استفسارات بسيطة بخصوص 3Ds MaX

[Ĵ Ŏ ƙ Э Ř]

السلام عليكم ورحمة الله وبركاتة



ان شاء الله

نويت البدء فى دورات 3Ds MaX


وعندى بضعة استفسارات بسيطة ...





1- هل ساحتاج ان يكون لدى خلفية عن اى برامج اخرى قبل البدء بالدورات ...؟؟



2- هل مواصفات جهازى التى بالاعلى جيدة لهذا البرنامج ام يحتاج الى مكونات اعلى ..؟؟



3- ماهى افضل المراكز (بالقاهرة ) للحصول على الدورات التدريبية بها

وماهى مدة هذة الدورة و كم تكلفتها ..؟؟



4- هلى هنالك اى نصائح تفيدوننى بها ....

[SeeNoEvil]

بص ياجوكر
الماكس كويس وسهل علفكره وكل حاجه
وانا اشتغلت عليه فتره طويله بس بقالي مده مش شغال عليه

عموما الموضوع مش محتاج مراكز ولا بتاع
علم نفسك في البيت... دي افضل طريقة والله
لان المركز هيعلمك اساسيات بحته ملهاش لزمه ومناهج من عشرات السنين مش بتتغير

طبعا عندك دروس كتير جدا على النت واسطوانات كمان
زي
gnomon
Digital-Tutors
وكتير جدا



انا حاليا بفكر ابدأ في المايا واكمل فيه علطول
لانه بصراحه افضل بكتير ... ومش صعب برضو ولا حاجه لاني اعرف فيه اساسيات وكل برامج ال3D مشابهه لبعضها بشكل كبير
والمايا بيتميز بتكامله بشكل اكبر مع الzbrush



عموما لو انت لسه جديد خالص في ال3D
حاول تبدأ بالمايا وتكمل فيها احسن عشان متضيعش وقت
والدروس بتاعتها كتير وممتازه


وطبعا يفضل يكون عندك ولو خلفيه بسيطه في الفوتوشوب عشان تظبط شغلك عليه


عموما الموقع ده مفيد برضو
https://www.maxforums.net/

[SeeNoEvil]

بالنسبه لمواصفات الجهاز فهي ممتازه كبداية
لان الشغل نفسه على البرنامج مش محتاج مواصفات عاليه قوي

الرندر اللي ممكن ياخد وقت منك ... لكن كاعمال بدائيه مش هياخد وقت طويل


وياريت لو قدرت توصل لاسطوانات dvd كويسه للمايا ابقى ابعتلي على الخاص
لاني بدأت احمل شوية حاجات بس محتاجين شوية وقت

بالتوفيق

[Ĵ Ŏ ƙ Э Ř]

طب يا ريت يا حسام توضحلى اية الفرق بين الماكس و المايا ولية بتفضل المايا

وهل معنى استخدامك للماكس من قبل و الان العزوف عنة انة لا يستجق اما ماذا

انا سئلت بعض الاصدقاء على كلامهم ان الماكس افضل و هو اللى منتشر وكلام كدة

انا معنديش اية خلفية عن البرامج دى

عندى ع الجهاز هنا

شروحات فيديو باللغة العربية و الانجليزية للماكس و كمان البرنامج

وايضا شروحات للمايا بالعربية و لكنها ليست كاملة

فا انا كنت هاخد اسبوعين كدة كل يوم احاول اتعلم من شروحات الفيديو عن الماكس شوية

[mr_zezo]

بالنسبة للمراكز فيه حاجات ممتازة جدا زي

سنرجي بس ناررررررررررررر يا معلم

نيوهوريزون ممتاز وسعره معقول الي حد ما

اكاديمة الجرافيك في شارع اسماء فهمي

لو عاوز حاجة اقل في الاسعار شوية بس طبعا هيبقى فيه فرق فيه المركز الثقافي الروسي

بالنسبة ليات وكيت والحاجات دي بصراحة انا مش مقتنع بيها اصلا

[SeeNoEvil]

هو زي ماقولتك الاتنين مشابهين لبعض
لذلك البدايه بالماكس ممتازه ومش وحش ابدا


وفي المستقبل لو حبيت تجرب المايا هتعرف قصدي ايه وقتها
المايا فيه حريه اكبر شويه في الموديلينج والخامات وحاجات كتير


لكن الماكس كبداية افضل لانه اسهل قليلا

والماكس منتشر اكتر فعلا عندنا هنا في المنطقه العربيه

لكن بشكل عالمي المايا والزيبرش افضل

[Ĵ Ŏ ƙ Э Ř]

حسام


شكرا ع المساعدة القيمة دى

جزاك الله كل خير

ان شاء الله

الشروحات اللى عندى للماكس هاحاول اتعلم منها على قد ما اقدر واطبق اللى اتعلمة منها

انت قولتلى يفضل يكون عندى خلفية عن الفوتوشوب الحمد لله لية اصدقائى متمرسين فية

عاوزك توضحلى اية النقاط او العمليات اللى هتاجها من الفوتو شوب عشان اخليهم يعلمهوالى

وبالنسبة لعملية الريندر هل هى بطيئة بطبعها ولا دة بيعتمد عل مكونات الجهاز من كارت شاشة و رامات مثلا

ان افترضتنا ان راماتى 2 جيجا فقط هل دة هأيثر بشكل كبير و ملحوظ و لا حجم الرامات عامل غير مؤثر

ان شاء الله هاشترى كارت شاشة طبعا انا مش هاكون مهتم بالالعاب بسبب انشغالى فى الماكس و الدراسة و العمل

هل ساحتاج لكارت شاشة فئة علية او متوسطة ولا ممكن كارت زى 4670 يقوم بالواجب و يكون كافى لعمليات الماكس

[Ĵ Ŏ ƙ Э Ř]

زيزو

شكرا على مساعدتك

بس ياريت تكمل

تكلفة الدورة لكل مركز و عدد ساعات الدورة

واذا كنت تعرف اسلوب الشرح المتبع ياريت توضحة حتى تعم الفائدة لى و لكل من يتابع الموضوع

لانى كنت دخلت دورة برمجة فيجوال بيسك و اركل و اس كيو ال و ... ولكنى تركتها بسبب اسلوب الشرح المتبع

[SeeNoEvil]

بالنسبه للفوتوشوب هتحتاجه لو حبيت تعمل موديل لشخصيه او سياره او اي موديل بشكل عام
وذلك لتظبيط ال blue prints بتاعت الموديل اللي هتعمله
وممكن تظبطها باي برنامج تحرير للصور مش شرط الفوتوشوب
يعني تصغير صوره وتكبيرها وقلبها 90 درجه او في اتجاه وقصها وحاجات بسيطه متشلش همها يعني


غير كده ممكن تحتاجه لعمل رتوش بسيطه للعمل ال3D بتاعك وده قدام شويه

وبالنسبه لمواصفات الجهاز فهي كافية زي ماقولتلك
انا كنت شغال ماكس على P4 512mb ddr1 ram - fx5200 256mb !!

اما بالنسبه لكرت الشاشه اعتقد ان الماكس بيستفيد من كروت nvidia اكتر بكتير.. اعتقد عشان الcuda حاجه زي كده مش عارف بالظبط بصراحه لو عملت بحث بسيط هتعرف اكتر
لكن الكرت البلت ان بتاعك دلوقتي كويس جدا وهيبان اكتر مع التجربه اكتر من الكلام النظري ده



وبالنسبه للماكس
في عندك دروس "السدير ياسين" راجل مبدع بصراحه !

[mr_zezo]

زيزو

شكرا على مساعدتك

بس ياريت تكمل

تكلفة الدورة لكل مركز و عدد ساعات الدورة

واذا كنت تعرف اسلوب الشرح المتبع ياريت توضحة حتى تعم الفائدة لى و لكل من يتابع الموضوع

لانى كنت دخلت دورة برمجة فيجوال بيسك و اركل و اس كيو ال و ... ولكنى تركتها بسبب اسلوب الشرح المتبع

بص يا باشا سنرجي ونيوهوريزون دول علامة مسجلة

يعني سنرجي مثلا اماكن استراتجية في البلد هنا بتعتمد عليها لتدريب الاستف الفني بتاعها

https://www.globalknowledge.net/synergy

وزارة الطيران المدني مصر للطيران الملاحة شركة المطارات المصرية ... الخ

احسن انستراكتورز في مصر احسن مكان واجهزة اخر مناهج بتدرس في العالم كله بتجيلك

طبعا سنرجي دي سلسلة مراكز وليها فرع في مصر لكن هي دولية

تاني حاجة نيوهوريزون برضوا مكان عالمي وممتاز جدا واللي بيميزه انه اقل سعر شوية من سنرجي

لكن مقارب ليه جدا في الكفاءة برضوا المركز ده من المراكز الدولية اللي ليها فرع في مصر

https://www.newhorizons.com/content/index.aspx

عاوز تعرف تفاصيل الدورات هناك

ادخل هنا

https://www.globalknowledge-eg.com/contact%20us.aspx

او هنا

https://www.newhorizons.com/content/...elect_region=5

وشوف التفاصيل كلها من خلال التليفون

فيه كمان اكاديمية الجرافيك او Graphic academy

في ارض الجولف

ده مكان خطير جدا برضوا ومش بيدي اي كورسات غير الجرافيك

والميزة بتاعته ان الناس اللي بيدوا هناك منتجين اساسا في المجال يعني خبرة عملية مفيش بعد كده

بس العيب ان الكورسات بتاعته نار نار

الماكس كان ب تقريبا 6000 جنيه

والمايا تقريبا 8000 جنيه

بس هما عندهم نظام مختلف لو عاوز تدرس بس المنهج بتدفع تقريبا نص القيمة دي

اما لو عاوز تدخل مشروع كبير عملي طبعا بتدفع الجزء التاني

غير طبعا ان اي مركز من دول بيقسط على حسب قدرتك

بس الاسعار دي مش نهائية طبعا ممكن تقل او تزيد انا بقولك من الذاكرة

وان شاء الله لو وصلت لتليفون اكاديمية الجرافيك هكتبهولك

طبعا دول المراكز التوب لكن عندك مثلا معهد نظم المعلومات بتاع الجيش اسعاره ممتازة ومستواه جيد

ده نموذج للاسعار والتليفونات والعنوان علشان برضوا تتاكد من اخر سعر

[mr_zezo]

اكاديمية الجرافيك

26901929

[Ĵ Ŏ ƙ Э Ř]

الف مليون شكر يا حسام و يا زيزو

جزاكم الله كل خير

ان شاء الله

ساتصل بالمراكز و اعرف اية نظامهم و التكلفة و مدة الدورة

واعلن بالموضوع عنها التفاصيل دى

حتى يستفاد الاخرون ايضا

[mostafa4515]

السلامو عليكم
ازيك ياجوكر عامل ايه


نخش فى الموضوع
اولا الكورسات فعلا زى ماقال الاخ SeeNoEvil هتاخد منها الاساسيات والتعرف على اماكن قوائم البرنامج
وبكدا تقدر تتعامل مع الدروس الموجوده على النت ومجرد ما ايدك تتعود على البرنامج هتطبق دروس اكتر واكتر (ودا اهم من الكورسات)
انا خت تلات مستويات با 600 جنيه فى( اكاديمية اللغات والحاسب فى ماسبيرو فى التحرير )

على فكره هتحتاج شوية صبر حلوين ولما تبداء ان شاء الله اى سؤال انا فى الخدمه

دور على كتاب احمد مراد لتعليم الماكس موجود على النت هيفيد كتيير

[Ĵ Ŏ ƙ Э Ř]

اتصلت اليوم بالمركز الثقافى الروسى لانة سيبدا يوم الاثنين القادم و الفترة الحالية هى المتاح لى وقت بها

واخبرنى ان الدورة عبارة عن تصميمات و معماريات و ديكور


ولكن لايوجد انيمشن او كاركترز


وشغل الانميشن و الشخصيات هو اللى انا عاوزة اصلا


ياريت اذا كان حد يعرف مكان بيدى الكورس كلة advanced


بالانيميشن و الشخصيات يدلنى علية ...؟؟

[mr_zezo]

جوكر باشا مشفتش ايه ظروف اكاديمية الجرافيك او نيوهوريزون ؟