النتائج 1 إلى 6 من 6

الموضوع: محتاجه مساعدتكم

  1. #1
    عضوية جديدة
    تاريخ التسجيل
    Apr 2008
    المشاركات
    19
    معدل تقييم المستوى
    0

    محتاجه مساعدتكم



    السلام عليكم ورحمة الله وبركاته

    عندي جم سؤال ابي لهم توضيح و طريقة حلهم

    و هذي الاساله :

    172.212.0.0\17

    how many subnet you can create ?

    max.no. host in every subnet ?

    net ip
    start ip
    end
    brodcast

    ممكن شرح اشلون انطلعهم !؟

    و شكرا

  2. #2
    عضو برونزي الصورة الرمزية أيمن النعيمي
    تاريخ التسجيل
    Nov 2007
    المشاركات
    2,600
    معدل تقييم المستوى
    21

    رد: محتاجه مساعدتكم

    تفضل شوف هذا الموضوع
    http://www.arabhardware.net/forum/sh...d.php?p=986589

  3. #3
    عضو
    تاريخ التسجيل
    Aug 2009
    المشاركات
    158
    معدل تقييم المستوى
    0

    رد: محتاجه مساعدتكم

    السلام عليكم ورحمة الله

    أولا حضرتك قبل ماتحل السؤال تعرف سيناريو السؤال والمطلوب منه
    السؤال اعطاك اي بي واعطاك رقم subnet mask وهذا الرقم هو عبارة عن السكينة الي بنقطع بيها الاي بي :D
    طيب المطلوب مننا هو تحديد الاتي
    أولًا عدد الشبكات التي تنتج عندما نقوم بعمليه التقطيع باستعمال الsubnet mask المعطى لنا . وكذلك عدد الاقصى للاجهزه داخل كل شبكة منهم.
    ثانيًا مطلوب مننا ان نقوم بكتابه عنوان كل شبكه وأول اي بي صالح للاستعمال فيها واخر اي بي صالح للاستعمال وعنوان الbroadcast الخاص بالشبكة






    نبتدي الحل على بركة الله


    أولا لازم حضرتك تكون عندك خلفيه عن عنوان الsubnet mask وكيف تقوم بتحويله من الصورة الي انت شفتها في السؤال الى الصورة الdecimal وايضا للصورة الbinary لان الرقم ده بيكون مهم معانا كتير

    هنحوله للصورة الdecimal فيكون على الشكل الاتي : 255.255.128.0
    وفي الصورة الbinary يكون في الشكل التالي : 11111111.11111111.10000000.00000000


    جميل جدًا
    الوقتي هو أول طلب طلبه مننا انه عايز يعرف لما نقطع الاي بي ده هيتقطع لكم شبكة؟
    ببساطه في قانون بيقولك ان عدد الشبكات دي هيكون 2 أس X
    طيب ايه هي ال x ؟ .... هي عدد الsubnet bits ... طيب برده ايه هو عدد الsubnet bits ؟
    عدد الsubnet bits هو عدد تكرار الرقم واحد في الsubnet mask وهنطرح منه (8 أو 16 أو 24 )
    طيب اعرف انا هطرح منه 8 ولا 16 ولا 24 منين؟ :confused:
    هقولك ياسيدي ... انت هتحدد لي الاي بي الي عندك في انهي كلاس ولو كان class A يبقا تطرح 8 ولو كان Class B يبقا تطرح 16 ولو كان Class C يبقا تطرح 24
    طيب الاي بي الي عندك ده الكلاس الي هوا فيه كلاس كم؟
    بص كدا على الاي بي هتلاقيه أولى اوكتت فيه 172 يعني كلاس B ... يبقا تطرح 16
    طيب يبقا احنا كدا هنعرف عدد تكرار الرقم واحد في الsubnetmask ونطرح منه 16 وطبعا عدد التكرار 17 لانه اصلا لما بيكتب لك الصيغة 17/ بيكون مقصود بيها عدد تكرار الرقم واحد.
    كدا بقا نطرح 16 من 17 ويكون الباقي 1 ... اذن عدد الشبكات هيكون اتنين أس 1 وهيكون 2
    كدا نكون جاوبنا على أول حاجه طلبها وهو عدد الشبكات وهو 2


    تاني حاجه بيقولك انا عايز أقصى عدد من الاجهزة داخل كل شبكة من الشبكات الي قلنا ان عددهم اتنين دول
    بكل بساطة في قانون تاني جميل بيقولك ان عدد الاجهزة هيكون 2 أس Y ونطرح من الناتج 2 .. طيب إيه الY ؟
    هو احنا خلصنا من الX تيجي Y ؟ :ah34:
    لا متزعلش نفسك احنا هنحسب الY بسهوله احنا لا هنطرح ولا هنجمع انت بس عندك عدد الY هو عدد تكرار الرقم صفر في الsubnet mask شوف بقا عدد تكرار الرقم صفر كم أو ممكن تحسبه بسرعه وتطرح 32 - 17 ويطلع لك الرقم y قيمته 15
    جميل يبقا كدا عدد الاجهزة في كل شبكة بيساوي 2 أس 15 وبعدين نطرح منهم اتنين يعني كم ياترى؟
    لو معاك اله حاسبه شوفها وهتكون 32768 ونطرح منهم اتنين يبقا 32766
    طيب يبقا احنا كدا جاوبنا تاني حاجه طلبها وهو العدد الاقصى للاجزة داخل كل شبكة وهو 32766


    لاحظ اننا لحد الوقتي مقطعناش الاي بي احنا بس قاعدين نقول ده لما نقطع هيتكون لنا شبكتين وكل واحده فيهم هيكون عدد الاجهزة فيها 32766
    - علشان نقدر نجاوب الجزء الباقي من السؤال لازم نقطع الاي بي


    الوقتي معانا الاي بي ومعانا السكينة الي هنقطع بيها الاي بي وهي ال subnet mask يبقا مش ناقص غير اننا نقطع.

    - القى نظره على الsubnet mask في الصورة العشريه هتلاقيه متقسم لاربعة اوكتت اختار اخر اوكتت ناحية اليمين وميكونش قيمته صفر.... اكيد هيكون اختيارك هو 128
    طيب الرقم 128 ده هنعمل بيه حاجتين اولا نعرف مكانه وواضح ان مكانه في الاوكتت التالت
    ثانيا هنجيب منه مقدار اسمه increment او الخطوة ومعناه المقدار الي بنزيده كل مره علشان نعرف عنوان الشبكة التاليه (يعني ايه طيب؟ :ah34 يعني مثلا لو عنوان الشبكه الاولى عندك صفر والخطوة خمسه يبقا التانيه هتكون 6 والتالته هتكون 11 والرابعه هتكون 16
    طيب ازاي هنجيب الخطوة من الرقم 128؟ ... تقوم بطرح الرقم 128 من الرقم 256 فيكون الناتج هو 128
    وهذه هي الخطوة

    - نرجع الوقتي للاي بي الي كان فوق الي رايحين نقطعه ده . الوقتي بقا عايزين نعرف الاي بي ده هنقطعه منين بالظبط؟

    بسيطه مش احنا قلنا ان الرقم 128 كان موقعه في الاوكتت التالت؟
    يبقا انت هتقطع الاي بي من الاوكتت التالت
    طيب اقطع ازاي؟ ... بسيطه برده انت هتبتدي تطبق الخطوة الي قلنا عليها في الاوكتت التالت من الاي بي
    طيب تعالى نطبق بقا
    هيكون كدا عنوان اول شبكة 172.212.0.0
    العنوان التاني 172.212.128.0

    انت طبعا عارف من بدري انهم عنوانين اتنين مش اكتر وهو فعلا الي قدرنا نعمله اتنين لانك لو جيت تجيب عنوان تالت هتقوم مزود 128 + 128 يقوم يطلع لك 256 وده رقم مينفعش تكتبه في اي اوكتت في الاي بي .


    الوقتي اول شبكة عندنا الي هي 172.212.0.0 انا عايز اجيب عنوان الشبكة بتاعها؟ ماهو العنوان الي قدامك هو عنوان الشبكة بتاعها فعلا :cool:
    طيب عايز اجيب عنوان أول اي بي صالح للاستعمال فيها؟ ... هيكون هو عنوان أول رقم بعد رقم الشبكه يعني من الاخر زود واحد في اخر اوكتت على اليمين يبقا عنوان أول اي بي صالح للاستعمال هو 172.212.0.1
    طيب عنوان الbroadcast ده ايه ده؟ .... ده ببساطه بتجيبه من انك تشوف عنوان الشبكة الي بعد الشبكة دي وتطرح منه واحد وطبعا عنوان الشبكه التاليه لها عندنا وهو 172.212.128.0 اطرح منه واحد ازاي طيب؟ هقولك
    انت هتطرح واحد من الرقم صفر يقوم يتحول ل 255 وتطرح من ال128 واحد يقوم يتحول ل 127 .
    يبقا عنوان ال broadcast هو 172.212.127.255
    طيب بيقولك عايز عنوان أخر اي بي صالح للاستعمال ... هتطرح واحد من عنوان الbroadcast ويكون عنوان اخر جهاز صالح للاستعمال هو 172.212.127.254

    كدا احنا عملنا انجاز كبير باقي نروح على الشبكة 172.212.128.0 وتجيب لها عنوان الشبكة وعنوان اول اي بي صالح للاستعمال وعنوان البرودكاست وعنوان اخر اي بي صالح للاستعمال

    المفروض اني مشرحش دي وانت الي تجاوبها علشان تتدرب بقا :D

    اوكي نكمل بقا ...

