءا في اختيار مواصفات جهاز 1200 دولار
    بواسطة osyli في المنتدى المعالجات واللوحات الأم - Processors & Motherbaords
    مشاركات: 0
    آخر مشاركة: 07-08-2012, 19:17
  2. مساعدة في NAT رجاءا
    بواسطة hisooka_dos في المنتدى الأرشيف
    مشاركات: 3
    آخر مشاركة: 06-11-2009, 20:38
  3. رجاءا رجاءا بعض تعريفات dell inspiran 1520
    بواسطة طالب777 في المنتدى السوفتوير العام
    مشاركات: 3
    آخر مشاركة: 10-02-2008, 16:36
  4. رجاءا طلب مساعدة
    بواسطة BABIL في المنتدى الأرشيف
    مشاركات: 1
    آخر مشاركة: 20-11-2007, 10:49
  5. مساعدة عاجلة رجاءا
    بواسطة المبـدع في المنتدى الأرشيف
    مشاركات: 4
    آخر مشاركة: 27-07-2006, 17:36

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •