السلام عليكم ورحمة الله وبركاته

اخواني الكرام بعد التحية والسلام :-
انا عندي كارت XFX 7300 GT وعندي فيه مشكلة
المشكلة باختصار: ان الكارت بيفصل مني بعد مدة قصيرة لا تتعدى 5 دقائق واحيانا بيشتغل وبيكمل معايا لاربع ساعات مثلا...
حاتقلولي بيفصل ازاي ؟؟؟
حاقولك ان مثلا لما اجي اشغل الجهاز من الباور عادي بيفتح شاشة البيوس وبعد كدة بيخش على الويندوز عادي وبعد فترة وجيزة الشاشة بتسود (اكنها مش متوصلة بالكمبيوتر) واللمبة بتاعة الشاشة بتنور وتطفي والجهاز في النهاية بيعلق

وبالنسبة لمكونات الجهاز الاخرى :-
processor dual core e2180
mother: giga byte g31
ram :2gb king ston
power : 350 watt hec
ودي صور للكارت وتوضح حالة المكثفات:
http://www.4shared.com/dir/23054229/...1e/photos.html

مع العلم انا وديت الكارت قبل كدة لواحد عشان المشكلة دي بس ماعرفش يصلحه وبيقولي ان العيب في الحرارة ....لكن انا اساسا حاطط للكارت مروحة والحرارة في وقت الخمول 44 درجة واثناء الضغط كانت 52 درجة ومن غير مروحة كانت 58 درجة في وقت الخمول واعتقد ان الحرارة مش عالية اوي عشان تخلي الكارت يفصل .
وكمان انا جربت الكارت امبارح واشتغل معايا صدفة ولعبت عليه assassin's creed and pro 2010 من غير مشاكل على اعلى اعدادات
لكن النهاردة جيت اشغله رجع وعلق تاني وفصل

وسؤالي هل يوجد مراكز صيانة لكروت الشاشة ؟؟؟
لو كانت الاجابة بنعم ياريت اماكنها وياريت تكون في اسكندرية

ارجو من الله ان اجد حلا لهذه المشكلة معكم ان شاء الله.....
معلش انا طولت عليكو ..
وجزاكم الله خيرا .
وشكراااا..