السلام عليكم
اشتريت من فتره هارد 500 جيجا عشا يكون استبن جنب الأساسى
يعنى عشان احط عليه الحاجات المهمه بتاعتى
حتى انا سايبه بارتيشن واحد
ما كنتش بشغله
يعنى كنت بحط عليه المهم واخلع منه كابل الباور بعدها
جيت من اسبوعين بركب كابل الباور والجهاز شغال فحصلت فرقعه خفيفه جدا بعدها شميت ريحة شياط
طبعا عرفت ان الهارد حصل فيه حاجه
من حسن الحظ ليا واحد صاحبى متخصص فى تصليح الريسيفرات
خاد الهارد وانا قاعد جنبه وغير فيه حاجه صغيره اسمها دايود
مش فاكر
المهم
اخدت الهارد وروحت اجربه لقيته اشتغل
هو قالى سيبه شغال شويه
وانا فعلا سبته حوالى ساعتين شغال
وبعدين شلت الباور كالعاده
امبارح بقى ركبته تانى بس المره دى والكمبيوتر مقفول
ونقلت عليه ملف 6 جيجا
وجيت انقل فى ملف تانى كان حجمه 4 جيجا لقيت الهارد فصل والجهاز ماعدش شايفه
خدته ورحت لصاحبى تانى غير فيه مقاومات
واخده واروح اجربه الاقيه مش شغال
ارجع بيه يجرب تانى اروح الاقيه مش شغال
ولا راضى ينطق
الاستفسار الأول :
طبعا هو بالتأكيد البورده هى اللى فيها المشاكل والميديا سليمه
هل فى بورد بتتباع وتكون جديده للهاردات اللى البوردات بتاعتها بتكون بايظه ؟؟
والاستفسار التانى :
ينفع بوردة هارد 250 مثلا تركب على ميديا بتاعة هارد 500 بس المهم ان الهاردين
يكونو ساتا ؟؟
ولا ايه ؟؟
وجزاكم الله كل خير
المفضلات