    بالنسبة للشبكة 172.212.128.0 عنوان الشبكة هو الي قدامك
    وعنوان أول اي بي صالح ... هنزود واحد على العنوان السابق فيكون 172.212.128.1
    عنوان الbroadcast هنا بقا مشكلة وهي اني مش عارف عنوان الشبكة الي بعدي دي علشان اطرح منه واحد :confused:
    هقولك تعمل ايه في الحاله دي
    الوقتي احنا معرفناش نجيب عنوان الشبكة الي بعدها لاننا في اخر شبكة اصلا فلما تحب تجيب الbroadcast الخاص باخر شبكة في التقسيم الي عملناه هتبص على الاي بي وتفتكر هو كان كلاس كم؟ ؟؟ كان class B جميل
    طيب كلاس بي كان شكل الماسك بتاعه لو تفتكر 255.255.0.0
    قولي بقا ايه هما الاوكتت الي فيهم الرقم صفر ..... هيكون الاوكتت التالت والرابع
    اوكي يبقا انت ترجع لعنوان الشبكه الي هو 172.212.128.0 واكتب لي مكان الاوكتت التال والرابع 255
    يعني من الاخر هيكون العنوان على الشكل التالي 172.212.255.255
    طيب عايزين عنوان اخر اي بي صالح للاستعمال
    عادي اطرح واحد من الرقم الي فات يبقا 172.212.255.254

    كدا يكون السؤال انتهى

    للعلم انا شرحت لك السؤال بكل تفصيل لانك لو حليت السؤال ده تبقا انت كدا تقريبا فهمت موضوع التقسيم كله (IP Subnetting)



    أسف للإطالة في الشرح :o

  4. #4
    عضو ذهبي الصورة الرمزية warior10
    تاريخ التسجيل
    Nov 2005
    المشاركات
    1,991
    الدولة: Saudi Arabia
    معدل تقييم المستوى
    25

    رد: محتاجه مساعدتكم

    شرح جميل جدا يا نور القمر
    بس على حسب ذاكرتي لو مخانتنيش
    الكلام ده هيتطبق فى حالة استخدام ip subnet zero
    وهنستخدم الشبكتين مش الشبكة 128 بس
    اما فى حالة الامتحان فلازم يحدد هتستخدم ip subnet zero ولا لا
    لو ما ستخدمنهوش فاعتقد اني مش هاعرف استخد subnetmask 17
    بصراحة مش فاكر قوي
    بس والله شرحك جميل وبارك الله فيك
    ارجو التصحيح لو كت اخطأت
    [SIZE=3][COLOR=red]الحــــر يعـــرف مــــــا تــريـــد المحـــــــكمة [/COLOR][/SIZE]
    [SIZE=3][COLOR=red]وقضــــاتها سلفا قـــــد ارتشفوا من دمــــه [/COLOR][/SIZE]
    [SIZE=3][COLOR=red]لا يرتجي دفعا لبهتــــــان رماه به الطغــــاة [/COLOR][/SIZE]
    [SIZE=3][COLOR=red]المجرمون الجالسون فوق كراسي القضاة[/COLOR][/SIZE]

  5. #5
    عضو
    تاريخ التسجيل
    Aug 2009
    المشاركات
    158
    معدل تقييم المستوى
    0

    رد: محتاجه مساعدتكم

    انا فعلا حليت على اساس استعمال subnet zero لان الروترات الي مبتدعمهاش الوقتي خلاص انقرضت وبقت نسبة وجود سؤال في الامتحان فيه no ip subnet zero نسبة قليله لان الغالبية العظمى في الروترات حاليا supports classless ومعادتش محتاجه اننا نلغي خاصيه الsubnet zero
    لذلك انا استعملت الشبكتين 0 و 128
    لكن لو فرضا يعني الامتحان حب يرخم فهيكون الماسك ده غير صالح للتقسيم طبعًا
    انت كلامك صح ولم تخطيء ولا تنسى لكن خلاص الدنيا اتطورت ومعادش فيه روترات متدعمش الsubnet zero غير قليل :o

  6. #6
    عضوية جديدة
    تاريخ التسجيل
    Apr 2008
    المشاركات
    19
    معدل تقييم المستوى
    0

    رد: محتاجه مساعدتكم



    شكرا نور القمر على الشرح
    استفدت منه كثيرا
    جزاك الله كل خير


المواضيع المتشابهه

  1. محتاجه مساعدتكم ضروري
    بواسطة om nour في المنتدى الأرشيف
    مشاركات: 0
    آخر مشاركة: 28-01-2012, 19:04
  2. محتاجه مساعدتكم ضرورررررروى
    بواسطة new chance في المنتدى الأرشيف
    مشاركات: 5
    آخر مشاركة: 24-12-2011, 12:37
  3. محتاجه مساعدتكم ضروري
    بواسطة شبكاات في المنتدى الأرشيف
    مشاركات: 3
    آخر مشاركة: 21-12-2009, 21:29
  4. محتاجه مساعدتكم ضروري
    بواسطة nanosh في المنتدى الأرشيف
    مشاركات: 3
    آخر مشاركة: 21-05-2008, 11:00
  5. محتاجه إلى مساعدتكم الله يسعدكم
    بواسطة لانا 2009 في المنتدى الأرشيف
    مشاركات: 9
    آخر مشاركة: 29-12-2007, 06:13

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •