لو سمحتم عايز حد يفهمني انواع : group-scopes
3عشان أنا مش فهمها ومش عارف إيه لازمتها
وجزاكم الله كل خير
اولا الجروب عباره عن مجموعه users بعاملهم logically كانهم user واحد يعنى عندى مجموعه users عاوز اطبق عليهم حاجه معينه بدل ما اختارهم واحد واحد هحطهم فى جروب واللى هيتطبق على الجروب هيتطبق على كل الناس الىى فيها
لما تيجى تصنف ال groups هتصنفهم على اساس حاجتين النوع والمدى اللى هو ال scope
النوع يا اما
security group ودى باقدر اديها permission على shared folder مثلا وكمان اقدر ابعت ليها mail يعنى بدل ما هابعت الرساله لواحد واحد هابعتها للجروب وساعتها الرساله هتروح لكل الناس اللى فى الجروب
distribution group ودى باقدر ابعت ليها mail بس لكن ما اقدرش اديها permission زى ال security _طب هى ليه لسه شغاله طالما ان ال security group بتقوم بوظيفتها؟ لان بعض ال mail servers ما بيقدرش يبعت رسايل لجروب الا اذا كانت distribution group
اسف على الاطاله ونيجى لسؤالك وهو المدى
مدى الجروب المقصود بيه الجروب قدرتها تشيل ناس منين يعنى ال users بتوعها من دومانها بس ولا تقدر تشيل ناس من دوماين تانى ومش بس كده ده كمان هل هى ممكن تاخد permission على shared folder فى دومانها بس ولا فى دوماين تانى _تعالى لما نشوف مدى كل جروب
اول نوع هو ال global group ودى اعضائها يعنى ال users بتوعها من دومانها بس يعنى ما تقدرش تشيل ناس من بره الدوماين بتاعها لكن ممكن تاخد permission على اى shared folder فى الفورست كلها يعنى لو جيت فى اى دوماين تانى وحاولت اضيف شخص عشان اديله permission هلاقيها ظهرت وممكن اضيفها على ال shared folder ده
تانى نوع domain local group ودى العكس بتشيل users من اى دوماين فى الفورست لكن ممكن تاخد permission على shared folder جوه دومانها وبس
ثالث نوع universal group ودى بتجمع بين الاتنين يعنى بتشيل ناس من اى مكان فى الفورست وبتتحط على share فى اى مكان فى الفورست
ارجو ان اكون افدتك واسف على الاطاله
المفضلات